2024-09-20
InicioAcción SindicalElecciones SindicalesHauteskunde sindikalen emaitzek aldaketa politiko eta sozialerako mapa sindikala indartu dela erakusten...

Hauteskunde sindikalen emaitzek aldaketa politiko eta sozialerako mapa sindikala indartu dela erakusten dute

Hauteskunde sindikaletako datu ofizialak esku artean emaitzak aztertu eta baloratzeko unea da. Helburu horrekin Ainhoa Etxaide, LABeko idazkari Nagusia eta Gorka Berasategi, Hauteskunde Sindikaletako arduradunak, agerraldia eskaini dute gaur Bilboko egoitzan. Berasategik azken lau urteetako epealdiaren datuen balorazia egin du, non argi geratu den LAB dela gora egin duen sindikatu bakarra. Etxaidek, sindikatua handitzen jarraitzearen arrazoiak aztertu eta lau urtera begira sindikatuak dituen erronkak plazaratu ditu.

2010-2014: BI EPEALDI TRINKOEN ARTEKO BILAKAERAREN BALORAZIOA 
Azken lau urteetako  datuak  aztertuta LAB da herrialde guztietan igo den sindikatu bakarra. Momentu honetan herrialde guztietan gure ordezkaritza maximo historikoetan kokatzen da. 2000 ordezkari baino gehiago aukeratu gabe gelditu diren honetan, LAB da ordezkari kopurua gutxien murriztu duen sindikatua. Nafarroan eta Bizkaian ordezkari kopurua igotzen duen sindikatu bakarra gara. 

Epealdi trinkoa oraindik amaitu gabe dagoenean, LABek aurretik ezarrita zituen helburu kuantitatiboak lortu ditu. 
– EAE %18,50ra iristea 
– Nafarroan %14ra iristea 

Gure ordezkaritza igoerak gehienbat lehenagotik presente ginen enpresetan izan dira; industriako enpresa esanguratsuetan (Michelin, Lacteos de Navarra, Kybse, Krafft, Estampaciones Bizkaia, Tenneco, Sammic…), zonalde industrializatuetan (Durangaldea, Buruntza Goierri edo Urola Kosta adibidez) lehendik geneukan ordezkaritza handia hobetzea lortu dugu. 

Gatazkak egon diren sektoreetan indartuta atera gara; Ikastoletan gure gehiengo absolutoa hobetu dugu eta gainontzeko itunpeko eskoletan ordezkaritza hobetzen jarraitzen dugu. 

Zerbitzuetan, garbiketan ordezkaritza igotzea lortu dugu eta Eskoletako Jantokietako enpresetan lehen indarra izaten jarraitzen dugu, ordezkaritza hobetuz. 

Sektore publikoan Bizkaia eta Gipuzkoako Diputazioetan lehenengo indarra izaten jarraitzen dugu ordezkari gehiagorekin. 

LABen EREDUAK BAKARRIK EGIN DU GORA 
Joera historikoari jarraituz, handitzen jarraitzen duen sindikatua gara, "ez dugu sapaia jo, askok pentsatzen zuten bezala" Etxaderen hitzetan. Sindikatuaren proiektuarekin bat egin duten langileak gero eta gehiago gara. Indarra genuen lekuetan indartu gara, ekintza sindikala egiten dugun lekuetan gora egiten dugu eta zailak izan diren eremuetan joera hobetu dugu. 

Babes horrek, negoziazio kolektiboan eta ekintza sindikalean daramagun lan lerroa zuzena dela erakusten du. Sektore publikoan esanguratsua gure indarra, eta hemen lan baldintzak borrokatzearekin batera, zerbitzu publikoen defentsan oinarrituriko lerro sindikala babestu dugu langile eta erabiltzaileekin batera.

Bigarren sindikatua bihurtzea zen eta da gure helburua eta gertu gaude gainera. CCOOekin aldea nabarmen txikitu da azken lau urteetan. Urte bukaeran lortzea espero dugu.

Mapa sindikala aztertzerako orduan bi epealdi trinkoen artean sindikalgintza abertzalea indartu egin dela ikusten dufu, joera indartuz: gure eremua indartu egiten da eta aldea geroz eta handiagoa da CCOO eta UGTrekin EAEn. Nafarroan aldiz, aldea txikituz doa. 

Emaitzek aldaketa politiko eta sozialerako mapa sindikala indartu dela erakusten dute. Bai hemen, baita Nafarroan ere. Ordezkariak izateko eta ordezkaritza edukitzeko aukera dagoen eremuetan langileek gehien erabakitzen dutena alternatiba da. Eta honen adibide argiak ditugu:

◦ Langileek ez dute dialogo soziala babestu, ez dituzte patronalaren neurriko hitzarmenak eskatu eta bultzatu.
◦ Langileek aldaketa politiko eta sozialak eskatzen eta borrokatzen ditugun sindikatuei eman diete babesa gehienbat.
◦ Langileek burujabetzaren aldeko hautua egin dute, LAB eta ELAri bozkatzeak badu esangura politiko hori.
 
BI EREDU SINDIKAL KONTRAJARRIAK
Momentu honetan auzia ez da abertzale eta ez abertzaleen artekoa. Bi eredu sindikala aurrez aurre aritu gara krisi ekonomikoaren zehar; bi estrategia sindikal guztiz kontrajarriak. Lan munduan eta instituzioen aurrean langileek borrokari heldu dion sindikalgintza babestu dute gehien bat, eta LAB indartu dute bereziki. Agenda propioa nagusitu da, eta agenda propioa indartzea izan behar du hauteskunde hauen emaitza. Langileek horrela eskatu dute.
 

LABen ERRONKAK
Ordezkaritza handituz erantzukizuna handitu egiten da. Hori da sindikatuaren ikuspegia eta orain datozen lau urteei begiratu behar diogu. Hauek dira gure erronkak:

⁃ Lau urteetan gure ekintza sindikala izango dena garatzea.
⁃ LABeko ordezkarien erantzukizunak eta konpromisoak zehaztu behar ditugu, bai lantokietan baita lantokietatik kanpo ere. Norberak bere lantokian dituen erantzukizunei garrantzia kendu gabe, ordezkaritzarik ez duten langileei begira hartzen ditugun erantzukizunei jarriko diegu arreta berezia. Prekarietatearen eta langabeziaren kontrako borrokak zentralidadea izango du lan munduan egingo dugun borrokan. Langile guztien premiak eta eskubideak borrokatzeko hautatu gaituzte.

⁃ Agenda sindikala zehaztu lantokiz lantoki. 
⁃ Parte hartzeari garrantzia emanez burutu ariketa hau.
⁃ Negoziazio kolektiboren egoera berriari begiratuz.
⁃ Sindikatuaren indarra eta ordezkaritza aldaketa prozesuaren mesedetan jarri.
⁃ Lan munduan aldaketa politikoak borrokatu.  
⁃ Lan mundutik aldaketa politiko, ekonomiko eta sozialak bultzatu. 
⁃ Sindikalgintza abertzalean gogoeta estrategikoa egin. 

M14 BILBO ETA IRUÑEARA ESKUBIDE SOZIALEN ALDE. ALTERNATIBA BADAGO
Diogu emaitzek aldaketa politiko eta sozialerako mapa sindikala indartu dutela. Aldaketaren eragile garenok bihar zita garrantzitsua dugu Bilbo eta Iruñean. Euskal Herrian bizi eta lan egiten dugun pertsona guztiek aukera berdintasunasunean oinarritutako bizi baldintza duinak izan ditzagun borrokatu behar dugu. Alternatiba badago eta horretarako Euskal Herriko Eskubide Sozialen Kartan instituzioetatik martxan jarri beharreko 16 puntu jasotzen dituen Programa Soziala dugu.


  

 

AZKEN ALBISTEAK | ÚLTIMAS NOTICIAS

Hemos impugnado el pliego técnico del Ayuntamiento de Bilbao relativo al mantenimiento eléctrico de la villa por incumplimiento de convenio

Con fecha de 04 de septiembre de 2024 el ayuntamiento de Bilbao hizo públicos los pliegos técnicos de la nueva licitación del servicio de mantenimiento y conservación del alumbrado público e instalaciones eléctricas y auxiliares en la villa de Bilbao. En dichos pliegos aparecen como personal subrogable 39 personas trabajadoras de la UTE Bilboko Argiak, excluyendo del listado de subrogación a las 9 personas adscritas a la sección de obras del servicio de mantenimiento eléctrico.

Exigimos la carrera profesional para todos y todas

Nos hemos concentrado esta mañana a las puertas del Parlamento de Nafarroa con un doble objetivo: por un lado, el de celebrar el acuerdo que se iba a rubricar puertas adentro y mediante el cual más de 3.000 personas comenzarán a gozar de la carrera profesional; y por otro lado, el de reivindicar ese mismo derecho para el resto del personal. Han destacado que se trata de un día histórico a la vez que han reivindicado la necesidad e importancia de la lucha sindical.

El nuevo acuerdo sobre pensiones aumenta la edad de jubilación y supone un paso más hacia la privatización de la seguridad social

Hoy, Pedro Sánchez ha presidido el acto de firma del nuevo acuerdo social en materia de pensiones pactado entre los sindicatos CCOO y UGT y las patronales CEOE y Cepyme. Un acuerdo que se ha realizado a nivel estatal y cuyo objetivo es mantener el aumento de la edad legal y los años de cotización necesarios, fomentando la demora en el acceso a la jubilación. En LAB consideramos que este es un acuerdo que no responde a las demandas más urgentes presentadas por la mayoría sindical vasca y el Movimiento de Pensionistas de Euskal Herria. Por lo contrario, el Gobierno español avanza en políticas neoliberales desarrolladas desde Bruselas, siempre con el aval de los sindicatos que apoyan a la patronal.