Martxoaren 24an, “A25 Emakumeen plaza”-n DsBE-etan ematen ari diren murrizketen aurka mugarik gabeko greba hasi zuten pertsonei bisita egin diete LAB eta ELA sindikatuek. Gose greban direnei babesa emateaz gain Ainhoa Etxaide, LABeko Idazkari Nagusiaren hitzetan, “bestelako politikak egitea borondate kontua da, beraz egoera aldatzeko herritarrok kalera irten behar dugu”.
Herri honetan badago nahiko baliabide ekonomiko pobrezia guztiz baztertu eta guztiok ongi bizi ahal izateko. Beraz gaur egun pairatzen dugu egoera —pobrezia zabaltzea, jendea geroz eta okerrago bizitzea, krisi soziala indartzea—politiko batzuen ondorio da.
Egoera honetan elite ekonomiko zein politikoek erantzunkizun zuzena dute. Elite ekonomikoa inposatzen duen ereduak pobreziara kondenatzen gaituela salatzen dugu. Bestalde Etxaidek adierazi du, nahi izanez gero “Jaurlaritzak, baduela aukera babes soziala indartzeko, prestatzio sozialak hobetzeko, RGIaren aldeko apustua egiteko”.
Guztioi dagokigu politiko horien norabidea aldatzea eta hala luzatu die deialdia Etxaidek herritar guztiei. “Gure esku dagoe gertatzen dena ez onartzea, gertatzen ari denaren kontra kalera ateratzea, plazak betetzea ozen esateko beharra duen inoir ezin dela bakarrik utzi, ezin dela inor pobreziara kondenatu. Premiazkoa da bestelako politka batzuk aplikatzea eta hala aldarrikatuko dugu datorren larunbatean Bilboko kaleetan Karta Sozialak deituta 17.30etan Jesusen bihotzetik aterako den manifestazioan.