2024-02-24
HomeZerbitzu PribatuakIkuskizun eta kirol aretoakLanpostuak mantentzea eta Bretxako zineak Donostian geratzea exijitzen dio LABek Ocine enpresari

Lanpostuak mantentzea eta Bretxako zineak Donostian geratzea exijitzen dio LABek Ocine enpresari

Krisiaren ondorioak berriro ere langileriak ordain ditzala nahi dute tamalez, oraingoan Oncine enpresak arrazoi ekonomikoetan oinarrituz aurkeztutako EREaren bidez Bretxako zineetan dauden 15 langileen kontratuak deuseztuko ditu.

Bretxako kontzesionarioak, fondo aleman batek, ez du Bretxako merkatal gunea behar bezala kudeatu, hustu egin du, basamortu bihurtu, Donostiak nahi eta behar duen merkataritza eredutik hurrun dagoen eredu bat inposatu nahi izan du, Zara, Corte Ingles,.. edo horrelako kate haundi baten esku guztia utziz. Honek merkatari txikien kontrako eraso zuzen bat izateaz gain, kalitatezko ehundaka lanposturen suntsitzea ekarriko luke. Gutxi batzuen aberastasuna bilatzen duten eta langileriaren lan baldintzak okerragotzen dituzten Merkataritzako kate haundiei laguntza ematea bultzatzen duen ereduaren aurka azaltzen da LAB Sindikatua.

Era berean, ez gaude prest PPk bankuekin egin bezala, diru publikoarekin enpresa pribatuak erreskatatzea. Baina era berean Ocine enpresari eskatzen diogu Bretxako kontzesionarioak ezartzen dion alokairua ordaintzeko arazoak badauzka, udaletxeak beste toki bat bilatzeko eskainitako laguntza onartu eta arrazoizko alokairu baten truke eta lanpostuen mantentzea bermatuz, Donostian gera dadila.

Ezin dugu ahaztu urte askotan zehar Ocinek Bretxako alokairua ordaindu duela eta Bretxan egon ahal izan dela, baina krisia, PPk egindako BEZaren igoerak eta kontzesionarioak ezarritako alokairu altuak izan dira nagusiki arrazoi ekonomikoetan oinarritutako EREa aurkezteko arrazoia.

Zineak Donostian geratzea eta lanpostuak mantentzea nahi dugu. Horregatik, Ocine enpresari arduraz jokatu eta arazoa konpon dezala eskatzen diogu, 15 langileen lanpostuak bermatu eta enpresaren aukera ekonomikoen araberako toki berri batean kokatuz.

Ez dugu kaleratzerik egotea nahi, zineak Donostian geratzea nahi dugu, Bretxan edo beste toki batean.

 

 

 


AZKEN ALBISTEAK | ÚLTIMAS NOTICIAS

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.

Bizkaiko grafikagintzako patronalak atzerapauso gehiago dituen proposamena egin berri du

Otsailaren 22an, Bizkaiko grafikagintzako hitzarmeneko bederatzigarren negoziazio bilera egin da. Patronalak proposamen berri bat aurkeztu du, aurretik aurkeztutakoak baino baldintza txarragoekin honeko edukietan: iraunaldian, soldata igoeretan eta oporretan. Era berean, atzerapausoak mantentzen jarraitzen dute honako gaietan: lanaldiaren banaketa irregularrean, antzinatasuna, aldi baterako ezintasunen osagarriak, etab.

Mecanerreko trantsizio ekosozialerako plana aurkeztu dugu

Enpresa-batzordean gehiengoa dugun LAB eta ESKk enpresaren trantsizio-planaren jendaurreko aurkezpena egin dugu Urdulizko Kultur Etxean. Enpresaren itxiera saihesteko eta haren etorkizuna ziurtatzeko egindako txostena eta trantsizio ekosozialerako proposamenak ezagutarazi ditugu. Plana enpresa batzordeak egin du Garua kooperatibaren eskutik, eta Urdulizko Udalaren laguntza izan du.