Bukatu berri den ikasturte gogorrari buruzko balantzea egin dugu eskola jangeletako langileok, eta Gasteizko Gobernuko Hezkuntza Sailari eskatu diogu sindikatuokin lehenbailehen eser dadila, datorren ikasturteko antolaketa adosteko.
Blog Page 444
EAEko Justizia Auzitegi Nagusiak kudeaketako lanpostuak arautzera zigortu du Haurreskolak Partzuergoa, sindikatuari arrazoia emanda #LortuDugu
EAEko Justizia Auzitegi Nagusiko Lan arloko salak Haurreskolak Partzuergo Publikoa kondenatzen du 2018ko martxoaren 6an LAB sindikatuarekin sinaturiko akordioaren lehenengo atala betetzera; beraz, partzialki onartzen du LABek aurkeztutako demanda.
2018ko akordioaren lehenengo artikuluan, jasotzen denaren arabera, “Partzuergoko kudeaketa alorreko lanpostuak arautu beharra ikusita, beharrezkoa deritzogu lanpostu zerrendatan islatzea, beraien funtzioak adostuz. Beraz, gaur egun, kudeaketa arloan dauden lanpostuak, lanpostu zerrendan arautuko dira, funtzioak zehaztuz (…) Lan Eskaintza Publikoaren egutegia eta baldintzak sindikatuekin negoziatuko dira”. Era berean kudeaketako langileen ordezkoen eta barne promozioenaraudiaknegoziatubeharkoziren, adosturikoegutegi,metodologiaetaprozedurabatenbidez.
Alde sozialetik LABek soilik sinatutako 2018ko akordioaren lehenengo artikuluan kudeaketa lanpostuak erregularizazioaren aldeko hautua egin zuen, eta artikulu hau garatze bidean aurreakordioa sinatu zuen 2020an, hau ere LABek soilik. Azken honetan kudeaketako langileen barne sustapenen araudia eta ordezkoen araudia adostu ziren. Haurreskolak Partzuergoak, ordea, ez du bata ez bestea bete, ezta ahaleginik egin ere beste bide batetik adostasunetara heltzeko.
Bitartean, 2019ko otsailean, indarrean dagoen eta barematu beharko den kudeaketako langileen lan-poltsak irekitzeko akordioa lortu zuen LABek, ordezkapenak betetzeko zegoen arazoa konponduz.
2003an sortu zen Haurreskolak Partzuergoa. Ordutik kudeaketako langileen lanpostuen kopurua handitzen joan da inongo erregularizaziorik egin gabe, lanpostuen zerrenda sortu gabe, alegia. LABetik negoziazioaren bidea lehenetsi badugu ere, epaitegietara jotzea baino ez zaigu geratu. Administrazioaren utzikeria, fede txarra eta egin diguten iruzurrak epaitegian bukatu du. Gainera, gai honekiko gainontzeko sindikatuen jarrerak ez du lagundu bidean; gerora mahaietan akordioaren eta aurreakordioaren defentsa egin badute ere, epaiketan ez zirela agertu esan behar dugu.
Orain Justizia Auzitegi Nagusiak arrazoia eman digunez eta oinarriak ezarrita daudenez, ahalik eta lasterren zigorra betetzea eskatzen dugu; LAB sindikatuak enplegua egonkortzeko bidean lehenengo urratsa sortu du. Kontsolidazio prozesua izan dadin ekarpenak egiten jarraituko dugu, eta lan-hitzarmen berriaren negoziazioan langileen baldintzak hobetzeko borrokan jarraituko dugu. Era berean, lanpostuen kategoria eta soldaten ekiparazioa gauzatzea eskatuko dugu.
Bide batez, zoriondu egin nahi ditugu kudeaketako lankideak. Bidea luzea izan da eta borrokan jarraituko dugu.
Arabako enpleguaren eta lan-baldintza duinen defentsan mobilizatu gara
Elkarretaratzea egin dugu Gasteizko Andra Mari Zuriaren Plazan, Arabako enpleguaren eta lan-baldintza duinen defentsan. Urteko lehen sei hilabete hauetan, langileok kaleak hartu ditugu, bakoitzak bere sektore edo errealitatean oinarrituta, baina guztiok lotura komun batekin: enpleguaren eta lan-baldintzen defentsa.
Beti jakin izan dugu mobilizaziotik eta borroken bateratzetik soilik sortu ahal izango ditugula beharrezko baldintzak indar-korrelazioa aldatzen hasteko, eta aldaketa horrekin, ezinbestean, sistema neoliberal honek gero eta zailtasun gehiago izango dituela bere ekonomia eta enplegu estrategietan.
Estrategia neoliberal hauetan, sistemak kapitalaren interesak lehenetsi ditu eskubide sozial eta laboralen gainetik. Sistemaren diru-goseak ez du mugarik, baldin eta bere posizioak sendotzen badira, pribatizazioak, kaleratzeak, EEEak, hitzarmenetako eskubide-murrizketak, iruzurrezko kontratazioak, emakumeen diskriminazioa, lan-ezbeharrak… emaitza bereziki larriak dituztenak sektore feminizatuenetan, pandemiaren zatirik gogorrena eta horretatik datorren krisi ekonomikoa jasatera behartuta daudenak.
Horregatik guztiagatik, langileek oso ondo ulertzen dute mobilizazioaren eta aktibazioaren garrantzia: Alestis, Aernnova, Tubacex, Tubos Reunidos, Mercedes, Olazabal y Huarte, Osakidetza, Haurreskolak Partzuergoa, lehen hezkuntza, administrazio publikoa, egoitza publiko eta pribatuak, aisialdia, etxez etxeko langileak, garbiketa, Arabako metalgintza, zurgintza… urteko lehen sei hilabete hauetan kalea hartu duten enpresa eta sektoreen zerrenda luzea da, eta kalean jarraitzen dutenak, merkataritza bezala, datorren ekainaren 25ean greba egingo dutenak.
Mobilizazio bakoitzean, erakundeek enpleguaren defentsan inplikaziorik ez dutela salatu dute. Patronalari egindako interpelazioa, hitzarmenak negoziatzeko, EEEak aplikatzeko, lan-baldintzak okertzeko… eta horren arabera, irabaziak handitzeko duen zikoizkeriagatik.
Gaur berriro mobilizatu gara eta behar den bakoitzean kaleak hartzen jarraituko dugu. Esparru guztietan borrokatuko dugu, administrazioei langileriaren aldeko jarrera aktiboa eskatuz, lan-erreformak indargabetzea eskatuz, pentsio bidezkoak aldarrikatuz eta patronalari mezu argia bidaliz: kapitalaren eta bizitzaren arteko gatazkan, bizitza duinen alde mobilizatuko gara.
ITP-PCB-ko enpresa batzordeak elkarretaratzera deitu du, zuzendaritzak kaleratzeen aurkako borrokarekin lotutako auzi judizial guztiak kendu ditzala eskatzeko
Barakaldoko epaitegian egingo du mobilizazioa bihar, 11:00etan, ITPC-PCBko langile eta LABeko kide Zigorrek deklaratuko duen egunean. Bide penaletik salatu dute.
EUNEIZ unibertsitate pribatuaren aurka mobilizatu gara Gasteizen
Gasteizko Europa Jauregiaren aurrean mobilizatu gara, zenbait sindikatu eta gazte eta ikasle eragilerekin batera, EUNEIZ unibertsitate pribatuaren egitasmoaren aurka eta hezkuntza unibertsitario publikoaren defentsan.
Kataluniako gatazka politikoaren konponbide bakarra errepresioaren bukaeraren eta autodeterminazio eskubidearen eskutik etorriko da
Atzo, Europako Kontseiluak Kataluniako preso politikoak askatzea eta euroaginduak bertan behera uztea eskatu zuen. Europako Kontseiluko Asanblea parlamentarioak, Espainiako Gobernuari sedizio eta matxinada delituak erreformatzera dei egin, Kataluniako preso politikoen indultua planteatu eta Carles Puigdemonten aurkako estradizio eskaera erretiratzea eskatzen zuen Boriss Cilevics letoniarrak aurkeztutako ebazpena babestu zuen.
Atzoko ebazpenak bat egiten du bai Katalunian bai nazioartean errepresioaren bukaera eta Kataluniako herriari hitza ematea eskatzen duten ahotsekin, are gehiago azken hauteskundeetan hautesleen %52ak Kataluniaren independentzia aldarrikatzen duten alderdiak babestu dituela ikusita.
LAB sindikatuan poztu egiten gara Kataluniako preso politikoak askatzeko aukerarekin; besteak beste oso ongi dakigulako kartzelak ze suposatzen duen eta handik ateratzeak familia eta lagunei nolako poza sentiarazten dien. Hala eta guztiz ere, Kataluniak bizi duen gatazka nazionala ez da preso politikoen etxeratzearekin bukatzen, Espainiako estatuak Kataluniarekin duen gatazka nazionala demokratikoki konpontzeko bide bakarra mugimendu independentistaren kontrako errepresio oro bukatzea, erbesteratu guztiak itzultzea eta noski, Katalunia nazio bezala aitortzea eta ondorioz bere autodeterminaziorako eskubidea onartzea.
Zentzu honetan LAB sindikatuaren ordezkaritza bat datozen egunotan Katalunian egongo da bertako eragile sindikal eta sozialekin egoteko, bertan gertatzen ari dena hurbiletik jarraitzeko eta herrien burujabetzaren bidean pausuak emateko aliantzak eta elkarlanerako aukerak aztertzeko.
Soilik herrien askatasunaren eta klase herritarren interesen defentsatik gauzatu daiteke sakoneko eraldaketa politiko eta soziala eta hortaz, behar-beharrezkoa da itxaropenezko etorkizun bat eraiki nahi dugun eragileen arteko zubiak eta aliantzak eraikitzea.
Zaintzarako euskal sistema publiko komunitarioa definitzeko jardunaldi bat egin dugu
Zaintzarako euskal sistema publiko komunitarioa definitzeko jardunaldia egin dugu Donostian, Okendo kultur etxean, Programa Sozioekonomikoa osatzeko prozesuaren baitan, irailean egingo ditugun beste mahai inguru monografikoen abiapuntu gisa. Ipar Hegoa Fundazioarekin batera antolatu dugu gaurko ariketa.
Jardunaldia Ordizian egindako jardunaldi orokorraren eta Oreretan egindako “Zaintza lanak Euskal Herrian” jardunaldiaren jarraipena izan da, zehaztasunetan sakontzeko helburuarekin.
Bi atal izan ditu jardunaldiak; lehenean, Colectiva XXK elkarteko ordezkari Amaia Perez Orozco, Emagin-eko kide Miren Aranguren eta LAB-eko Idazkaritza Feministako idazkari Eli Etxeberria izan dira hizlariak; bigarrenean, talde ariketa eta plenarioa egin ditugu.
Eremu estrategikoa
Gure Programa Sozioekonomikoa berritu egin dugu, Euskal Herriko trantsizio ekosozialista eta feminista helburu, lau oinarri hauen arabera: demokratizazioa, feminismoa, ekosozialismoa eta nazio garapena. Euskal esparru sozioekonomikoaren definizio orokorrarekin batera, sei eremu estrategikotan banatutako 120 neurri bildu ditugu Programaren baitan: lurra eta lurraldea; osasuna; ezagutza; industria; oinarrizko zerbitzuak; eta zaintza. Hain justu, azken hau izan da Okendoko jardunaldiaren ardatza.
Jaurlaritzako Hezkuntza Sailaren menpeko eskola-garraioko laguntzaileen eta jolastokiko zaintzaileen hitzarmena sinatu dugu, lan-kontratuko langileen soldatak parekatuz #LortuDugu
Arabako, Bizkaiko eta Gipuzkoako batzarrak berretsi ondoren, LABek, negoziazio-mahaian %51,85eko ordezkaritza duela, Eusko Jaurlaritzako Hezkuntza Sailaren mendeko eskola-garraioko eta jolastokiko zaintzaileentzako hitzarmena sinatu du, eta, besteak beste, soldatak lan-kontratudun langileekin parekatzea lortu du, kudeaketa zuzeneko eskola-jangeletan lortu genuen bezala. 2021eko irailean, soldata Hezkuntza Saileko lan-kontratuko langileen %99ren parekoa izango da (%9ko soldata-igoera), 2022ko urtarrilean %99,5ekoa eta 2023koan %100ekoa.
Era berean, 2021eko irailetik aurrera, langileek “hitzarmen-osagarria” kobratuko dute (2016tik aurrerako atzerapenak). Eguneko 2 orduko lanaldia duen langile baten kasuan, 1.000€ eta 1100€ artekoa izango da, enpresako antzinatasunaren arabera (hirurtekoak), eta hilero hainbanatuko da bi ikasturtetan (2021eko irailetik 2023ko ekainaren arte).
Gainera, hitzarmen honekin hobekuntzak gehiago lortu ditugu, besteak beste, lizentzietan (2 egun libre, gehienez 10 eguneko eszedentzia bi alditan, seme-alaba adingabeekin egindako kontsulta medikoak, espezialistekin egindako kontsultak…), hutsik dauden lanpostuetarako zentroaren antzinatasuna, behin-behineko langileentzako eskualdekako lan-poltsa, birkokatzeak edo kalte-ordainak (langileek aukeratzeko), langileak euskalduntzeko formakuntza, egutegiak irailaren 15a baino lehen entregatzea, aseguruen %5 gehiago, …
Hori guztia posible izan da langileek hitzarmen hau negoziatzeko eman diguten konfiantzari esker (% 51,85eko ordezkaritza) eta sindikatu honek Hezkuntza Sailarekin izan dituen elkarrizketei esker. Zerbitzu publikoa da, eta dirua ere bai; beraz, Eusko Jaurlaritzak erabateko erantzukizuna du eskola-garraioaren eta jolastokiko zaintzailearen zerbitzuaren funtzionamenduan eta kudeaketan.
Kontratu prekarioak, partzialak eta feminizatuak dituen sektorea izan arren, gure eskubideak hobetzeko borroka egin dugula frogatu dugu, soldatari dagokionez langile lan-kontratudunekin parekatuz, greba-egunik egin beharrik gabe.
Nahiz eta alderdi batzuk ezin izan diren lortu eta 2023ko negoziazio-mahaian jarriko ditugun, LAB sindikatuak hitzarmen honen sinadurarekin egiten duen balorazioa oso positiboa da, gure lan-baldintzak nabarmen hobetzea lortu dugu.