2024-03-05
HomeZerbitzu PribatuakMerkataritzaSaltoki Handietako Estatu mailako hitzarmenak soilik patronalaren interesei erantzuten diela salatu eta...

Saltoki Handietako Estatu mailako hitzarmenak soilik patronalaren interesei erantzuten diela salatu eta Euskal Herrirako negoziazio marko propioa aldarrikatzen du LABek

Gaur, urtarrilak 31, goizaldeko 2’30tan Saltoki Handietako hitzarmen estatalaren aurreakordioa sinatu da sektoreko patronalaren (ANGED) eta FASGA eta FETICO “sindikatuen” artean. LABetik, beti aldarrikatzen dugun moduan, Euskal Herrirako negoziazio marku propioa exijitzen dugu, non gure eremuaren errealitatea isladatzen den, ezen Madrilen antzezturiko parodiatik —bakarrik Patronalaren interesei erantzuten diona— ezer ezin baitugu espero.

Guk gure eskubideen aldeko borrokan jarraituko dugu. Ez gaude inposizioak onartzeko prest, iada baditugun eskubideak defendatzen eta dagozkigunak lortzearen aldeko borrokan jarraituko dugu.

Estatu espainolak eta bere patronalak langileon eskubide guztiekin amaitzea erabaki dute. Beraz haiei loturik segitzea gure buruaz beste egitea da.

Alternatiba egon badago, eta posiblea da. Euskal Herriak eta bertako langileok hitza eta erabakia izan behar dugu, eta gure eskubideak bermatuko dituen marko propioa lortu.

Honengatik guztiagatik mobilizatu gara gaur, eta aldarrikapen horri eutsiko diogu aurrerantzean ere. 

 

LAB SAREAN
{module[111]}

    

AZKEN ALBISTEAK | ĂšLTIMAS NOTICIAS

LABek Munduko Federazio Sindikalak Sao Paulon egindako Kontseilu Presidentzialean parte hartu du

Pasa den asteburuan Munduko Federazio Sindikalaren Kontseilu Presidentziala egin zen San Paolon, Brasilen. Munduko Federazio Sindikala 1945 urtean sortutako elkartea da. 133 herrialdetako 105 milioi langile inguru ordezkatzen ditu. Kontseilu Presidentziala bere zuzendaritza gune nagusia da, kontinente desberdinetako 50 kidek osatutakoa.

Lan eta bizi baldintzak ez dira hobetzen eta prekaritateak egiturazkoa izaten jarraitzen du

Araba, Nafarroa, Gipuzkoa eta Bizkaian 141.582 langabe daude; beraz, pasa den urtetik %2,13a jaitsi da langabezia Hego Euskal Herrian. Enplegua, ordea, sektore prekarioetan sortzen ari da, lan baldintza prekarioekin eta egoera zaurgarrian dauden herritarren bizitzetan inpaktu zuzenagoa eraginez. Hego Euskal Herrian, 25 eta 64 urte arteko bi herritarretik bat prekaritate egoeran bizi da, enplegua izan arren, bizitza duina bermatzeko diru-sarrera nahikorik gabe.

San Juan de Dios ospitaleko langileek elkarretaratzea egin dute Iruñean, hitzarmenaren negoziazioa blokeatuta dagoela salatzeko

San Juan De Dios Ospitaleko enpresa batzordeak elkarretaratzea egin du Iruñean, Osasunbidearen egoitzaren parean, Oliveto kondearen kalean. 2023-2024 hitzarmen kolektiboaren negoziazioaren egoeraren berri eman dute. 2023ko abenduan, Grupo Independiente eta LABek osatutako enpresa-batzordeak, negoziazio-plataforma aurkeztu zuen, eta abenduaren 15ean mahaia eratu zen, urtarriletik aurrera negoziazioari ekiteko.