2026-07-17
Blog Page 394

Gipuzkoako Aldundiko garbitzaile azpikontratatuek greba egingo dute apirilaren 25etik maiatzaren 6ra

Aritz Sorzabal
-
0
Gipuzkoako Aldundiko garbitzaile azpikontratatuek greba egingo dute apirilaren 25etik maiatzaren 6ra

LAB, ELA eta ESK sindikatuon oharra, gaurko agerraldiaren harira:

Gaur hemen gaude Gipuzkoako Foru Aldundiaren eraikinetako garbitzaile azpikontratatuak. Kolektibo honek 90 langile inguru ditu, ia guztiak emakumeak dira, eta sektorean dagoen partzialitatea % 80 ingurukoa da.

2021eko maiatzaz geroztik, sektorearen hitzarmen kolektiboa negoziatzen ari gara EULEN enpresarekin, zerbitzuaren egungo arduradunarekin. Hainbat bileraren ondoren, negoziaketaren egoera erabateko blokeora iritsi da. Horregatik, otsailaren 22, 23, 24 eta 25an LAB, ELA eta ESK sindikatuok lau eguneko greba deialdia egin genuen. Aste horretan argi geratu zen langileen aldarria: KPI-rik gabe, ez dago hitzarmenik.

Lau greba egunen ondotik, negoziaketa mahaia deitu genuen berriro ere patronalaren jarrera zein zen ikusteko asmoz. Eta beste behin ere, patronalaren jarrera salatu nahi dugu. Langileen aldarriei entzun ez eta abenduan eginiko planteamentu ekonomikoa mantentzen du: 2021rako soldatak izoztea, 2022rako %1,5-ko igoera, eta 2023rako %1,75ko igoera.

EULENek KPIarekin inolako loturarik ez duten planteamenduak egiten ditu, eta hau LAB, ELA eta ESK sindikatuontzat onartezina da.  Planteamendu ekonomikoak KPIarekin ez lotzeak langileak zuzenean pobretzea dakar, eta ez dugu onartuko. Puntu honetan, patronalak negoziazio kolektiboan duen jarrera salatu nahi dugu, sektore maskulinizatuetan KPIarekin lotura egiten duelako eta feminizatutako sektoreetan horri buruz hitz egiten entzun nahi ez duelako. Guk ez dugu kasualitateetan sinesten eta KPIaren lotura lortzeko borrokatuko dugu.

Baina ez hori bakarrik, EULEN enpresak, KPIarekin loturarik ez planteatzeaz gain, 2021erako soldatak izoztea planteatu du. 2021erako, pandemia urterako, funtsezko zerbitzuen urterako. Baina zertarako dira funtsezkoak garbitzaileak? Gutxieneko zerbitzuak ezartzeko? Politika- eta enpresa-propagandarako? Onartezina da enpresek soldata-izozteak planteatzea zerbitzua ez denean gelditu, baizik eta indartu eta handitu egin denean. Beste behin ere, langileekin jolasten ari dira beren enpresa-etekinak handitzeko.

LAB, ELA eta ESK sindikatuetatik argi daukagu Foru Aldundia dela zerbitzu horren azken arduraduna. Gu aldundiaren beraren erabaki politiko eta ekonomikoz azpikontratatutako langileak gara, estrategia ekonomizista bati soilik erantzuten diotenak. Horregatik, erantzukizunak eskatzen ditugu.

Behi baino gehiagotan eskatu diogu Aldundiari pleguak irizpide ekonomikoen arabera ez esleitzeko. Aldundiaren esku dago zerbitzua ez esleitzea plateamendu ekonomiko baxuenari, baina, zer egingo dute? Enpresa-interesak edo langileen interesak defendatu? Aldundiak berak zerbitzu horretarako aurrekontu-zenbatekoaren estimazioa egiten badu, zerbitzu bera aurrekontuaren % 15 gutxiagorekin berma daitekeela uste dute? Nori eragiten dio eskaintza ekonomikoa jeisteak?  Ez dugu onartuko. Administrazio publikoak argi utzi digu ez duela negoziazio-mahaian parte hartuko eta ez duela gatazkan esku hartuko, baina gutxieneko zerbitzuen alegazioak egin dituela esan digu. Orduan, administrazioak esku hartu du ZZMM-ak dekretatu diezaguten, baina ez gure lan-baldintzak hobetzeko? Hortaz, Aldundiarentzat, ZZMMetarako bakarrik gara funtsezkoak? Oso larria iruditzen zaigu administrazioaren jarrera.

Horregatik guztiagatik, grebara aterako gara apirilaren 25tik maiatzaren 6ra. Ez dugulako onartuko ez enpresa pribatuek ez administrazioek gu behartsuago eta otzanago nahi izatea. Nahikoa dela esan dugulako eta erosteko ahalmena ez galtzeko borrokatuko dugula argi daukagulako. Garaia delako kalera irtengo gara, KPIa gabe eskularruak ere ez ditugulako jantziko!

Langileen eros ahalmena eta lan-baldintzak hobetzen dituen enpresa ituna adostu dugu Niessen enpresan #LortuDugu

Aritz Sorzabal
-
0
Langileen eros ahalmena eta lan-baldintzak hobetzen dituen enpresa ituna adostu dugu Niessen enpresan #LortuDugu

Oiartzunen kokatuta dagoen ABB Niessenen enpresa itunari baiezkoa eman diote langileek Enpresako ordezkaritza LABeko 4 ordezkarik, ELAko3k eta UGTko 2k osatzen dute.

3 urteko ituna adostu da, eta ondorengo soldata igoerak jasotzen ditu:

Soldata igoerak

-2021: 300 euroko igoera lineala eta kontsolidagarria. 2021ko urtarriletik kontuan hartuko dena (KPI negatiboa izan zen 2020an).

-2022: KPIa igoko da(%6,5).

-2023 urterako: KPIa bermatzen da, eta KPIren zenbatekoaren arabera igoera gehigarri batadosten da KPI + % 0,5 artekoa izan daitekeena (%6tik beherako KPI bada). % 6tik gorakoa bada KPI, eta enpresaren gutxieneko helburuak beteko ez balitu eta salmentak gutxituko balira, berriro negoziatuko litzateke soldata igoera.

Lana eta bizitzaren kontziliazioa. Gaueko txandetan, gure aldarrikapenik garrantzitsuena, aurrerapauso garrantzitsua lortu dugu, adinez nagusienak diren langileentzat gauak murrizteko aukera martxan jarri da. Baimenak hobetu dira, senideen ebakuntzaren kasuan.

Enplegua. Ekoizpeneko lanpostuen mantentzea: errelebu kontratua bermatuko da, eta errelebistak ekoizpenean sartuko direla adostuko da.

Bajen osagarriak %100an osatuko dira, ez soilik itunak irauten duen bitartean, aurrerantzean ere bai.

Gipuzkoako metaleko hitzarmenarekiko lotura bermatu da, enpresa itunean jasotzen ez den edukiaautomatikoki aplikatuz.

ELA sindikatuak akordioaren kontra egin zuen arren, eta kontrako bozka eskatu, batzarraren emaitza argia izan da: 118 BAI eta 29 EZ. Azpimarratzekoa da parte hartzea, enpresaren %80ak parte hartu du eta inoizko parte hartzerik handienetarikoa izan da.

Niessengo langileak zoriondu nahi ditugu LABetik, erakutsi dutelako aberastasunaren banaketa beharrezkoa dela eta baita ere bizitza erdigunean jartzeko pausoak eman dituztelako, horren adibide gaueko txanden murrizketan eta lizentzietan eman diren hobekuntzak, ala nola 40 urtean zehar aldarrikatu den bajen osagarritzea lortu da %100ean eta betirako. 2008-2019 epeen artean Euskal Herriko langileek eros ahalmena galdu dutela diote datuek, bereziki langileak ez antolatutako enpresetan. Barne Produktu Gordinean ere, geroz eta txikiagoa da soldatetara doan zatia. Horregatik, soldatak KPIaren arabera eguneratzea ezinbestekoa da, gizartearen pobretzea ekiditeko. Oinarrizko produktuen garestitze izugarria (KPI baino askoz handiagoa) zuzen zuzenean pairatzen dugulako langileok.

Gainera, ekoizpen industriala azpikontratatzeko estrategiaren aurrean Niessenen lortutako akordioan balioa ematen diogu errelebu kontratua eta ekoizpeneko enpleguak lotzeari eta bajan dauden langileei soldatak osagarritzea lortzeari.

Dei egiten diegu langileei 13/13 auziko epaiaren aurrean larunbatean Bilbo eta Donostian egingo diren manifestazioetan parte hartzera

Aritz Sorzabal
-
0
Dei egiten diegu langileei 13/13 auziko epaiaren aurrean larunbatean Bilbo eta Donostian egingo diren manifestazioetan parte hartzera

Datorren larunbatean, apirilaren 9an, manifestazioak izango dira Bilbo eta Donostian 13/13ko auziko epaiaren aurrean protesta egiteko. 17:30ean izango dira bi mobilizazioak, Bilbokoa Jesusen Bihotzetik abiatuko da eta Donostiakoa Saguesetik. LABek bat egiten du bi deialdiokin eta dei egiten die langileei euretan parte hartzera, elkarbizitza demokratikoa eraikitzeko oztopo direlako auzi honetakoa bezalako epaiak, 4 euskal herritar 18 urteko kartzelaldira zigortu dituena.

Urraketez betetako prozesua izan zen 13/13 auzikoa: tratu txar eta eraso sexualen testigantzak entzun genizkien auzipetuei; inkomunikazioaldikotorturasalaketak,etengabekoirregulartasunak,babesgabetasunaetaeskubide urraketak bizi izan zituzten, bis in idem printzipioa bera ere urratu zitzaien (honen arabera pertsona bera ezin da behin baino gehiagotan zigortu gertaera berarengatik).

Euskal presoei laguntza juridiko eta soziala emateagatik epaitu zituzten 7 euskal herritarrak. Espainiako Estatuan, oraindik, salbuespenezko espetxe politika, salbuespenezko prozedura judizial eta polizialak ematen dira. Elkarbizitza demokratikoa eraikitzeko euskal herritar guztien eskubideak bermatzea ezinbestekoa da, eta ahalegin horren aurrean benetako oztopo dira horrelako ebazpenak.

13/13ko auzipetuek adierazi izan duten moduan, zauriak ongi ixteko gatazkaren ondorioei heldu behar zaie, askatasunari, demokraziari. Bide horren alde mobilizatzen eta ekarpena egiten jarraitzeko konpromiso osoa adierazten dugu LAB sindikatutik.

Osakidetzak azpikontratatutako garbitzaileek deitutako hiru greba egunetatik lehena egin dute

Aritz Sorzabal
-
0
Osakidetzak azpikontratatutako garbitzaileek deitutako hiru greba egunetatik lehena egin dute

Osakidetzak azpikontratatutako garbitzaileek grebara deitu dute apirilaren 7, 8 eta 9rako, LAB, ELA, UGT, CCOO eta ESK sindikatuon izenean. Hala, lehen greba egunean, mobilizazioak egin ditugu Araba, Bizkaia eta Gipuzkoan, hitzarmen berri baten defentsan eta homologazioaren alde. Hain zuzen ere, elkarretaratzeak egin ditugu Txagorritxu, Gurutzeta eta Donostia ospitaleetan.

Madrilen izan den jatetxe-arloko marken negoziazio-mahaiaren osaketa gaitzetsi nahi dugu

Aritz Sorzabal
-
0
Madrilen izan den jatetxe-arloko marken negoziazio-mahaiaren osaketa gaitzetsi nahi dugu

LAB eta ELA sindikatuon oharra:

LAB eta ELA sindikatuok ulertzen dugu Euskal Herrian lan-baldintzak arautzen dituen lan-araudia egon badagoela, eta horregatik, jatetxe-marken (McDonalds, Goiko, KFC, La Mafia, Tagliatella, Ikea, Taco Bell…)  estatuko hitzarmen berri baten negoziazio-mahaia eratzearen aurka agertu gara.

Ildo horretan, gogorarazi behar dugu EAEn Ostalaritzako Esparru-Akordio Sektorial bat dagoela, sektore horretako negoziazio kolektiboaren egitura arautzen duena eta Euskal Autonomia Erkidegoa osatzen duten lurraldeetan ostalaritzako hitzarmen sektorialak aplikatzeko lehentasuna ezartzen duena. Nafarroari dagokionez, egungo hitzarmen autonomikoak ere, bere funtzio-eremuan, jatetxe- arloko marken azpisektorea du araututa.

Ezin da azaldu CCOO eta UGT sindikatuek hitzarmen berri honen negoziazioari ekitea onartzea, jakin badakitenean lan-baldintza okerragoak aplikatuko direla, baita ekonomikoki indartsuenak diren ostalaritza-enpresetan ere. Honek erakusten du, oraindik ere ezinbestekoa dela estatuko hitzarmenei estatu mailako sindikatuek gehiengorik ez duten negoziazio esparruak inbaditzea ahalbidetzen dieten lan erreformak indargabatzea.

Horregatik guztiagatik, Jatetxe-arloko marken Estatuko hitzarmen bat sinatuko balitz, Araba, Bizkaia, Gipuzkoa eta Nafarroa bere lurralde-eremutik kanpo uzteko eskatzen dugu. Gure eskaerari erantzuten ez bazaio, ez diogu uko egiten legezko ekintza guztiak aktibatzeari, ezta ere gure esparru arautzailea eta lan-baldintzak defendatzeko egoki ikusiko genituzkeen mobilizazioak aktibatzeari.

Ez dugu onartuko lurralde bakoitzeko ostalaritzakoa ez den beste hitzarmenik aplikatzea.

Zaintza lanen eta enpleguaren banaketa eta ondasunaren birbanaketa aldarrikatu ditu Garbiñe Aranburuk, langileok bizi dugun etengabeko krisiaren aurrean

Aritz Sorzabal
-
0
Zaintza lanen eta enpleguaren banaketa eta ondasunaren birbanaketa aldarrikatu ditu Garbiñe Aranburuk, langileok bizi dugun etengabeko krisiaren aurrean

Garbiñe Aranburu idazkari nagusia elkarrizketatu dute Euskadi Irratian, “Faktoria” saioan. Egoera sozioekonomikoari buruz hitz egin du, pandemia dela, Ukrainako gerra dela, beti ere egungo koiunturaren atzean aurretik datorren egiturazko arazo bat dagoela nabarmenduta. “2008. urteaz geroztik, langileok etengabeko krisian bizi garela esan dezakegu. Prekarizazio orokor bat ematen ari da, bizitzako eremu guztietan eragina duena”, adierazi du, eta kapitalaren eta bizitzaren arteko talka agerian geratu dela esan du. “Langileek ezin dute beti izan ondorioak pairatzen dituztenak”, deitoratu du.

Zentzu honetan, Maiatzaren Lehenean kalera aterako ditugun aldarriak ekarri ditu, sistema errotik aldatu behar dela iritzita. Banaketa hirukoitzaz mintzatu da horrela, hots, zaintza lanen eta enpleguaren banaketari eta ondasunaren birbanaketari buruz: “Kapitalismo sistema honetan ezinezkoa da pertsonen bizitza erdigunean jartzea. Planeta bera ere suntitsen ari da. Honek norabide aldaketa bat eskatzen du, eta honek politika birbanatzaileei buruz hitz egitea eskatzen du”.

Mobilizazioa egin dugu ANSAREOn kaleratutako bi langileren berronartzea eskatzeko

Aritz Sorzabal
-
0
Mobilizazioa egin dugu ANSAREOn kaleratutako bi langileren berronartzea eskatzeko

Martxoaren 29an, LAB eta ESK sindikatuen eskutik hauteskunde sindikalak egiteko prozesua hasi zuten bi langile kaleratu zituen ANSAREO enpresak.

LAB eta ESK sindikatuok kaleratze horiek salatzen ditugu, eta langileak berehala berriz hartzea exijitzen dugu, errepresio sindikalaren kasu argi baten ondorioz kaleratu baitituzte.

Enpresari gurekin biltzeko deia egin ondoren, eta gaurko egunez erantzun egokirik jaso ez dugunez, mobilizazioa egin dugu enpresan Ortuellan dituen instalazioetan. Mobilizazioek jarraituko dute.

Txalogarritzat jotzen dugu AEK-k Donibane Garazin egindako adierazpena

Aritz Sorzabal
-
0
Txalogarritzat jotzen dugu AEK-k Donibane Garazin egindako adierazpena

Bidean dabil korrika aurtengoan ere. Atsedenik hartu gabe Euskal Herrian zeharaurrera dabil gau eta egun helmugara iristeko lanean. Horrela, helduen euskalduntzeak ere, 40 urte daramatza,  atsedenik hartu gabe. Eta ezin da gelditu, bere helmugara, oraindik, iritsi ez delako. Zoritxarrez, euskal herritar askok ezin dute euren herriko hizkuntza erabili, edo migratzaile askok, ezin dute eskuratu hartzen dituen herriko hizkuntza, ikasteko aukerak ez dituztelako.

Alde horretatik, LABen ustez, helduen euskalduntzea doakoa izan dadin AEK-k eta beste  euskaltegi batzuekin batera Donibane Garazin egin duten adierazpena oso garrantzitsua eta txalotzekoa da. Berriro ere, herri ekimena erakunde publikoen aurretik doa. Orain ere herri ekimenak, erakundeek bere gain hartu nahi izan ez duten erantzukizuna hartu du.

Doakotasunaz gain, LABen aburuz helduen euskalduntzeak oinarri hauek izan behar ditu, eta horretan lanean dihardugu azken urteetan. Sektoreko langileekin hartu emanean proposamen bat eraikiz eta plazaratuz Euskal Herri osorako:

1.- Helduen euskalduntzea unibertsala izan behar da. Euskal herritar orok euskara ikasteko eta euskaraz bizitzeko eskubidea eduki behar du, eta botere publikoek horretarako behar beste baliabide jarri beharko lukete.

2.- Helduen euskalduntzea doakoa izan behar da. Euskal Herri osoan euskara ikasteko behar besteko finantzaketa jarri beharko lukete administrazioek, benetako doakotasuna bermatuz herritarrei.

3.- Publikoa izan behar da. Helduen euskalduntzea bermatzea botere publikoei dagokie. Hori dela eta, sektoreak finantziazio gehiago eta egonkorra behar du, herritar guztientzat eskuragarri egongo den zerbitzua izanez. Izan ere, eurei dagokie euskarari ospea ematea eta euskara lehenestea administrazioetan, komunikabideetan, euskarri digitaletan, etab.

4.- Helduen euskalduntzea kalitatekoa izan behar da. Bai erabiltzaileentzat, zein langileentzat. Euskara ikasi nahi duten herritarrek instalazio duinak, ratio egokiak, baliabide pedagogiko egokituak… eta abar eduki behar dituzte eta hori bermatu behar zaie. Aldi berean, euskaltegietan lan egiten duten langile guztiek lan-baldintza duinak, egonkortasuna, formazioa, aitortza eta etorkizuneko aukerak eduki behar dituzte.

Horiek horrela, LABek ere, Euskal Herriko Administrazioak interpelatu nahi ditu helduen euskalduntzea esandako oinarrien gainean eraikitzen hasteko Euskal Herri osoan. Bada garaia hitzetatik ekintzetara pasatzeko. Helduen euskalduntzea unibertsala, doakoa, publikoa eta kalitatekoa Euskal Herri osoan orain!

“Osakidetzako langile ahaztuen plaza” inauguratu dugu Bilbon

Aritz Sorzabal
-
0
“Osakidetzako langile ahaztuen plaza” inauguratu dugu Bilbon

LAB, SATSE, ELA, CCOO, UGT eta ESK sindikatuok osasun langileen plaza berrinauguratu dugu Bilbon, eta “Osakidetzako langile ahaztuen plaza” izendatu dugu.

Ekitaldi honen bidez, Osasun Sailaren hipokrisia eta propaganda salatu nahi dugu; izan ere, Osakidetzako langileen lan-baldintza eskasak hobetzeari uko egiten dion bitartean, osasun-langileen omenezko plaza bat inauguratzen du. Osakidetzako langileek ez dute edukirik gabeko propaganda-ekintzarik behar; benetako aitorpena behar dute, egunero jasaten dituzten eta herritarrei eskaintzen zaien osasun-zerbitzuan eraginzuzena duten lan-baldintza kaxkarrak hobetzeko.

Gogora dezagun plaza hori Bilboko alkateak eta Osasuneko Sailburuak inauguratu zutela martxoaren 9an, sindikatuok Osakidetzari Lan Harremanen Kontseiluan bilera bat egiteko deia egin genion egunean, negoziazioari eta elkarrizketari berriro ekiteko asmo sendoarekin. Zoritxarrez, Osasun Sailak propagandaren aldeko apustua egin zuen berriro ere, eta bizkarra eman zion benetako negoziazioari. Horrela, Osasun Saila bilerara joateari uko egin zion eta bitartean, Sailburuak, ahaztuta dituen langile horiei eskainitako plazabat inauguratu zuen. Agerian dago ez zaila bat ere axola langile horien lan baldintzak. 

Klabe horretan bakarrik uler daitezke azken asteetako gertakariak eta joan den ostiraleko Mahai Sektorialeko bileran gertatutakoa; bilera horren edukia etsigarria izan zen. Osakidetza ez dago prest grebara eraman gaituztenen aldarrikapen bakar bati ere erantzuteko. Sagardui sailburuak otsailaren 25eko grebaren aurretik iragarri zuen 300 milioi bideratuko zirela Garapen Profesionaleko osagarria ordaintzera, greba desaktibatzeko ahalegin argi batean. Gaur egun, ordainketa hori ez da egin, eta joan den ostiralean Osakidetzak jakinarazi zigun urtea amaitu baino lehen egiten saiatuko dela, joan den uztailean itxitako akordio bati buruz hitz egiten ari garenean.

Hori gutxi balitz, bilera horretan, Osakidetzak ukatu egin zituen Lehen Arretako plantillaren lan-baldintza eskasak. Adierazi zuen arreta-maila hori uzten duten langileek aukera propio baten baitan egiten dutela eta horrek ez daukala zerikusirik kolektiboaren lan baldintza prekarioekin. Era berean, uko egin zion itxitako PACak berriro irekitzeari edo ordutegia mugatu zaienei buruz hitz egiteari. Gauza bera esan daiteke gainerako errebindikazioei buruz, hala nola %4 edo txanda osagarria. Azken honi dagokionez, praktikan, Osakidetzak murrizketa bat aplikatu du hori ordaintzerakoan. Orain Osakidetzak esaten du ezin diela %4 hori ordaindu ospitale-eremuan lanik egiten ez duten langileei. Baina azpimarratu behar dugu justizian, Lehen Arretako plantillaren zati bati aitortu ziola, eta duela hilabete batzuk, proposamen bat jarri zuela mahai gainean, gero erretiratu zuena, beste kolektibo batzuei ordaintzeko.

Osakidetzak aurrekonturik eza aipatu zuen, Eusko Jaurlaritzak 2021. urtean 600 milioi euro aurreztu dituela adierazten duen egun berean. Argi dago, beraz, osasun arloko inbertsioa ez dela lehentasunezkoa Jaurlaritzarentzat. Osasun Sailak Osakidetzako langileak ahaztu izana salatu nahi dugu gaur, eta Sagardui Sailburuari gogorarazi nahi diogu Osakidetzako langileek ez dutela omenaldi hutsen edo propaganda hutseko ekintzen beharrik. Osakidetzako langileek beren lan-baldintzak duintzea eta hobetzea behar dute. 

1...393394395...1,636Page 394 of 1,636

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLĂŤTICA DE PRIVACIDAD

www.lab.eus