LABLangile Abertzaleen Batzordeak

ELA, LAB, ESK, STEE-EILAS, EHNE, HIRU, CGT eta CNT sindikatuek Herrira herri-mugimenduaren aurkako operazioa judizial, polizial eta mediatikoa arbuitzeko eta gaurdaino bezala, Herrirarekin izandako harremanei eutsiko dietela jakinarazteko agerraldia eman dute. Prentsaurrekoan mobilizazio bateratuak iragarri dituzte datorren ostiralerako, hilak 4, eguerdiko 12:00etan lantoki eta herrietan. Era berean larunbaterako deituta dagoen manifestazio nazionalean parte hartzeko deia luzatu dute. 

Tantaz tanta Euskal Presoen eskubideen alde
Tantaz tanta konponbidearen alde

Alderdi politiko, sindikatu eta erakunde sozial ezberdinok Herrira herri-mugimenduaren aurka egindako eta erabaki pokitiko baten atzetik datorren operazio poliziala arbuiatu dugu gaur Bilbon. Era berean, espainiar estatuari euskal jendarteak bidegabekeria hauekiko duen sentipena helarazteko, eta atxilotuekiko gure elkartasuna adierazteko, larunbatean, urriak 5, Bilbon izango den manifestazioan parte hartzeko deialdia luzatu nahi dizuegu euskal herritar guztiei. 

LAB sindikatuak gogor salatu nahi du gaur goizean Eloy Velasco epailearen aginduz HERRIRA-ren aurka abiatutako polizia operazioa. Lehenik eta behin, gure besarkadarik beroena helarazi nahi diegu une honetan Guardia Zibilaren esku atxilo diren Jexux Mari Aldunberri, Jon Garai, Jose Antonio Fernandez, Nagore García, Sergio Labaien, Manu Ugartemendia, Eneko Villegas, Roberto Noval, Ibon Meñika, Oscar Sanchez, Amaia Esnal, Eneko Ibarguren, Ekain Zubizarreta, Imanol Karrera, Fran Balda, Beñat Zarrabeitia, Ane Zelaia eta Gorka Gonzalezi, baita beren senitarteko eta lagun guztiei ere. Atxilotu guztiak lehenbailehen libre uztea eskatzen du LAB sindikatuak.