2024-09-20
InicioEnseñanzaHaur EskolakHaur eskoletan Celaaren ekarpen bakarra inposaketa eta murrizketa izan direla salatu du...

Haur eskoletan Celaaren ekarpen bakarra inposaketa eta murrizketa izan direla salatu du LABek

Haurreskolak Partzuergoko enpresa batzordean % 68ko ordezkaritza duten LAB sindikatuko delegatuek 3 urte hauetan Hezkuntza Saileko Sailburua den Celaá andereak haiekiko izan duen jarrera salatu dute gaur prentsaurrean.

Haurreskolak Partzuergoko enpresa batzordearen %68ko ordezkaritza duen LAB sindikatuko delegatuen prentsaurrekoaren edukiak
Celaaren uzta: inposaketa eta murrizketak 0-3 urte arteko hezkuntzan

«Haurreskolak Partzuergoko enpresa batzordean % 68ko ordezkaritza dugun LAB sindikatuko delegatuok gure egoera azaltzeko asmoa daukagu. 2009ko martxoko Eusko Legebiltzarreko hauteskundeak izan zirela kontuan izanda eta hurrengoak bertan ditugula ikusita, 3 urte hauetan Hezkuntza Saileko Sailburua den Celaá andereak gurekiko izan duen jarrera salatu nahi dugu.

Lan hitzarmenak 2009ko abenduaren 31an amaitu zuen bere indarraldia eta harrezkero, ordainsaria izoztuta izateaz gain, Eusko Jaurlaritzak agindutako aurrekontuak murrizteko legearen ondorioz, 2011n abenduko aparteko ordainsaria kendu ziguten. Epailearen aurrean salatu ostean, soldatan zein zerbitzuaren kalitatean ezarritako murrizketak salatzeko mobilizazioetara deitu genuen. Epailea langileen alde agertu zen, enpresak kendutako dirua itzultzera behartu zuen eta azken honek, errekurritu egin zuen.

Negoziazio luze baten ostean Haurreskolak Partzuergoa eta Eusko Jaurlaritzako Hezkuntza Sailarekin akordio batera heldu ginen, egoera desblokeatzeaz gain, Lan hitzarmenaren negoziazioa berreskuratu asmoz.

Mahaia berriro ere abiatuta, Gasteizko gobernutik gastu publikoa murrizteko legearen neurriak guri ere aplikatuko zitzaizkigula jakin genuen, non aldi baterako ezintasunengatiko osagarrien erregulazioa garatzen zen.

Estatuak langileen aurkako beste Lan erreforma ezarri zuen, honek ere gure egoeran eragina izan zuen eta negoziaketak ezin aurrera egin geratu ginen. Honetaz gain, uztailean Madril eta Gasteiztik “aurrekontu-egonkortasuna” sustatzeko murrizketa gehiago ezarri ziren negoziazio kolektiboa gehiago ahulduz.

LAB Sindikatutik benetako negoziazioa martxan jartzen saiatu izan garen bakoitzean, murrizketak zelan aplikatu baino ez dute negoziatu nahi izan. Gauzak horrela, LAB Sindikatuak mahai negoziatzailetik altxatzea erabaki zuen proposamen zehatza jorratu asmoz eta indarrean daukagun lan hitzarmenetik abiatuz, berria sinatze aldera. Mahai negoziatzailea aspaldi eskatuta oraindik erantzunaren zain gaude.

Gogoratu beharrean gaude Celaá oposizioan zegoen garaian eta gobernuan egon denean 0-3 zikloari buruz esaten zuena:

2005-10-21. EAEko Parlamentuan hurrengoa eskatu zion gobernuari:
− Haurreskola guztietan jantokiko zerbitzua martxan jartzea.
− 0-3ko eskaintza publikoa pribatu-itundutakoa baino garestiagoa ez izatea. Iaztik hona 10€ hileko garestitu du.

2006-6-2. EAEko Parlamentuan hurrengo eskaera egin zion gobernuari:
− Haurreskolak Partzuergoaren desagertzea eta sare Publikoan integratzea.
− 0-3ko sare Publiko “indartsu” eta kalitatekoa sortzea eta behar diren zerbitzuak izatea.

2009-6-26. EAEko Parlamentuan Hezkuntzako Sailburua izanda:
− Legegintzaldia bukatzerakoan eskatzaile guztiek 0-3ko plaza bat izatea. (hiriburuetan eta herri handi batzuetan eskaintza ez da nahikoa).
− Haur Hezkuntzako Eskola Mapa egitea eta planifikazio “on” bat egitea. Haur hezkuntzako mapa eskolarra oraindik ez dago eginda.

Aipatutako guztia adibide argia izanik, nabaria da Hezkuntza Sailburu hau gobernuan egon den urte hauetan ez duela inolako aurrerapausorik eman eta gure eskubideak zapaltzeaz gain aldarrikatzen zuen ereduan ez du urratsik eman.

Hau gutxi balitz Haurreskolak Partzuergoko hezkuntza kalitatea jaisteko eta ahultzeko asmoz Haur Etxeak proiektua sortu zuten. Egitasmo honen xedea 0-3 adinekoen hezkuntza pribatizatzea da eta formazio eskaseko langilegoaren esku uztea, Haurreskolak Partzuergoan egiten den lan hezigarria gutxietsiz, dagoen sare publikoa indartu beharrean.

Hezkuntza eskubidea delako, 0-3 urteko zikloa doakoa, unibertsala, euskalduna eta kalitatezkoa!

Bide horretan urratsak ematen ari gara eta horretan jarraitzeko asmoa dugu. Datozen hauteskundeetan Eusko Jaurlaritzako Hezkuntza Sailburuari gure lankidetzarako eskua luzatzen diogu eredua garatze bidean pausoak emateko prest azaltzen bada. Bestela aurrean izango gaituzte.

Euskal Herrian, 2012ko urriaren 2an»

AZKEN ALBISTEAK | ÚLTIMAS NOTICIAS

Hemos impugnado el pliego técnico del Ayuntamiento de Bilbao relativo al mantenimiento eléctrico de la villa por incumplimiento de convenio

Con fecha de 04 de septiembre de 2024 el ayuntamiento de Bilbao hizo públicos los pliegos técnicos de la nueva licitación del servicio de mantenimiento y conservación del alumbrado público e instalaciones eléctricas y auxiliares en la villa de Bilbao. En dichos pliegos aparecen como personal subrogable 39 personas trabajadoras de la UTE Bilboko Argiak, excluyendo del listado de subrogación a las 9 personas adscritas a la sección de obras del servicio de mantenimiento eléctrico.

Exigimos la carrera profesional para todos y todas

Nos hemos concentrado esta mañana a las puertas del Parlamento de Nafarroa con un doble objetivo: por un lado, el de celebrar el acuerdo que se iba a rubricar puertas adentro y mediante el cual más de 3.000 personas comenzarán a gozar de la carrera profesional; y por otro lado, el de reivindicar ese mismo derecho para el resto del personal. Han destacado que se trata de un día histórico a la vez que han reivindicado la necesidad e importancia de la lucha sindical.

El nuevo acuerdo sobre pensiones aumenta la edad de jubilación y supone un paso más hacia la privatización de la seguridad social

Hoy, Pedro Sánchez ha presidido el acto de firma del nuevo acuerdo social en materia de pensiones pactado entre los sindicatos CCOO y UGT y las patronales CEOE y Cepyme. Un acuerdo que se ha realizado a nivel estatal y cuyo objetivo es mantener el aumento de la edad legal y los años de cotización necesarios, fomentando la demora en el acceso a la jubilación. En LAB consideramos que este es un acuerdo que no responde a las demandas más urgentes presentadas por la mayoría sindical vasca y el Movimiento de Pensionistas de Euskal Herria. Por lo contrario, el Gobierno español avanza en políticas neoliberales desarrolladas desde Bruselas, siempre con el aval de los sindicatos que apoyan a la patronal.