LAB sindikatuak Euskal Herria gertaturiko azken erailketa sexista gogor gaitzetsi nahi du. Zoritxarren eraso sexistaz beteriko uda baten aurrean aurkitu gara, non emakumeon aurkako, mehatxuak, bortxaketak, jipoiak eta erailketak izan diren protagonista ilunak. Gaur Ollarganen, Abusu sarearen eskutik antolaturiko mobilizazioan, zein bihar Emakumeon Mundu martxak deitutako elkarretaratzetan parte hartzeko deia luzatzen dizuegu.
Egoera hauek gertatzen dira, emakumeok zapaltzen gaituen jendartean bizitzera behartuak gaudelako. Eta Zapalkuntza honek baditu arduradun zuzenak. Izan ere, zineztarazi nahi digutenaren kontra, indarkeria sexista ez da arazo indibiduala edo eta zorigaiztoko gertaera isolatua, baizik eta egungo sistema kapitalista heteropatriarkalaren egituraren sostengurako ezin besteko tresna baizik.
Egoera honen aurrean , LAB sindikatua indarkeria sexistari aurre egiteko antolatuko diren deialdi guztietan parte hartzeko deia luzatu nahi dio euskal langileriari.
Soilik guztion inplikazioaren bitartez, konplizitate jarrerekin amaituz eta egoera hauen aurka mobilizatuz, lortuko dugulako emakumeok gure bizitzako esparru guztietan pairatzen ditugun zapalkuntza eta indarkeria sexista egoerekin behingoz amaitzea.
Horregatik, bai gaur Ollarganen (19:30), Abusu sarearen eskutik antolaturiko mobilizazioan, zein bihar Bilboko Arriagan (20:00), Iruñeko Udaletxe Plazan (20:00), Donostiako Bulebarrean (19:00) eta Gasteizko Andra Mari Zurian (19:30) Emakumeon Mundu martxak deitutako elkarretaratzetan parte hartzeko deia luzatzen dizuegu.
Azkenik, gure babesa eta elkartasun osoa adierazi nahi diegu erasotuak izan diren emakume guztiei eta bereziki Leireren senide eta lagunei.
Erasorik ez, erantzunik gabe! Gora borroka feminista!
Euskal Herriko Emakumeen Mundu Martxa
Nahikoa da! Beste emakume bat eraila Bilbon (2015/08/19)
Gaur jakin dugunez, Bilbon abuztuaren 8an auto batek harrapatuta hil zen emakumearen senar ohiak bere buruaz beste egin du trenak harrapatuta.
Euskal Herriko Emakumeen Mundu Martxatik indarkeria matxistaren beste biktima bat delakoan gaude, eta horregatik hemendik guztiz gaitzesten dugu erailketa hau.
Lau dira jada Euskal Herrian indarkeria matxistak eraildako emakumeak, eta ikusi ahal izan dugun bezala, eraso sexistak eta indarkeria matxistagatik atzemandako gizonen kopurua izugarria izaten ari da uda honetan.
Nazkatuta gaude, haserre eta erreta, emakumeonganako indarkeria honek etenik ez duela ikusita, eta honen aurrean behar bezalako larritasunez erantzutera deitzen ditugu, bai jendartea eta bertako eragile sozialak, baina baita arduradun politikoak ere.
Horregatik guk kaleak hartzen jarraituko dugu, eta dei egiten diogu jendarte guztiari, ostiralean hiriburu zein herrietan emango diren kontzentrazioetara batu eta indarkeria matxistari behin betiko ezetza ematera.
Donostian: ostirala 19:00etan Bulebarrean
Bilbo: ostirala 20:00etan Arriagan
Iruñea: ostirala 20:00etan Udaletxe plazan
Gasteiz: ostirala 19:30ean Andra Mari Zuriaren plazan
Gora borroka feminista! Gora emakumeon bizitzak!
