2026-11-16
HomeUncategorizedInposiziorik ez! Euskal Herriak Euskal Sektore Publikoa! Negoziazioa orain!

Inposiziorik ez! Euskal Herriak Euskal Sektore Publikoa! Negoziazioa orain!

LABeko 160 ordezkarik euskal sektore publikoa garatzeko estrategia zehazteko batzarra, eta ondoren Lakuako egoitzaren aurrean kontzentrazioa egin dute gaur EAEko Mahai Orokorraren benetako negoziazioa ireki dadin exijitzeko.

Gogoratu beharra dugu hilaren 11n dagoeneko Eusko Jaurlaritzan Mahai Orokorraren bilera deitzeko eskaria sartu genuela, eta gaur egun oraindik ez dugula erantzun ofizialik jaso. Bestelako bideetatik iritsi zaiguna zera da, hamabost egun barru bilera deitzeko asmoa omen duela EAJren gobernuak, baina bestalde negoziaziorako tarte eskasa onartuz ordea, errua indarrean dagoen marko legalari botaz.

Medioetatik ere jakin izan dugu Urkulluren kabineteak Euskal Herriko hiru probintzietarako murrizketak besterik ez dituela aurreikusten: Gabonetako ordainsaria, ber-ordainketa sanitarioa, ordezkapenak mugatzea, administrazioak argaltzea… Beraz Gasteizko parlamentuan aurkeztuko dituen aurrekontuak berriro murriztaileak izango direla garbi utzi du. Aurrekontuak aldez aurretik alde sozialarekin negoziatu nahi ez izanak ere Mahai Orokorrak izango dituen mugen beste zantzu bat ere bada beraz, beste inposizio propio bat alegia.

Hori dela eta, LABek dei argi eta zehatza egiten dio Eusko Jaurlaritzari: EAJk egungo marko legala mugatua dela onartzen badu, erabateko ardura du hain zuzen ere markoaren aldaketa borrokatzeko. Bide hori irekitzea da eskatzen dioguna, eta borroka horretan LAB egongo da, ezbairik gabe.

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Ikuskizun eta ekitaldien sektoreak beste bi greba egun iragarri ditu Hego Euskal Herrian, azaroaren 26an eta 27an

LABek, ikuskizun eta ekitaldien sektorean Nafarroan ordezkaritzaren %100 duen sindikatuak, EAEko beste sindikatuekin batera (Teknikariok, ESK, ELA CCOO, UGT eta CNT) bi greba egun berri deitu ditu negoziazioak desblokeatzea eta sektoreko lehen hitzarmen kolektiboa sinatzea eskatzeko. Deialdi bateratuak bi lurraldeetan partekatzen den aldarrikapen bati erantzuten dio: prekarizatutako sektore baten erregulaziorantz aurrera egitea.

Mobilizaziorako deia egin dugu, Bizkaiko Esku-hartze Sozialeko hitzarmenaren negoziazioa blokeatuta dagoelako

Hamar hilabete baino gehiagoko negoziazioaren ostean, LAB, ELA eta ESK sindikatuok aurrerapausorik ez dagoela salatu dugu, eta abenduan bi elkarretaratze eta 2027an balizko grebak iragarri ditugu, Gizardatz patronalak aldarrikapenak aintzat hartzen ez baditu.

Arabako metala borrokan: negoziazioa orain!

LAB, ELA, CCOO, eta UGT sindikatuok, Arabako metalgintzako hitzarmenaren negoziazio batzordeko kideok, plataforma bateratu bat aurkeztu dugu SEAren aitzakia guztiak saihesteko eta, behingoz, sektoreko pertsonek behar duten eta merezi duten hitzarmena negoziatzera esertzeko. SEAk, ordea, entzungor egin die langileei eta ez du hartu nahi izan sindikatuek egindako plataforma bateratua