Arcelor Mittal Zumarraga enpresako ordezkarien eta enpresa bereko langile komitearen arteko bilera egin zen atzo negoziazio kolektiboaren propioaren harira. Aurreakordio batera iristeko ardatz nagusiak mahai gainean jarri dituzte CC.OO eta UGT sindikatuek: lanaldiaren luzapena eta soldata jaitsierak.
Bestetik, mahaian izandako proposamena langileen asanbladaren aurretik pasa gabe onartu dela ere aipatzekoa da, enpresa komitearen gehiengoak ala erabakita. Ondorioz, sinadura bilketari ekin zaio, eta langileen heren batek baino gehiagok hala eskatuta, asanblada bihar, ostegunerako deitu da.
Ordurako, aurreakordioa enpresa ordezkarien eta CC.OO eta U.G.T-ren artean sinatuta egongo da, eta enpresari dagokionez langileen aldeko inongo kontraprestaziorik gabe, ez enpleguak bermatze aldera ezta enpresaren bideragarritasuna ziurtatze aldera.
Azkenik, salatzekoa da enpresak negoziazio guztian zehar izandako portaera, betiere “descuelgue”-aren mehatxua mahai gainean izanik eta negoziazio jarrera erabat moldagaitza erakutsiz.
Honengatik guztiagatik, LAB sindikatuak salatu nahi du CC.OO eta UGTren jarrera, negoziazio guzti honetan eta hasieratik oso garbi ikusi delako Zumarragako langileei egin behar zioten traizioa eta era berean, enpresako zuzendaritzarekin egon den konplizitatea.
{module[111]}