2024-06-15
InicioServicios PúblicosCorreosCorreos enpresak langile bat kaleratu du gaixotasun kronikoa izateagatik

Correos enpresak langile bat kaleratu du gaixotasun kronikoa izateagatik

PP alderdiak ezarritako Lan Erreformaren gauzapen gordin eta basati berri baten aurrean gaude. Correos enpresako Giza Baliabideen Zuzendaritzak, 23 urtez lanean zeramatzan Iruñeko langile bat kaleratu egin du. Correos-ek erabaki du Tina Parra Cobos langilea kaleratzea, mediku baxa ugari izateagatik. Enpresa Komitearen gehiengoak (LAB-CGT) langilearen berehalako berronartzea eskatzen du eta horretarako egunero hiru orduko lanuzteak egingo dituela iragarri du. 

Langile Komiteko gehiengoaren (LAB-CGT) irakurketa

CORREOS-ek LANGILE BAT KALERATU EGIN DU GAIXOTASUN KRONIKOA IZATEAGATIK

LAB eta CGTk osatzen duten Langile Komiteko gehiengoak kaleraturiko langilea berrartzea eskatzen dute.

PP alderdiak ezarritako Lan Erreformaren gauzapen gordin eta basati berri baten aurrean gaude. Correos enpresako Giza Baliabideen Zuzendaritzak, 23 urtez lanean zeramatzan Iruñeko langile bat kaleratu egin du. Langileak egin omen duen falta…gaixo egotea izan da!!

LABek dituen datuen arabera, Nafarroan eman den PPren Lan Erreformaren lehenengo aplikazioa izan da. Betiere, aldizkako mediku baxen inguruko lehenengo aplikazioa izanik. Correos-ek erabaki du Tina Parra Cobos langilea kaleratzea, mediku baxa ugari izateagatik.

Gezurra badirudi ere, Correos enpresak erabilitako argudioa gehiegizko faltak izatea da, falta hauek justifikatuak badira ere. Zehazki, Correos-ek dio faltak "justifikatuak baina aldizkakoak, lan-egunen %20 bi hilabetez jarraian suposatzen dutenak eta beste hamabi hilabete osoaren lanegun guztien %5 iritsi da."

Hau da, 2011ko azaroaren 7tik eta 2012ko apirilaren 2a bitarte eta 2012ko azaroaren 14tik abenduaren 26a bitarte, 18 eta 17 egunetan, hurrenez hurren, lanera joan ez izana leporatzen diote. Baina Tinak ez du hautatu lanera ez joatea. Baizik eta, gaixotasun baten ondorioz ezin izan da lanera joan.
Tinak pairatzen duen gaixotasun kronika dela medio eman diote mediku baxa.

Bestalde, langileak bere gaixotasunaren araberako lanpostu egokitua zuen eta Enpresa jakinaren gainean zegoen. Tinak burutu behar izan dituen zenbait funtzio, egokituriko lanpostutik at ziren, eta egoera honetaz jakitun ziren Enpresa zein enpresa medikua.

Luis Pérez Capitánek, Correos-eko Giza Baliabideen Zuzendaria dena eta bere garaian Nafarroako Lan Ikuskaritzaren burua zena, ez du zalantzarik izan Tina kaleratzerakoan.

Neurri berri honekin, aurrean zehar “deserosoak” diren langileen kaleratze errazak nahiz merkeak egiteko bidea zabaldu egin du Correos-ek.

Kapitalismoaren neurri basati hau onartezina da. Eta horren ondorioz, LA eta CGTk Tinaren kaleratzea bertan behera uztea eskatzen dute.

Correos enpresa handia da, negozio itzela duena baita etekin handiak ere. Eta milaka langileak ditu.
PPren Lan Erreformaren gauzapen honekin Correos-eko Zuzendaritzak izua hedatu nahi du langileen artean. Datuen arabera (Nafarroako Lan Osasunaren Institutuak plazaraturikoak), gaixotasunak sendatu gabe langileak lanera itzuli egiten dira, kaleratuak izateko beldur baitira.

Ondorioz, gaixo dagoen langile bat kaleratzeak, injustua eta krudela izateaz gain, arrisku handi baten aurren uzten gaitu. Izan ere, baxen kopurua jaitsi daiteke baina ez gaixotasun kopuruarena. “Presentismo” deritzona (lanera joatea gaixo egonik ere) areagotuko da. Eta guzti honek, langileriaren osasunaren kaltetan eraginen du, baita lan gaitasunean ere.

Hemen gauden sindikatuak ez gaude prest onartzeko lan-kaleratze hau. Eta ez dugu onartuko ere gaixo dauden langileak izutzeko ofentsiba berri hau.
Gure ustez, langile honen kaleratzea ez da oinarritzen osasun arazoetan eta ez da arazo indibidual bat. Baizik eta patronalaren estrategia oso bat da.

Guzti honengatik, langileak mobilizatzera deitzen dugu. Izan ere, Tinaren kaleratzea gauzatu zenetik, langileen asanbladak burutu ditugu Nafarroa osoan arazoa konpartituz eta aurrera begirako erantzun sindikalak aztertuz.

Zehazki, hemen gauden sindikatuak heldu den urriaren 23tik aurrera lan uzte muga-gabea egiteko deitzen dugu.  

 

LAB sarean
{module[111]}

 

       

AZKEN ALBISTEAK | ÚLTIMAS NOTICIAS

Udal administrazioan euskararen normalizazioa mugatu nahi duen azken epaia gogor salatzen dugu

Euskal administrazioa euskalduntzeko prozesuaren aurka pairatzen ari garen oldarraldiaren baitan beste epai baten berri jaso dugu. Kasu honetan, Bilboko Administrazioarekiko Auzien Epaitegiaren eskutik etorri da; izan ere, Galdakaoko Udaleko Gizarteratzeko eta Laneratzeko Teknikari lanpostu bat egonkortzeko prozesuan 3. hizkuntza-eskakizuna ezartzea atzera bota du.

Si GUITRANS bloquea la negociación del convenio de transporte de mercancías por carretera de Gipuzkoa, haremos un llamamiento a bloquear las carreteras

Los sindicatos LAB, ELA, CCOO y UGT y la patronal GUITRANS hemos constituido la mesa negociadora del convenio de transporte de mercancías por carretera de Gipuzkoa. Con el inicio del año 2024, los sindicatos iniciamos la vía negociadora de un nuevo convenio. De hecho, el sector está sin convenio desde el 31 de diciembre de 2009, con más de 6.000 trabajadores y trabajadoras en condiciones totalmente desregulada.

La sentencia de Europa nos da otra herramienta para la lucha por la estabilidad del empleo público

La sentencia del Tribunal de Justicia de la Unión Europea (TJUE) ha aclarado que las medidas adoptadas por las administraciones no solucionan el problema de la temporalidad y pide medidas más efectivas.