Sektoreko patronalak, Telefonica haren buru izanik, ezarri duen laneko esplotazioaren aurka, Movistarrentzat lan egiten duten eta ia duela bi hilabete greban dauden kontratetako eta azpikontratetako langileei nahiz autonomoei elkartasuna adierazteko iragarritako bigarren lanuztea burutu dute gaur Telefónica. Datorren ekainaren 9 eta 11ean beste bi lanuzte iragarrita dituzte.
Kontratetako eta azpikontratetako langileek zein autonomoek aurrera daramaten grebarekin bat eginez eta lanpostu duinen alde Hego Euskal Herriko Telefonícako langileek lanuztea burutu dute gaur. Zereginak kanpoko beste enpresetara bidali izana arbuilatzen dutela adierazi dute, pertsonak morroi bihurtzen dituzten egoera latzetan egin behar izaten dutelako lan. Hau guztia jabeen eta zuzendarien onuran egiten dela salatu dute ere, nahiz eta multinazionalak, iazko irabaziak hirukoiztu zituen 2015eko lehen hiruhilekoan.
{linkr:related;keywords:movistar;limit:5;title:Albiste+gehiago}