Gaur, martxoak 20, Estrasburgon Ines del Rioren auzia jorratuko da; horren harira, LABek enpresa eta lantokietan hainbat mobilizazio egin ditu, 197/2006 doktrina salatu eta bere ezarpena etetea exijituz.
Espetxean 25 urte egin dituen preso politiko honek 2008an bete zuen bere zigorra, baina aske gelditzear zela, Espainiako auzitegiak zigorra beste bederatzi urtez luzatu zioten (197/2006 dotrina).
2012an Estrasburgoko Giza Eskubideen Epaitegiak dotrina honek Europako Giza Eskubideen Konbentzioa urratzen zuela eta Ines del Rio berehala aske uzteko dekretatu zuen.
Espainiar estatuak ordea, errekurtsoa jarriz, ez du epaia onartu eta Inesek preso jarraitzen du.
Presoen espetxe zigorra bidegabeki luzatzen duen “Parot dotrina” bezala ezagutzen dugun 197/2006 dotrina hau, indargabetzea ezinbestekoa da.
Estrasburgon aterako den epaia Ines del Rioren aldekoa izango balitz, 20, 25 eta 30 urtez preso dauden eta beren zigor osoa bete duten edo betetzear dauden beste 72 euskal preso ere kaleratuak izango lirateke.
{flickr-album}Type=Photoset, User=38841381@N08, Photoset=72157633041152409, Cols=4, Rows=5{/flickr-album}
{module[111]}