Corrugados Azpeitiako enpresa batzordeak, langile bati izan ezik beste langile orori kaleratze agiriak igorri dizkietela adierazi nahi du. Hainbat alditan berauekin biltzeko saiakera egin dugun arren egun erantzunik gabe jarraitzen dugu eta gure lantegiaren inguruan duten utzikeria salatu beharrean gara beste behin ere.
Bestalde egunotan Azpeitiako EAJ-PNVren agiriari erantzunez esan corrugadoseko enpresa batzordeak plazan bildu ziren instituzio guztiei eman ziela gutun bana, han bildutako komunikabide zein herritar guztiek ikusi ahal izan zuten moduan eta Urkulluri erakutsi omen genion esker onaren arira esan egun oraindik ez dakigula berauek gure lantegiaren inguruan egin dituzten gestioen berri, dugun berri gutxi hori komunikabideen bitartez solilik jaso ahal izan dugulako. Hainbat alditan berauekin biltzeko saiakera egin dugun arren egun erantzunik gabe jarraitzen dugu eta gure lantegiaren inguruan duten utzikeria salatu beharrean gara beste behin ere, beraz esker oneko izateko ez dugu arrazoi gehiegirik, eta Corrugadosen inguruan egin dituzten gestioen berri eman diezaiguten eskatutako bilera horren zai jarraitu beharrean aurkitzen gara. Bide batez instituzio orori gure enpresaren itxieraren aurka erantzunkizunez jokatzeko deia luzatu nahi genieke eta etorkizuna duen lantegi hau ixtea ekiditeko egingo diren ekimenak babes ditzatela eskatzen diegu.
Azpeitiko Corrugadoseko Enpresa batzordea
LAB SAREAN
{module[111]}
{module[111]}