Atzo, hilak 27, TMAko langile ohiek deituta manifestazioa egin zen Markinan “Alexis eta David LIBRE. Barriro be egingo geunke” lemarekin. Alexis Rodríguez eta David González, datorren asteartean epaituko dituzte, azaroaren 29an. Enpresariak 5 urte eta 6 hileko kartzela zigorra langile bakoitzarentzat eta 9.000 euroko kalte-ordaina eskatzen du, eta fiskalak 2 urte eta 3 hileko kartzela.
TMAren itxieraren inguruko gatazkaren lotuta dago epaiketa eta langile hauen kontrako jazarpena. 2013 urte bukaeran 8 hileko greba baten ondoren TMA itxi eta langileak kale gorrian utzi zituzten milaka euroko zorrarekin. Enpleguaren defentsan eta beraien soldatak jasotzeko egindako greba eta borrokaldiaren ondoren, enpresariak hainbat langileren kontrako salaketak jarri zituen. Bi langile ohi, Alexis eta David, auziperatu egin dituzte eta azaroaren 29an epaituko dituzte Bilbon.
Lanpostuak eta soldatak lapurtu ondoren enpresariak kartzelara bidali nahi ditu. Eta hori gutxi balitz, fiskalak ere enpresariaren interesen aldeko jarrera hartzen du eta ez kale gorrian geratutako diren langileen alde. Are gehiago, kontutan izanik, enpresa hori hainbat ikerketetan susmagarria izan denean, hala nola: “Hiriko” auzian tartean egondako enpresatako bat izan da.
Langileek argi izan dute hasieratik patronalak isilik behar gaituela eta horretako mekanismo guztiak martxan jarriko dituela. Gainera, botere publikoek patronalaren interesen defentsarako ere, bitartekoak indartu ditu azken urteetan.
Ekimenaren barri ematen duen blogean alexistadavidlibre.wordpress.com honela adierazten dute: “Baina, horrek ez digu arrazoia kentzen, badakigu langileok gure eskubideen defentsan lan egiten jarraitu behar dugula eta borroka ezinbestekoa dela. Horregatik, gure lanpostuen defentsan egin zuten borrokaren aldeko atxikimenduak eta auziperatuak babesteko dinamika martxan jarri” zuten TMAko langile ohiek: “BARRIRO BE EINGO GEUNKE. ALEXIS ETA DAVID LIBRE!”.
Horixe izan zan atzoko manifestazioko pankarta bakarra, TMAko langile ohiek zeramatena, euren artean bi auziperatuek. Eta atzean 350 herritarretatik gora, Alexis eta Daviden aldeko elkartasun kanpainak lortu dauen zabalkunde handiaren erakusgarri.
Amaieran, Arkupean jarrita zegoen oholtzara igo zuten pankarta, eta bertatik, bertaratutakoei eskerrak eman zizkien TMAko langile ohi batek, gauzak aldatu zein eskubideak defendatzeko borrokak daukan garrantzia azpimarratuz. Azken asteotan martxan jarri duten elkartasun kanpainaren arrakasta aipatu zuen, zabaldutako ehundaka argazkiak, enpresa-komiteen atxikimendua zein kolore ezberdinetako Udaletako mozioak aipatuz. Alexis Rodriguez eta David Gonzalez gerturatu ziren ondoren mikrofonora eta lehenengoarenak izan ziren ekitaldiko azken hitzak.
Alexis Rodriguezen interbentzioa:
"Se pensaban que nos iban a doblegar, que cederíamos, que nunca llegaríamos hasta aquí, que íbamos a quedarnos sólos. Acobardados, asustados y sin ningún apoyo y sin embargo, estáis todos y todas aquí. Con nuestra lucha, por nuestra causa, ayuntamientos, obreros, trabajadoras… mila esker etortzeagatik! ¡Muchas gracias por vuestro apoyo!
El martes seremos juzgados por el único delito de luchar por nuestros derechos laborales. Por desgracia hemos comprobado cómo Rafael Zabala Fernández nos cerró la empresa, no nos pagó las indemnizaciones y tampoco 4,5 nóminas. Aún así, el Estado español le da todas las herramientas para enjuiciarnos. Los obreros a la cárcel y los sinvergüenzas de paseo.
Para acabar quiero decir una frase de un gran hombre: “Quien no se capaz de luchar por otros, no será nunca capaz de luchar por sí mismo”. Hoy vosotros y vosotras hacéis realidad esta frase. Seguid caminando a nuestro lado que les vamos a plantar cara. Les vamos a decir bien clara una cosa “barriro be egingo geunke”."
Txalo artean amaitu zuen Rodriguezek. Hurrengo hitzordua, epaiketa. Azaroaren 29an izango da Bilboko Buenos Aires kaleko epaitegietan. LABek protestarako kontzentrazioa deitu du 09:30etatik aurrera.