2024-02-27
HomeNazioartea IdazkaritzaJardunaldiakLABek Porto Alegreko Gaikako Foro Sozialean parte hartu du.

LABek Porto Alegreko Gaikako Foro Sozialean parte hartu du.

Munduko Federazio Sindikalaren (FSM) Metalgintzako eta Meatzaritzako Nazioarteko Sindikatuen Batasunaren (UIS MM) Idazkaritza Nagusia duen LAB sindikatua, urtarrilaren 26a eta 31 bitartean, Porto Alegren (Brasil) egin den Gaikako Foro Sozialaren partaide izan da.

10.000 bat pertsona parte hartu dute han egin diren jardueretan, tailerretan eta konferentzietan. Hala ere, jarduera batzuk bertan behera geratu dira, joan den larunbatean, Santa Marían jazo zen tragediak (240 Brasildar baino gehiago hil ziren ezbehar hartan) eraginda.

Igor Urrutikoetxea, LAB eta UIS MM-a ordezkatuz, 3 konferentzietako txostengilea izan da, zeina “Hiri jasangarria eta lan zintzoaz”, “Garapena, lanaren balorizazioaz” eta “Demokrazia eta metalurgialarion antolakuntzaz” jardun zen.

“Garapena, lanaren balorizazioaz” egin mintzaldian, LABen ordezkariak salatu zituen Troikak eta Europako Batasunaren gobernuek gure kontinenteko langileriaren aurka darabiltzaten gizartearen aurkako neurriak; honekin alderatuz, azaldu dituzte Brasilen eta Latinoamerikako hainbat herrietan garapenari eta langabeziaren eta txirotasunaren urritzeari laguntzen ari zaizkien politiken nondik norakoak, non sektore publikoa sendotzean eta gastu publikoa handitzean oinarritzen diren.

Halaber, “Demokrazia eta metalurgialarion antolakuntzaz” egin mintzaldian metalgintzako eta meatzaritzako sektoreetan jasan ohi duten egoera zertan den azaldu da, baita laster UIS MM-k aurre egin behar izango dituen antolakuntza erronkak ere, besteak beste, 2013ko amaieran, Brasilen ere, egingo den 2. Mundu mailako Biltzarra.

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.