2024-05-20
HomeIndustriaMetalgintzaBizkaiko patronala langileon eskubideak kaskartzeko legeak ematen dizkion zirrikituak aprobetxatzeko nahian dabilela...

Bizkaiko patronala langileon eskubideak kaskartzeko legeak ematen dizkion zirrikituak aprobetxatzeko nahian dabilela salatu du LABek

LAB sektoreko hitzarmenaren defentsan eta FVEMek patronalaren jarrera salatzeko elkarretaratzea egin zuen atzo. "FVEMek benetan nahi al du sektoreko hitzarmena?" lelopean, estatu mailako hitzarmena eta lan erreforma nola aplikatu behar duten aztertzeko Bizkaiko Metaleko patronalak antolatutako jardunaldien atarian izan zen LAB sektoreko hitzarmena defendatzen jarraituko duela esateko.

LABek pasa den maiatzaren 9an EAEko metaleko hitzarmenak berritzeko proposamena aurkeztu zuen Lan Harremanetarako Kontseiluan.

Beraz, LAB Bizkaiko metaleko hitzarmena berritzeko aukera eskaintzen ari da. LABek Bizkaiko metaleko hitzarmena nahi du eta proposamen hau CEBEK berak beste sektoreetan iada onartu du (Merkataritza, Elikagaigintza…)

FVEMek, Bizkaiko metaleko patronala denak, hitzez herrialdeko hitzarmenaren alde dagoela dio baina benetan nahi al dute? Gaurkoak erakusten du ezetz. FVEMek, enpresariek estatu mailako hitzarmena eta lan erreforma nola aplikatu behar duten ihardunaldia antolatu du gaurko.

Hau da, LABek proposamena aurkeztu duen bitartean, Bizkaiko patronala legeak ematen dituen zirrikituak aprobetxatzeko nahian dabil, langileon eskubideak kaskartzeko asmo bakarrarekin.

Eta Eusko Jaurlaritzak zer esan behar du honen aurrean? Jarraituko al diote sostengua ematen?

Beraz, Bizkaitar guztientzat metaleko hitzarmena lortzea posible da. Patronalak ez du nahi, LABek ez die utziko. Sektoreko hitzarmena defendatzen jarraituko du. Gaurko mobilizazioa horren adierazgarria da.
 

 

 

AZKEN ALBISTEAK | ÚLTIMAS NOTICIAS

00:01:52

Rafahko sarraskiaren eta palestinar herriaren aurkako genozidioaren aurka atera gara kalera

Eguerdian elkarretaratze jendetsuak egin ditugu Hego Euskal Herriko hiriburuetan, S.O.S. Rafah. Genozidioa STOP lelopean, gehiengo sindikal zabalak deituta.

Lantegiz lantegi zabaldu dugu Palestinan genozidioa geldiarazteko aldarria

S.O.S. Rafah, genozidioa STOP lelopean gaurko deitutako ekimenen baitan, Euskal Herriko hainbat eta hainbat lan-zentrotan palestinar herritarrekiko elkartasuna zabaldu eta Israelek aurrera daraman genozidio ankerra berehala geldiarazteko exijitu dugu.

Langileek baztertu egin dute Bilbobusen UGTk, CCOOk eta USOk babestutako aurreakordio eskasa eta borrokari berrekin diogu

Aldarrikapen funtsezkoetakoa zena ere ez zuen jasotzen asteon iragarritako aurreakordioak, hau da, soldatak KPIari lotzearena. Hala, erabakia atzo langileen asanbladara eraman ostean, aurreakordioari ezezkoa eman zioten langileek (287 boto ezezkoaren alde; 249 baiezkoaren alde). Hala, batzordearen gehiengoaren iruzurrari gailendu gatzaizkio langileok.