Hainbat ekimen burutuko ditu honetarako, helburu bikoitzarekin: pribatizazioari aurre egitea eta sektore hauen kudeaketa Iruñeako eta Gasteizko Gobernuek beregana dezatela aldarrikatzeko. LABek garatuko dituen ekimenek 3 ardatz izango dituzte: alderdi eta erakundeekikoa; langileen, erabiltzaileen eta iritzi publikoarekikoa, eta batzordeetakoa.
Blog Page 1435
Lan duin eta eskubide sozialen aldeko mobilizazioak Euskal Herrian
Euskal Herria Martxan kanpainaren bigarren egunean mobilizazio ezberdinak egin ziren Irun, Errenteria, Elizondo, Altsasu eta Gasteizen. Lehenengo hiruetan lan duin eta eskubide sozialen aldeko elkarretaratze eta manifestazioak egin ziren eta Gasteizen berriz, egun ditugun politikak aldatzeko dagoen urgentzia aldarrikatu eta herri gisa gure politika propioak garatzen utz diezagutela exijitzeko Bizikleta Martxa bat egin zen.
LABen irakurketa Eusko Jaurlaritzak sektore publikoko langileei abenduko aparteko paga ordaintzeko erabakiaren aurrean
Azken hilabetetan adierazi izan dugun bezala, Madrildik inposatzen den sektore publikoaren suntsiketari aurre egiteko erabakiak politikoak izan behar dira, ez teknikoak edota juridikoak, mozorrotu nahi dituzten bezala. Dena dela, oraingoan Madrilen agindua desobeditzeko erabaki hau politikoa bada ere, PSE eta EAJren arteko hika-miken kutsu partidista du gehiago.
Elkarretaratzea Bilboko epaitegietan kopagoaren kontra
LAB sindikatuak epaitegietan ezarri nahi duten tasen legea salatzeko elkarretaratzea egin du gaur Bilboko epaitegietan. Erabaki honek herritarrei, gaitasun ekonomikoaren arabera, epaitegietara jotzea eragotziko die eta horregatik Euskal Herrian ez aplikatzea ere eskatzen du sindikatuak.
CAFeko Enpresa Batzordeak EREaren tramitazioa ez hasteko eskatu dio enpresari
Atzo, azaroak 26, enpresako zuzendaritzak enpresa batzordea deitua zuen CAF-Beasaingo ibilgailu akaberan ezarri nahi duen EREaren inguruko xehetasunak eta argudioak azaltzeko. Komitearen eskaerei jaramonik egin gabe bere planteamenduan aurrera jarraituko duela azaldu du.
Mobilizazio kanpaina Osakidetzan lan-ordutegia ez luzatzeko eta aparteko ordainsariak ordaintzeko exijituz
LAB sindikatuak mobilizazio kanpaina jarri du abian Osakidetzan lan-ordutegia ez luzatzeko eta aparteko ordainsariak ordaintzeko aldarrikatuz. “Ez jolastu nire lan-ordu eta soldatarekin. Osakidetza publiko eta gardena” lemapean egingo diren ekimen ezberdin lehena burutu zen atzo Santiago ospitalean.
LABek abenduaren 1ean Kontseiluak deituriko “Euskaraz bizi nahi dut” manifestazioan parte hartzeko deialdia luzatu du
LABek, sindikatuko Euskara idazkari eta enpresa delegatu ezberdinen eskutik, lan mundua euskalduntzeko nazio estrategia bat eraiki beharra dagoela aldarrikatu du gaur prentsaurrean. Adostasunean eta akordioetan oinarrituko dena, eta langile mugimenduak paper aktiboa izango duena.