EH Bilduk, lanaldi partzialean diharduten langileen jubilazio duina bermatzeko Legez besteko proposamena sartu zuen Legebiltzarrean. Proposamena Enplegu eta Gizarte politiketako batzordean eztabaidatuko zen atzo. Momentu berean LAB kanpoan izan zen lanaldi partzialetan pentsio duinak aldarrikatzen.
LABetik egiten genuen aldarrikapena kontuan izanik EH Bilduk legez besteko proposamena aurkeztu zuen, ondorengo edukiekin:
a) 2015. urtea bukatu baino lehenago, lanaldi partzialean aritzen diren langileen eskubideak bermatuko dituen jubilazio araudi propioa osatzeko egutegi zehatza prestatu eta Legebiltzarrean aurkeztu dezala; araudi horretan, lanaldi partzialean lan egindako egun guztiak kotizatutako egunak direla bermatuko da.
b) Diskriminazio egoerarekin bukatuko duen araudi propio hori gauzatu bitartean, egoera horretan dauden lagun guztien pentsioa osatzeko aurrekontuen partida bat bideratu dezala, langileei lan egindako egun guztiak kotizatutako eguntzat hartuta jasoko luketen pentsioa bermatuz, beti ere pertsona guztiei Lanbide-arteko Gutxieneko Soldataren parekoa den gutxieneko pentsioa bermatuz.
Datorren Martxoaren 16ean Enplegu eta Gizarte Politiketako batzordea bilduko da honetaz eztabaidatzeko. Hala ere, dagoeneko PNV, PSE eta UPD osoko emendakinak aurkeztu dituzte EH Bilduk eginiko proposamenaren aurka. Beren argudioa bakarra, konpetentzien falten izan da, naiz eta EH bilduk eta LABetik eginiko proposamenean argi aldarrikatu genuen transferentzia hori eman bitartean aurrekontuetan diru partida bat bideratu zezaten, baina naiz eta horretarako eskuduntza izan, ez omen daude prest hau egiteko.
Zoritxarrez, beste behin agerian geratzen da ez dutela benetako borondate politikorik emakumeok lan munduan pairatzen ditugun diskriminazio egoerei aurre egiteko eta adierazpen hutsetatik harago ez dituztela inolako neurrik hartu nahi egoera honekin behingoz amaitzeko.