2026-02-04
Blog Page 996

Murrizketak eragindako galerak berreskuratzea exijitu dute EITBko langileek

admin
-
0
Murrizketak eragindako galerak berreskuratzea exijitu dute EITBko langileek

2010ean Eusko Jaurlaritzak enpresa publikoetan ezarri zuen soldaten %5eko murrizketak eragindako galera guztiak berreskuratzea exijitu zuten atzo Eusko Irratiko langileek. Administrazio kontseiluaren bilera zela eta, EITBko langileok elkarretaratzea egin zuten EITBko Bilboko egoitzan Eusko Irratiko langile batzordeak deituta. Bertan idatzi bat banatu zien Administrazio kontseiluko kideei.

Eusko Irratiko Enpresa Batzordeen oharra
"Eusko Irratiko langileek protesta egin dute kendu dieten soldata osoa berreskuratzeko

2010ean Eusko Jaurlaritzak enpresa publikoetan ezarri zuen soldaten %5eko murrizketak eragindako galera guztiak berreskuratzea exijitu dute Eusko Irratiko langileek. Dagoeneko epaitegiek legez kontrakotzat jo dute eta murrizketa eten behar izan du EITBko zuzendaritzak. Hala ere, epaitegien erabakiaren atzera-eragina urtebetekoa izanik bakarrik, 2010etik epaia eman zen 2015eko otsailera arteko soldatak bahituta ditu oraindik Eusko Jaurlaritzak.

Administrazio kontseiluaren bilera dela eta, EITBko langileok elkarretaratzea egin dugu EITBko Bilboko egoitzan Eusko Irratiko langile batzordeak deituta. Hona hemen harreran banatu diegun testua.

EITBko Administrazio Kontseiluko presidente Andrea:

Idatzi honen bidez, Eusko Irratiko Zentro Arteko Batzordeak EITBko Administrazio Kontseilura jo nahi du, 2010garren urtean ezarri zitzaigun ehuneko 5aren auzian erakunde horrek onartu zuen ebazpena betearazteko neurriak har ditzan eskatzeko.

Joan den maiatzeko bileran, ondoko ebazpena onartu zuen Administrazio Kontseiluak:

«Administrazio Kontseiluak EITB Taldeko Zuzendaritza Orokorrari eskatzen dio onartu eta bete ditzala epaileen sententziak, 3/2010 Legea ezartzearen ondoriozko lansarien deskontuei buruzkoak, eta zaindu dezala lansarien oreka, EITB Taldeko langile guztien lansarien politiketako arrazoizkotasun printzipioak jarraituz.»

Eusko Irratiko eta EITBko beste sozietateetako enpresa batzordeek epaitegietara jo dugu. Auzitegi Konstituzionalak nulu eta baliogabekotzat jo zuen 2010eko murrizketa eta, ondorioz, zor zaizkigun atzerapenak eskatu ditugu. Eusko Irratiko kasuan iazko abuztura bitarteko ordaina agindu zitzaigun Euskadiko Auzitegi Nagusiaren aldetik, eta enpresak irailean ordaindu zuen.

Gauzak horrela, ikusten dugu bai aurreko urteetako atzerapenei dagokienez, eta baita beste sozietateetako egoerari dagokienez ere, indarrean segitzen duela EITBko langileen arteko diskriminazioak. ETBkoek bost urteko atzerapena jaso dute, EITBnetekoek urtebetekoa eta EITB-Erakundekoek (Entekoek) bat ere ez.

Alde horretatik, zera eskatzen diogu Administrazio Kontseiluari: maiatzeko ebazpenari jarraiki, agin diezaiola EITBko zuzendaritzari diskriminazio egoera hori konponduko duten kalte ordainak pagatzeko, 2010rako atzerako eraginez.

EUSKO IRRATIKO ENPRESA BATZORDEAK"

Bilbon, 2016ko urriaren 25ean

 

 

 

[BIDEOA] Prest gaude! #iruten

admin
-
0

LAB Irakaskuntzako Aitziber Perez eta Ruben Iglesias kideek sindikatuak 2016/2017 ikasturterako dituen erronkak finkatzen ditu bideo honetan. Inposaketen gainetik alternatibarik badugulako, prest gaudelako.
 

 

 

Prekarietatearen kontrako borroka Mercedes-Benz-en

admin
-
0

Mercedes-Benz lantegian LABeko delegatua den Alberto Txaskok langileek bizi duten prekarietatea azaltzen du bideo honetan. Besteak beste, 5.000 langile dituen enpresa honetan langilegoaren %40 behin-behinekoa da (2000 inguru) eta lan berdina egin arren 300-400€ gutxiago irabazten dute. Egoera honen aurrean LABek prekarietatearen aurkako dinamika bat darama aurrera Mercedes-Benz lantokian. 

 

 

 

Genevako Herrien Mobilizazio Astean ari da parte hartzen LAB

admin
-
0
Genevako Herrien Mobilizazio Astean ari da parte hartzen LAB
Herrien subirautza aldarrikatu eta transnazionalen boterea deuseztatzeko martxan jarri zen Kanpaina Orokorraren baitan, atzo ekin zioten Genevan (Suitza) Herrien Mobilizazio Asteari. LABentzat garrantzitsua da honelako borrokak gure egiteaz gain modu aktiboan parte hartzea. Horregatik sindikatuaren ordezkaritza bat Genevaraino gerturatu da eta Urtzi Ostolozagak hitza hartu du gaur. Hain zuzen ere ezinbesteko deritzogu gai hauei heldu eta transnazionalen botereari aurre eginez alternatibak eraikitzea.

LABen Batzorde Soziekonomikoko kide Urtzi Ostolozagak “langileen borrokak eta afektatuak: sindikatuak eta migranteen mugimenduak” tailerrean parte hartu du. Tailerraren helburuen artean dago mugimendu sindikal eta migrarien borrokak eta transnazionalen eragina jasan dutenen arteko harremanak eta estrategiak estutzea eta inpunitatearen arkitekturari aurre egiten dioten sektoreen konbergentzia.

Ostolozagak, migrazio mugimenduek Euskal Herrian izan duten eragina izan du hizpide, diskriminazio kasu zehatzak aipatuz, hala nola, Catalunyako Esfosakoa eta Nafarroako Volkswagenekoa. Europara bidean datozen errefuxiatuen egoera ere aipatu du, EB eta Turkiak egindako akordioa salatuz, besteak beste. Euskal Herrira begira, emakume migrariak bizi duten egoera latza ere aipatu ditu.

 

 

 

LABek ez du urriaren 26ko irakaskuntzako deialdiarekin bat egiten estatuko logikari erantzuten diolako

admin
-
0

Gure bide propioari ekarpenik egin gabe, estatuko logikari erantzuten dio. Horregatik ez dugu deialdiarekin bat egiten. Egiari zor, nagusiki, bi bide daude: egungo egoera betikotzen jarraitzen uztea ala herri gisa hausnarketa komuna egin eta Euskal Herriko herritarren beharretara egokitzeko jarrera aktiboa izatea, prozesu independentista abiatzea, finean. Bestalde, jakitun gara hastapeneko urratsetan gaudela eta hauek ondo bideratu eta garatzea ezinbestekoa izango dela bide honek duen potentzialitate osoa aktibatu nahi badugu.

 

 

 

 

TTIP/CETAren aurkako azaroaren 5eko manifestaziorako motorrak berotzen

admin
-
0
TTIP/CETAren aurkako azaroaren 5eko manifestaziorako motorrak berotzen

Udazken osoan zehar nazioarteko merkataritza libreko TTIP eta CETA hitzarmenen aurkako mobilizazioak ari dira antolatzen Europa osoan zehar. Euskal Herrian ekimen horiek puntu gorena azaroaren 5ean antolatu den mobilizazio egunen izango dute. Hain justu, egun hori girotu aldera Euskal Herriko Eskubide Sozialen Kartak TTIP eta CETA hitzarmenen aurkako informazioa banaketa egin dugu gaur, hilak 25.

Euskal Herriko Eskubide Sozialen Kartatik argi utzi nahi izan dugu nazioarteko itun komertzial hauen kontra gaudela, bai Estatu Batuak eta Europaren arteko TTIPa, zein Canada eta Europaren arteko CETA zein OMCren TISAren kontra. Gure iritzi herritargoaren eskubideak kaltetuko dituzten itun komertzialak dira. Multinazionalek, beraien negozioa, merkatu askea eta konkurrentzia askearen logika gailentzea nahi dute eta horretarako eskubide sozial, laboral zein ingurugirokoak behetik homologatu nahi dituzte. Bestalde, azpimarratu behar dugu itun hauek guztiz antidemokratikoak direla, bai formen aldetik baita haien edukietan ere. Hain zuzen ere herritar eta herriei bizkar emanez egin dira eta elite txiki baten mesedea bilatzen dute soilik, gehiengo oso baten kaltetan.
 

 

 

Arrakastatsua izan da Artiach-Adams Foodeko langileen hirugarren lanuzte-eguna

admin
-
0
Arrakastatsua izan da Artiach-Adams Foodeko langileen hirugarren lanuzte-eguna

Artiach-Adams Foodeko langileek modu masiboan jarraitu dituzte LAB, ELA, ESK eta CCOO sindikatuk deitutako lanuzteak. Mobilizazio hauekin lan istripuen aurrean enpresak duen jarrera salatu nahi izan dute langileek. Hau da, edozer gauza egiteko prest dago laneko istripuak agerian gera ez daitezen. Enpresa batzordearen ustez jarduera honekin babes sistema suntsitu eta gizarte segurantza paraleloa sortu nahi du.

Artiach-Adams Foodeko enpresa batzordearen oharra:

Artiach-Adams Foodeko langileek modu masiboan erantzun dituzte LAB, ELA, ESK eta CCOO sindikatuk deitutako lanuzteak. Mobilizazio hauen arrazoia, enpresa egiten ari den bigarren jarduera deritzona da.

Bigarren jarduera honek honakoan datza. Laneko istripu bat geratzen denean, hau jasan duten langileak etxera bidaltzen dira egun batzutan zehar, baina bajarik eman gabe. Edo bestela, mutualitatera jotzen dute eta behin han daudela, honek enpresara deitzen du lanpostu bat duten ikusteko (edo asmatu egiten dute) eta horrela bada, horretarako propio sortutako lanpostu batera bidaltzen dituzte. Edozein gauza bajadun laneko istripua ager ez dadin. Hau da, langileak puntuekin doaz lanera, igeltsoarekin, bendatuta, muletekin, ferulekin edo gai ez direla, eta euren ohiko lana egin ezin dutenez, beste ataza batzuk ezartzen zaizkie.

Enpresa Batzordearen ustez, Adams Foodek jarduera honekin nahi duena da egungo babes sistema suntsitzea eta gizarte segurantza sistema paraleloa sortzea. Sistema paralelo honetan, ez dira langileen osasunari egindako kalteak jasotzen eta bilatzen dena da baja eta sendatzea osasunaren araberakoa ez, enpresaren beharrizanen araberakoa izango den eredurantz jotzea.

Gaur Artiachen egindako lanuzteetan, langileek asanbladak egin dituzte. Hauetan, grebalariak jasatzen ari diren jazarpena salatu dute, enpresa zuzenean ari zaielako interpelatzen grebarik egin ez dezaten. Gainera, pasa den asteko lanuzteetan izandako irregulartasunak nabarmendu dituzte, Artiacheko zuzendaritzak ebentualekin ordezkatu zituelako grebalariak. Azkenik, botazioa egingo dute datorren ostegunean lanuzte gehiago egingo dituzten erabakitzeko.
 

 

 

Prest gaude

admin
-
0

IRITZIA
Ruben Iglesias San Sebastian eta Aitziber Perez Blanco
LAB Irakaskuntza

Segidan irakurriko dituzun hitz hauek premisa bat dute oinarri eta honek ematen dio zentzua artikuluari. Beraz, ondorengo azalpenak ezingo genituzke behar bezala ulertu premisa hau aintzat hartuko ez bagenu: Euskal Herrian hezkuntza gatazka ere ematen da. Izan ere, Euskal Herriari Espainiako eta Frantziako hezkuntza sistemak inposatzen zaizkio eta bere hezkuntza sistema propioa egituratzeko aukera ukatzen zaio. Baina gainera, oinarrizko inposaketa honek euskal herritarren hezkuntza eskubideen urraketa sistematikoa eta orokorra eragiten du. Horregatik, geure hezkuntza sistema antolatzea eskubidea eta beharra da aldi berean. Eskubidea da, munduko gainontzeko nazioek bezalaxe, Euskal Herriak ere bere buruaren jabe izateko eskubidea duelako, baita hezkuntzaren alorrean ere; bere behar ekonomiko, sozial eta kulturalei erantzungo dion hezkuntza sistema antolatzeko eskubidea du. Eta beharra da, herritarren hezkuntza eskubideak bermatzeko, geure hezkuntza diseinu propioa egitea beharrezkoa delako.

Guk ez dugu Espainiako eta Frantziako hezkuntza sistemen erreprodukzio hutsa egin nahi. Hezkuntza sistema bat antolatu nahi dugu, baina hezkuntza eskubideetan oinarrituta eta ez estatuaren botere soilean oinarrituta. Hau da, hezkuntza arautzeko aukera nahi dugu, hezkuntza beste modu batean arautu nahi dugulako. Hezkuntza euskalduna nahi dugu, frantsesek hezkuntza frantsesa eta espainiarrek hezkuntza espainiarra duten bezala. Baina gainera, hezkuntza euskalduna beste modu batean antolatu nahi dugu eta horretan ari gara.
Bide honetan, azken urteotan garatutako oinarrietan aurrera egin nahi du LABek: inposizioak salatzeaz gain, Euskal Herriak behar duen hezkuntza sistemaren bidean urratsak ematea. Maiz adierazi dugun bezala, desobedientzia ez delako ezetza adieraztea soilik, bide propioa ere jorratu behar baita. Horregatik aurreko ikasturtean hasi ginen etorkizuneko euskal estatuak izan behar duen gona berria, gona gorria iruten. Puntadaz-puntada, Euskal Herriak behar duen hezkuntza eredua eraikitzen. Eta eredu horretan ebaluazioaren gaia behar bezala kokatu behar delakoan gaude. Kontuan izanik ebaluazioak guztia baldintzatzen duela: pedagogia, metodologia, helburuak, … Hezkuntza Sistema Propioaren bidean urratsak eman nahi baditugu, gure ustez, ebaluazio sistema guztia, gaur egungoa ere, zalantzan jarri beharko dugu. Ez da nahikoa Heziberriren bitartez edota Nafar Gobernuaren dekretuz LOMCEk inposatutako azterketei planto egitea. Jarrera hau tresna bat da baina ez helburua. Helburua gure Hezkuntza Sistema Propioa eraikitzen hastea da, eta planto egiteak bide horretan palanka izan behar du.

Guk ,ikasturte honetan, ebaluazio eredu berri baten eraikuntzaren aldeko hautua egin dugu. Eredu berri horren eraikuntzak hezkuntza komunitate guztiaren parte hartzean oinarritu beharko luke, izan ere, ebaluazioaren afera ikuspegi poliedrikotik landu behar dugu. Beharrezkoa dugu bestelako ebaluazio sistema bat non ikaslea ez ezik, irakasle taldea, eskola, familia (hau da, komunitatea) eta finean, sistema guztia ebaluatuko den. Hobekuntzan, ekitatean, aukera berdintasunean oinarritu eta bide horretan aurrera egiteko neurri zehatzak eskainiko dituena. Bizi dugun ziurgabetasun egoera probestu eta ebaluazioaren izaera, funtzio, helburu, eredu, …, inguruko hausnarketa integrala burutu beharko genuke, ebaluazioaren paradigman aldaketa bultzatzeko. HPT (Hezkuntza Plataformen Topagunea)k antolaturiko topaketak lehen urratsa dira hausnarketa horrekiko eta noski, LAB bertan egongo da.

Alta, jakin badakigu, bide hau ezin dugula bakarrik egin eta horregatik iruten dinamikaren filosofia malgua eta dinamikoa da. Molde zaharrak apurtu, aurrera begira jarri eta Euskal Herriaren hezkuntza bere herritarren beharretara egokitzea du xede. Egungo zatiketa sozialaren arriskuak gainditu (hiru sare, heziketa eta aukera desberdinak…), hezkuntzaren prekarizazioari aurre egin eta biztanleen herri identitatea eta kohesioa lortu nahi ditu. Hezkuntzak berebiziko garrantzia du norbanakoaren eta herri baten garapenean, eta baita jendartea kohesionatzeko ere (pentsaera guztiak errespetatuz, doktrinamendurik gabe…). Horregatik guztiagatik, hezkuntzak lehentasun soziala izan behar du eta beharrezkoak dituen baliabideak eta inbertsioak jaso behar ditu. Gure herriak behar duen hezkuntzari buruzko eztabaida soziala bultzatu nahi dugu; ezer inposatu gabe, errespetuan oinarrituta ahalik eta eztabaida zabalena sortu nahi dugu.

Erakunde edo hezkuntza eragile bakoitzak izango du bere hezkuntza proiektua, bere bidea, baina akordioaren bertutea eta indarra sorburu desberdinak norabide berean jartzean datza. Egiari zor, nagusiki, bi bide daude: egungo egoera betikotzen jarraitzen uztea ala herri gisa hausnarketa komuna egin eta Euskal Herriko herritarren beharretara egokitzeko jarrera aktiboa izatea, prozesu independentista abiatzea, finean. Bestalde jakitun gara hastapeneko urratsetan gaudela eta hauek ondo bideratu eta garatzea ezinbestekoa izango dela bide honek duen potentzialitate osoa aktibatu nahi badugu. Prest gaude!

 

 

 

LAB, Banco Popularreko 173 langileren kaleratzearen kontra

admin
-
0

Banco Popularreko zuzendaritzak EEEa aurkeztu du kaleratze kolektibo bidez (Langileen Estatutuko 51. Artikulua, bankuko egungo 12.910 langiletako plantila 2.894 langiletan murrizteko helburuarekin (%22,42). Era berean, 18 sukurtsal itxi nahi ditu Euskal Herrian, (302 Espainiar estatuan). Banco Popularrean ordezkaritza dugun sindikatu guztiok enplegu eta sukurtsalen murrizketa bortitz honen aurka gaude.

HURRENGO MOBILIZAZIOA
Urriak 26. 17:00etan Bilboko Banco Popular aurrean

Banco Popularrak EEE hau egiteko aipatzen dituen arrazoiak ekonomikoak, antolaketaren ingurukoak eta ekoizpenari lotutakoak dira. Berauek justifikatzeko diru-sarreren jaitsiera jarraia aipatzen du, eraginkortasun-erratio apalagoa, internet bidezko banka elektronikoaren erebilera eta sektoreko gainontzeko enpresekin egindako konparatiba, 2013-2015 urteetan zehar emandako langile eta sukurtsal murrizketari dagokionez, honen arabera apalagoa izan da azken hau Banco Popularrean.

EEE edo Kaleratze kolektiboaren bidez murriztu nahi du plantila Popularrak. Alde batetik, 1.900 langile. 80, 55 eta 57 urte tartekoak, 120 58 urtetakoak eta 1.700 59 eta 63 urte artekoak, “aurrejubilazioen” antzeko baldintzekin, langabezia prestazioa kobratuz eta bankuak osagarrituko duen Bankako Hitzarmenaren pentsionagarria izango den soldata garbiaren portzentaia bateraino. Beste alde batetik, sustatutako bajak eta mugikortasun geografikoa planteatzen ditu beste 1.000 langilerentzat.

LABetik, EEEaren Batzorde Negoziatzaile kide den neurrian, espedientea bertan behera uztea planteatu diogu bankuari, astakeria iruditzen zaigulako 2.894 langileren kaleratzea, plantillaren %22,42a, neurri honek jendartean duen eragin sozialaz gain (langabeziaren gorakada, etab.) ez dugu ikusten bankuak orain arteko zerbitzu berdinak eman ahal izango dituenik 3.000 langile gutxiagorekin.

EEE honen aurrean, LABek alternatiba bideragarriak proposatu ditu, ez traumatikoak eta eragin sozial txikiagoa dutenak. Borondatezko Aurrejubilazien Plana egitea eskatu dugu 59 urtetik gorako langileentzat, balizko Aldi Baterako Enplegu Erregulazio Espedientea aztertzea Kontratu Etete eta Lanaldi Murrizketen bidez, kaleratzerik egotea ekidingo dutenak, eta Baja Intzentibatuen aukera, borondatezkoak ere, beharrezko izango balitz. Guztia modu gradualean eta eragiten dien pertsona kopuruaren murrizketa nabarmenarekin.

Sukurtsalen itxiera ere salatu dugu, Bilbo eta Iruñerrian oso eragin bortitzarekin, Banco Popularra desabantaila komertzialeko egoeran utziko duena beste entitate batzuekiko, eta bezeroekiko zerbitzuan ere, enpleguaren jaitsieran eragin nabarmena izanik.

Hala ere, Banco Popularrak entzungor egiten die sindikatuen eskariei, eta aurrera jarraitzen du sukurtsalak itxi eta langileak kaleratzeko bere asmoekin.

Horregatik, langileok mobilizazioak egiten ari gara bankuaren bulegoen aurrean Estatu espainiar osoan, Banco Popularrak atzera egin dezan aurkeztutako espedientean, 2.894 lanpostu suntsitzea dakarrena berarekin, eta beste neurri batzuk proposa ditzala, ez traumataikoak, bizi dugun egoearen irteerari aurre egiteko.

LABetik presio eta mobilizazio oro ari gara bultzatu eta babesten, Banco Popularreko langileek aurrera eramaten ari direnak, aurkeztutako EEEa erretiratzea eta beste neurri batzuk negoziatzea izanik helburu. Langileok babe genitzakeen bestelako neurriak eta egungo eta biharko Banco Popularraren bideragarritasuna bermatuko dutenak.

 

 

 

1...995996997...1,589Page 996 of 1,589

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus