2026-11-19
InicioAcción SindicalJazarpen sindikala salatu eta greba eskubidea defendatu du LABek

Jazarpen sindikala salatu eta greba eskubidea defendatu du LABek

Atzo 2012ko martxoan egindako Greba Orokorrean atxilotutako 6 lagun epaitu zituzten. Epaiketa hauen atzean grebarako eskubidea kriminalizatzeko eta borrokan diren langileei izua sartzeko nahia besterik ez dela deritzo LABek eta hau salatzeko elkarretaratzea egin du epaitegien atarian. Epaiketak fiskaltzak ere absoluzioa eskatu du, auzipetuen aurkako frogarik ez dagoela argudiatuz.

Jazarpen sindikalik EZ!
Greba eskubidea defendatu

Epaiketa hau ez da pertsona batzuek 2012ko martxoan egin zuten “zer edo zer” epaitzeko saioa. Epaiketa honetan, gu guztiok epaituko gaituzte eta, batez ere, Grebarako dugun eskubidea kriminalizatu nahi dute.

Azken urteetan langile borrokak kriminalizazio prozesu iraunkor bat pairatzen du. Hau ez da greba orokorren ondorioz, Euskal Herrian egin den epaiketa bakarra, hor daude Busturialdeako auziperatuak, Bilbokoak, Iruñerriakoak eta horren ezagun egin ez diren beste asko eta asko.

Instituzioak eta kapitala jada ez dira konformatzen inposaketen bidez gure eskubideak zapaltzeaz, inposizioekin batera erantzunik ez egotea, bake soziala nahi dute eta horretarako sumisioa, pertsonon ezabatzea bilatzen dute.

Ez dute beraien praktika eta dinamika antidemokratikoekiko erantzunik onartzen eta, beraz, beraiek ezartzen dituzten joko arauetatik kanpo dagoenari zigor bikoitza inposatzen diote:

• Alde batetik beraiek erabakitako eta inposatzen dizkiguten arau kolektiboaren bidez denon eskubideak zapaltzen dituzte.
• Eta beste aldetik, inposatutakoaren aurka protestatzen duenari zigor indibiduala, penala edo ekonomikoa eta zenbait kasuetan biak, ezarriz.

Sistemaren propaganda aparatu osoak zilegia den aldarrikapenaren aurka jotzen du, kasu gehienetan ez dira mobilizazio edo protesta hauen arrazoiak ezagutzera ematen, ez dira egoera hauetara ailegatu izanaren jatorriak aztertzen ondorioak baizik. Honek helburu argi bat du inposatzen zaigun ereduaren aurka konfrontatzen duenarekiko jendartearen deslegitimazioa, isolamendu soziala, bazterketa bilatzen dute.

Salatzen ari garen egoera areagotu egiten da eta larritasun gehiago hartzen du greba orokor baten prozesuan. Azken urteetan Euskal Herrian aurrera eraman ditugun deialdietan ikusi dugu nola denak balio izan duen greba deialdia desitxuratzeko, gutxieneko zerbitzuen dekretuen erabilera maltzurretik hasita, grebaren arrazoiak izkutatzea, pikete informatiboen kriminalizazioa, edo zenbait unetan poliziak izan dituen jarrerak.

Boterean daudenei ahaztu egiten zaie greba egitea eskubide bat dela, lan duina, osasungintza, hezkuntza edo etxea izatea diren moduan. 2009. urtetik egin ditugun greba orokorren deialdi desberdinetan izandako balorazio guztietan bi gauza azpimarratu dira. Lortutako mobilizazio eta atxikimendu mailaz gain greba egunetan izandako istilu falta, hain zuzen ere.

Horrelako epaiketekin, gu guztiok izutzea eta desmobilizatzea nahi dute, baina gaizki aterako zaie, Euskal Herrian indarrean dauden langile borroka guztiek, argi adierazten dute ez dagoela langileen indarra geldiaraziko duen epaiketa, mehatxu edota kriminalizaziorik. Horregatik, gure babes eta indar guztia ALFUS, INCOESA, NANUK eta borrokan diharduten langile guztiei.

Beraz, argi eta garbi eskatzen dugu, horrelako muntai guztiak bertan behara utz ditzatela Euskal Herri osoan, eta greba eskubidea behar den bezala errespetatua izan dadila!
 

LAB sarean
{module[111]}

       

AZKEN ALBISTEAK | ÚLTIMAS NOTICIAS

LAB solicita un incremento de la plantilla de la DFB e IFAS en una serie de unidades en las que existe carencia evidente de...

La Sección sindical de LAB en la Diputación Foral de Bizkaia (DFB) e IFAS presentó la semana pasada en Juntas Generales una propuesta solicitando la ampliación de la Relación de Puestos de Trabajo (RPT) de ambos organismos, más allá de las previsiones de crecimiento de personal que se establecen en el propio proyecto presupuestario para Bizkaia en 2027.

El 25 de noviembre saldremos a la calle a reivindicar compromisos contra la violencia machista en el ámbito laboral

Con motivo del Día contra la Violencia hacia las Mujeres, desde LAB hemos convocado sendas movilizaciones en Gasteiz e Iruñea.

Denunciamos que las oficinas y carterías de Correos se encuentran desbordadas por la falta de contrataciones

Mañana será el último día de admisión del voto por correo, y la sección sindical de LAB denuncia que las oficinas y carterías están desbordadas por el incremento de actividad por la campaña electoral y la falta de contratación, una situación que vuelve a poner de manifiesto la ausencia de previsión y planificación por parte de la empresa.