2026-06-18
Blog Page 1190

Osakidetzako sindikatuok mobilizazio agenda berriari ekin diogu

admin
-
0
Osakidetzako sindikatuok mobilizazio agenda berriari ekin diogu

Osakidetzako Mahai Sektorialean gauden sindikatuok eta ESK-k (ordezkaritzarik ez daukana Mahaian) mobilizazioekin aurrera jarraitzeko akordioa eskuratu berri dugu. Egia esan, ez da batere erraza izan. Prentsara filtratu zen notiziak ez du lagundu sindikatuon arteko konfidantza sustatzen: antza, Osakidetzak beste sindikatuekin egiten dituen aldebiko bileretan mobilizazioak eta hauteskunde esparruen kontua mahai gainean ipini omen ditu… Giro horretan, ezadostasunak handiak izan dira, bai helburuak definitzeko orduan, baita mobilizazioen agendarekin ere.

LABen postura honakoa izan da:

• Mobilizazioekiko benetako inplikazioa eskatu sindikatu GUZTIEN aldetik, medikuak ere bai.
• Osakidetzarekiko aldebiko bilerei boikot egiteko deia. Batasun sindikala arriskuan jarri, gure indarra ahuldu eta Osakidetzaren posizioa indartu baino ez dute egiten.
• Helburuen definizio zehatza: bermea EPE kategoria guztientzat izango dela; 1592 orduko lanaldia eta kanosoak literalki agertu. Proposatu genuen aurrejubilatzeko neurriak ere eskatu behar genituela, eta IT-arena sartu. Proposamen hauetako batzuk atzera bota zizkiguten.
• Mobilizazio errealistak eta jendea erakartzeko modukoak. Proposatu genuen hauteskunde politikoak baino aste batzuk lehenago egun bateko greba eta mobilizazioa deitzea. Ekimenak denboraz landu behar dira, langileekin hitz egiteko epe nahikoekin.
Azkenean, hauxe da adostu den MOBILIZAZIO FASE BERRIA:
ALDARRIKAPENAK:

• 2015. urterako 3000 lanpostutik atera behar den EPE baten negoziazioa hasi, Osakidetzako kategoria guztietako lan egonkortzea bermatuko duenak.
• Langile bakoitzak aurreko lan jardunaldia eta baimenak berrezkuratu ditzala, behar diren mekanismoak martxan jarri.
• Langileen ordezkapenak egoera guztietan eta lehenengo egunetik egin.
• 2011ko Garapen Profesinalaren deialdiak konpondu.

MOBILIZAZIO EGUTEGIA:

OTSAILAREN 9 – 13ko ASTEAN:

– Langileen artean “Kalitatezko Astea”ri buruz orri hirukoitz bateko banaketa zabala.
– Osakidetzako langileen artean sinadura bilketa, beranduago Jon Darpon, Osasun Sailburuari, helarazteko.

OTSAILAREN 16 – 22ko ASTEAN:

– Kalitatezko Osasun Zerbitzuaren aldeko Astea.

• Ospitaletan erabiltzaileen artean sinadurak biltzeko mahaiak ipiniko dira, kalitatezko zerbitzua eskatuz.
• Arabako Ospital batean konzentrazioa

MARTXOAREN 5ean Tolosan, Konzentrazioa.

MARTXOAREN 12an, Osakidetzako Ospitale batean 24 orduko itxialdia.

APIRILAREN 18an, Manifestazioa Bilbon.

APIRILAREN 29 eta 30an, Osakidetzan Greba Orokorra.
 

 

 

Auzitegi Gorenak Bizkaiko Metalgintzako hitzarmenaren indarraldia berretsi du

admin
-
0

Auzitegi Gorenak ez du onartu FVEM-ek, hau da, Bizkaiko metaleko patronalak, aurkeztutako helegitea eta, honela, 2001-2003ko eragin orokorreko metalgintzako hitzarmena berresten zuen EAEko Auzitegi Nagusiak emandako ebazpena irmoa egin du. Epai honek, beraz, LABi arrazoia eman dio.

Zalantzarik gabe, albiste on bat da Bizkaiko metalgintzako langileentzat, honela Langileen Estatutua zein gainerako estatu mailako legedia saihestu delako, baita kontratazio berrientzat ere.

Halaber, ebazpen hau FVEM-entzat kolpe larria da, jakina baita FVEMek hitzarmen kolektiboen desagerpenaren mehatxua erabili duela lan baldintza okerragoak ezartzeko eta gure herriko ekonomiaren motorra den metalgintzako sektorea desarautzeko.

LABek, aurrerantzean ere, lan merkatu arautu baten beharra aldarrikatzen jarraituko du, Euskal Herriarentzat berezko lan harreman eredu baten mesedetan. 

 

 

 

Eroskik Bzero zerbitzua saltzeak 70 lanpostu kolokan jartzen ditu

admin
-
0
Eroskik Bzero zerbitzua saltzeak 70 lanpostu kolokan jartzen ditu

Bzero enpresako LABek prentsaurrekoa eskaini zuen atzo Eroskik zerbitzua lehiaketa batean ateratzearen erabakiaren aurrean duen jarrera azaltzeko. Eroski Bzero enpresako bezeroa izaten jarraitzen ez badu (bezero nagusia da) enpresan dauden beste zerbitzuekin aurrera egitea ziurrenez ez litzateke bideragarria izango (beste bezeroak: Vocento eta Caprabo), horren ondoria 70 pertsonek beren bizibedea galduko luketela suposatzen du.

Eroskiko ordezkariekin hitz egin ahal izatea nahiko genuke, horretarako deia luzatzen diegu, beren erabakiek geure bizibidean eragina dute eta beraiek esatekoa duguna entzutea nahi dugu. Beren isiltasunean jarraitzen badute Bzeroko langileak geure ahotsa entzunarazteko mobilizazio ezberdinak egingo ditugu.

2004ko irailean Eroskiko Bezeroaren Arretarako Zerbitzuak bere ibilbidea hasi zuen Bzero Marketing Integral S.L. enpresan, zerbitzu hori zabalduz joan da eta orain hainbat zerbitzu dira: Eroskiko Kontsumitzailearen Arretarako Zerbitzua, Eroski On Line Erosketako Bezeroaren Arretarako Zerbitzua, Eroski Movil-eko Bezeroaren Arretarako Zerbitzua, Forum Sport-eko Bezeroaren Arretarako Zerbitzua, Kuota Bazkideen Arretarako Zerbitzuak, Hornitzailearentzako Informazio Zerbitzua eta hoiekin erlazian duten haibat kanpaina. Zerbitzua bai telefonoz bai posta elektronikoz ematen da. 2012, 2013 eta 2014 urteetan zerbitzu horrek urteko Bezeroaren Arretarako Zerbitzurik onenaren sari jaso du eta Eroskik hori bere ezaugarri eta lorpen bezala nabarmendu du.

2014ko amaieran, azaroan, Eroskik zerbitzu hoiek lehiaketan batetan ateratzea erabaki duela ezagutu genuen. Momentu horretan Bzeroko enpresa batzordean ordezkaritza duten sindikatuen aldetik Eroskirekin harremanetan jarri ziren zerbitzu hoiek urtetan aurrera atera dituzten, emaitza onekin gainera, langileei buruz zein asmo dituzten jakiteko, hasieran hitz egin nahi dutela adierazten dute baina agenda arrazoengatik 2015eko urtarrilera arte atzeratzen dute. Baldintza-agirian subrogaziorako eskubidea errespeta dadin eskatzeko asmoa duten jakin nahi izan dugu baina estatu mailako Contact Centereko Hitzarmenera igortzen gaituzte, hitzarmen horretan ez da subrogazio eskubiderik jasotzen. Eroski beti ari da bere bezeroekin, bertako ekoizleekin, bertako iraukortasunarekin duen konpromezuari buruz hitz egiten baina geure kasuan Madrilen egiten den hitzarmen batetara igortzen gaitu. Eroskirekin elkartzeko saiakerak egiten jarraitu arren ez dugu erantzunik jaso.

Eroski Bzero enpresako bezeroa izaten jarraitzen ez badu (bezero nagusia da) enpresan dauden beste zerbitzuekin aurrera egitea ziurrenez ez litzateke bideragarria izango (beste bezeroak: Vocento eta Caprabo)., horren ondoria 70 pertsonek beren bizibedea galduko luketela suposatzen du. Subrogazio ezkubidea izan ezkero (Eroski plataforman lan egiten duten pertsonak 33 eta 37 tarte horretan daude, batzuk aldika bakarrik egiten dute lan) enpresan lan egiten dugunon ia lanpostu erdiak mantenduko genituzke, baina besteek kolokan jarraituko lukete.

Bere zerbitzua lehiaketan ateratzea Eroskik hartutako erabakiak ekarri dituen ondorioei buruz Eroskiko ordezkariekin hitz egin ahal izatea nahiko genuke, horretarako deia luzatzen diegu, beren erabakiek geure bizibidean eragina dute eta beraiek esatekoa duguna entzutea nahi dugu. Beren isiltasunean jarraitzen badute Bzeroko langileak geure ahotsa entzunarazteko mobilizazio ezberdinak egingo ditugu.
 

 

 

LABek ordezkaritza handitzen jarraitzen du EITBn, EITBNETen bi ordezkari berri lortuta

admin
-
0

Gaur otsailaren 11n EITBNETen hauteskunde sindikalak egin dira, EITBn Internet zerbitzuez arduratzen den lantokian. M4Fko kontratako lankideak sententziaz EITBNETeko langile bilakatu direnez plantilla handitu da eta ordezkari batetik hiru ordezkari sindikal izatera pasatu da EITBNET. Hauteskunde partzialak egin dira bi ordezkari berri aukeratzeko, eta biak LABekoak hautatu dira. Beraz EITBNETeko hiru ordezkariak LABekoak dira.

Parte hartzea %77koa izan da. Lehen hautagaiak bozken %85a jaso du, eta bigarrenak %71. Emaitza honek langileek ematen duten beste babes eta bultzada garrantzitsu bat suposatzen du LABeko sail sindikalak EITBn egiten duen lanarentzat.
 

 

 

Esplotatzaileen aurka eta gazteen lan eskubideen alde, ekin borrokari!

admin
-
0
Esplotatzaileen aurka eta gazteen lan eskubideen alde, ekin borrokari!

LAB eta ERNAI gazte antolakundearen aliantzaren baitan “Gazteontzako Lan Eskubideen gida” aurkeztu genuen gazteek ditutzen lan eskubideak ezagutu eta aldi berean borroka tresna gisa erabiliz ukatuak zaizkigun eskubideen aldeko borroka indartu eta bestelako eredu sozioekonomikoa eraikitzeko. Gaur, urrats berri bat emanez, Donostian elkartu gara "Esplotatzaileen aurka ekin borrokari!" lelopean egingo diren lehen mobilizazioan. Bihar Gazteizen dugu hitzordua.

Krisiaren aitzakipean aurrekaririk gabeko erasoak jasaten ari da euskal gazteria. Besteak beste lan baldintzen okertuz, ikasteko zailtasuna areagotuz edo politika sozialetan murrizketak aplikatuz langile klasearen prekarietate egoera betikotu nahi dute. Egoera larri honen aurrean unea da dagozkigun eskubideen berri izan eta norabide berean bultzatzeko.

{linkr:related;keywords:ernai;limit:5;title:Albiste+gehiago}

 

 


LABek gezurtatzen du, asteburuan Tafallan jazotako ustezko liskar batzurekin erlazionatuz argitaratutako informazioa

admin
-
0

LABek guztiz gezurtatzen du sindikatu honi erreferentzia eginez zabaldutako informazioa. Guardia Zibilaren iturriak aipatuz komunikabide desberdinetan jasoak izan diren ustezko gertaera horietan ez da LABeko abokaturik inplikaturik egon.

Aipatu informazioa zenbait hedabideren aldetik inolako kontrasterik egin gabe hedatu izana larria da, areago, LAB sindikatuak beti ateak irekita dituenean ezein informazio kontrastatu nahi duen ororentzat. Kritikaz eta kezkaz hartzen dugu aipatu hedabideek kalitatezko edozein jarduera informatibo bermatzeko eta medioaren seriotasuna eta lan informatiboa ziurtatzeko ezinbestekoa den oinarrizko printzipio honi bizkar eman izana. Komunikabide horiei eskatzen diegu egiazkoa izan ez den informazio guztia zuzentzeko. 

LAB sindikatuaren izena gisa honetako gertaerekin nahasi nahi izana ez da kasualitatea. Intentzionalitate politikoa ikusten dugu honen atzean. Egozten zaizkigun arduren larritasuna aintzat hartuta, ez dugu baztertzen honen aurrean neurriak hartzea, eta prozedura legalak abiatzea. 
  

 

 

Lourdes: “LAB feminismoaren aldeko lana egiten duen sindikatua da”

admin
-
0
Lourdes: “LAB feminismoaren aldeko lana egiten duen sindikatua da”

Lourdesek zortzi urte daramatza Osakidetzan lanean era behineko batean. Denbora honetan bertako langileek era askotako murrizketak jaso dituztela argi ikusi du; ez hori bakarrik, honek osasun zerbitzuaren eskaintzan izan duen eragina. Egoera honi buelta emateko erreferentzia nagusia LABengan aurkitu du.
 

 

 

«Soldatak igotzeko momentua da, sortzen den aberastasuna egokiago banatuz»

admin
-
0
«Soldatak igotzeko momentua da, sortzen den aberastasuna egokiago banatuz»

Gaur medioen aurrean izan dira Ainhoa Etxaide, LABeko idazkari Nagusia eta Garbiñe Aranburu, Negoziazio kolektiboko eta Ekintza Sindikaleko Idazkaria soldaten kontrako azken erasoaren aurrean LABek egiten den irakurketa plazaratu eta martxan jarriko duen estrategiaren berri emateko.

Lehenik eta behin, Patronalaren hitzak gezurtatuz, soldatak “jeitsi” egin direla azpimarratu du Etxaidek, bai sektore publikoan eta baita sektore pribatuan ere. Patronalak esku artean dituen tresna guztiak erabili ditu soldaten kontra egiteko: kaleratzeak, soldatak izoztea, gaurkotu gabe utzi dituzte hitzarmenak, denbora osoko kontratuak kontratu partzialekin ordezkatzea, lanaldiak luzatzea… Guzti honen ondorioz gero eta diru gutxiago dago herritarren esku.

Etxaideren hitzetan egoera honen atzean “erabaki politiko injustoak” daude. Are gehiago erabaki “txarra” dela deritzo, honela ez baitira ari ekonomiak behar dituen konponbideak eraikitzen. Alderantziz “soldatak igotzeko momentua da”, horregatik soldaten eta enpleguaren defentsa lehen mailako borroka izango dira LABentzat. Lantokietan borroka egongo du, baina bide judiziala ere jorratuko du, soldatak murrizteko oinarri judizialik ez dagoelako.
 

 

Hezkuntza Sailak eta Mutualiak haurdun dauden emakumeak diskriminatzen dituzte

admin
-
0

LAB Irakaskuntzako lan-osasuneko arlotik, haurdunaldiko arriskuagatiko prestazioen eskarietan, onartzen ez diren kasu ugari detektatu ditugu. Kontraste bat egin dugu eta datu batek harritu gaitu: proportzioan, ez-onartze hauek gehiago ematen dira ordu gutxiko kontratuetan. Gehiago harritu gaitu baztertzearen arrazoiak. Normalean honetan oinarritzen da: “ez dira lanpostuan haurdunaldiagatiko arrisku espezifikoak kreditatzen, ordu gutxitako karga”. Onartu beharra dugu esposizio denbora eta arriskuaren arteko harremana kontuan hartzen den faktorea dela, arrisku-maila neurtzerakoan.

Hor dator dilema, eta modu errazean azaldu nahi dizuegu. Hezkuntza Sailean lanetik eratorritako arriskuen aurrean amatasuna eta edoskitzaroa babesteko adostutako protokoloa dago. Bertan jasotzen dira helburua, eremua, definizioak, amatasunaren babesa, jarduera-prozedura… Bere laugarren puntuan (amatasunaren babesa) aipatzen du: “Lan Arriskuen Prebentziorako Legearen 26. Artikuluak, amatasunaren babesari dagokionez, zehazten du arriskuen ebaluazioak bere gain hartu beharko dituela haurdun edo berriki erditu diren langileen esposizioak langileen edo fetoaren osasunean modu negatiboan eragin dezakeeen edo arrisku bat izan daitezkeen edozein jardueraren esposizioaren izaera, gradua edo iraupena”. Hau da, arrisku bakoitza metodologia zehatz batekin ebaluatu behar da. Ondorioa lanpostua egokitzea izango da, kasu honetan gauzatzen ez dena. Geratzen den aukera bakarra arriskuagatiko prestazioa da.

Gure kasuan, kanpoko enpresa batek egin dituen ikastetxeen eta lanpostuen arriskuen ebaluazioak ditugu. Ebaluazio hauek neur daitezkeen alderdi batzuk islatzen dituzte, lan-kargak, gorputzaren jarrerak… Haurdun dagoen emakume batek bere egoeraren berri ematen digunean erreferentziazko protokolora jotzen dugu eta ebaluazio espezifikoa eskatzen dugu bere egoerarako. Argitu nahi dugu bigarren ebaluazio hau saileko teknikariek egiten dutela. Hauek aztertu ditugu eta gure ustez lanpostuaren deskribapen soilik besterik ez dira, haurdun dagoen emakumearen atazak kontatuz, arrisku maila ez neurri zuzentzaileak zehaztu barik.

Oinarrizko ebaluazioak, ikastetxearenak eta lanpostuarenak neurtzen ez baditu, zaila da teknikari batek egindakoa urrunago heltzea.

Mutualitatearekin batzartu gara eta honek onartu du aurretiko ebaluazioa osatuta ez badago, espezifikoak zailtasunak izango ditu osorik agertzen. Eta hortik dator gure kezka. Bueltatu gaizen prestazioa ukatzen duen justifikaziora: “ez dira lanpostuan haurdunaldirako arrisku espezifikoak kreditatzen, ordu gutxitako karga”.

Ebaluazioak inon jasotzen ez badu ez dagoela arriskurik, neurtu ere egiten ez baditu, esaldiaren lehen zatia baliorik gabe geratzen da, beraz bigarren atala aztertuz ezin da justifikatzailea izan ordu gutxitako karga, arriskurik ez egotea baizik.

LABetik azken honek kezkatzen gaitu arriskuan jartzen duelako, batetik, pertsonaren osotasun fisikoa eta bestetik, berdintasun printzipioaren aplikazioa. Honen ondorioa kolektibo batekiko diskriminazio argia da, emakumeek osatua eta kontratu prekarioduna. Azpimarratu nahiko genuke diskriminazio horren erantzuleak Hezkuntza Saila eta mutualitatea, gure kasuan Mutualia, direla.
 

 

 
1...1,1891,1901,191...1,627Page 1,190 of 1,627

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus