Asteartean Bergarako Udaleko hauteskunde sindikalak egin ziren. Momentu honetan Bergaran langile gehien duen enpresa izan daitekeen honetan 184 langile daude erroldatuta, eta bozkatzeko aukera zuten. Hauetako asko behin behineko egoeran daude. LABek 69 bozka lortu zituen, 8 delegatu.
LAB izan da hiru mahaietan hautagaitza aurkeztu duen sindikatu bakarra. Beste biek, ESK eta ELAk bi mahaietan aurkeztu dira soilik. ESK laboraletan, bai espezialista zein teknikoetan, eta ELAk funtzionario eta laboral espezialistetan.
184 langiletatik 131k eman dute bozka, beraz parte hartzea % 71,2 koa izan da.
Esan bezala, LABek lortu ditu emaitzik onenak: 69 bozka eta 8 delegatu; bigarren ESK-k 34 bozka eta 4 delegatu eta hirugarren ELAk 17 bozka eta 2 delegatu.