2025-12-26
Blog Page 1189

Irailean langabezi tasak gora egin zuen berriro ere; batez ere gazteen artean

admin
-
0

Iralian, Hego Euskal Herrian erregistratu den langabezia 215.743 pertsonakoa izan da, abuztuan baino 353 gehiago. Igoera hau langabeziaren bilakaeran bigarran gorakada izan da udako kanpaina ostean.

Igoera hau bereziki nabarmena izan da gazteen artean (25 urtetik berakoak), hegoaldeko lan bulego publikoetan 1.180 gazte gehiago erregistratu dira, aurreko hilabetearekin aderatuz, hau da %7,7ko igoera bat. Igoera emakumeen artean ere nabaritu da (%0,6 gehiago), aldi berean gizonezkoen artean behera egin du (-%0,3).

Bestalde, krisiaren iraunkortasuna, iraupen handiko langabeziaren igoera eta Gobernu zentralak langabiziagatik jasotzen den babes sisteman egin dituen murrizketak babes tasaren beherakada etengabea dakar.

Gaur egun, Hego Esukal Herrian, langabezian dauden pertsonen %49,4ak baino ez du langabezi-prestazioa jasotzen (%30,1 kontributiboa eta %19,3a asistentziala). Duela urte bete babesa langabezian zeuden pertsonen %54,8ari iristen zitzaion.

Prestazioak jasotzeko baldintzak gogortzeaz gain, PPren gobernuak —hauteskundeetako programan esandakoaren kontra— neurriak hartu zituen bere kopurua jeisteko. Honen ondorioz, ordaintutakoaren araberako prestazioaren
kopuruaren batazbestekoa %4 murriztu da azken urtean, eta %6 2012an murrizketa horiek onartu zirenetik.

Zentzu honetan onart ezina da ikustea, nahiz eta pobrezi egoerak okerrera egin etengabe eta langabeziaren aurrean dugun babes falta nabarmena izan, 2015eko aurrekontuetatik langabezi prestazioetarako bideratuko den zuzkidura 2014ko aurrekontuetakoa baino %15% gutxiago dela.

 

 

 

Iruzurrik ez! Nafarroan euskaraz bizi nahi dugu!!

admin
-
0

Vascuenceren Legeak 28 urte betetzear den honetan, Mari Carmen Otxoak, PSN-ko Parlamentariak “legea bidezkoa ez dela” aitortu eta beronen aplikazioak sortzen duen “injustizia” salatu du. Iritzi aldaketa, jarrera lotsagarria edo kalkulu elektorala?

Nafarroan Vascuenceren Legea onartu zenetik diskriminazioa, demokrazia eza, justizia falta, hizkuntza eskubideen urraketa… nagusitu da; 1986.urtean Vascuenceren legea onartu eta 28 urteetan iraunarazi dutenak egoera horren erantzule politikoak dira. Lege horrek euskararen berezko garapenari galga jarri dio, zonifikazioak bizitokiaren araberako desorekak sortu zein elkarbizitza eragotzi du eta euskararen normalizazio bidean ezer ez egitea ahalbidetu du. Hau da, euskararen normalizazioari muga estrukturalak ezarri dizkio.

Prentsa-ohar honen bidez, LAB sindikatuak aukeraz eta arriskuz beteriko egoera baten aurrean gaudela ohartarazi nahi du.

Batetik, euskara, Nafarroako berezko hizkuntza dela aldarrikatzen dugu; zentzu horretan, lehentasunezkoa zein ezagutu beharrekoa behar du izan eta, horretarako, Nafarroa osoan euskara ofiziala izatea ezinbestekoa da. Vascuenceren Legeak euskararen garapenari zein normalizazioari egiturazko oztopoak besterik ez dizkio eskaintzen, ez du ahalbideratzen euskararen normalizazioa.

Bestetik, euskal herritar gisa, hizkuntza eskubideen jabe garela ohartarazi nahi dugu (gure eskubidea da euskara ikasi, erabili eta transmititzea). Vascuenceren Legeak, zonifikazioaren bidez, hizkuntza-eskubideak herritarra bizi den eremuaren araberakoa izatea ezartzen du. Hizkuntza-eskubideak giza-eskubideak direla esan beharrik ez dago eta ondorioz, herritarrari dagozkio eta ez hizkuntza-eremuari.

Era berean, eskubideak bermatu beharrekoak direla ozen esan nahi dugu. Eskubideak ez direla aukerazkoak eta instituzio zein zerbitu publikoek eskubideok bermatu behar dituzte. Hortaz, eztabaida ez da nork ikasi nahi ote duen euskara, baizik eta nola bermatzen zaion nafartar guztiei euskaraz ikasteko eskubidea.

Azkenik, Vascuenceren Legeak irakaskuntzari ez ezik, gure eguneroko bizitzaren esparru zabalari eragiten dio (komunikabideak, irakaskuntza, lan mundua, administrazioa, aisia…) eta euskaraz bizitzeko eskubidea ezinezko bilakatuz.

Hori dela eta, honako bi eskaera:
• Batetik, aldaketaren aldeko gehiengo sozialari: Nafarroan benetako aldaketa egon dadin, Vascuenceren legea derogatzea ezinbestekoa dela deritzogu eta bide horretan indarrak bildu, kalera atera eta akordioak egitea.
• Bestetik, iruzur berriak prestatzen ari direnei: Naparren gehiengoak aldarrikatzen duen aldaketari ateak ireki eta, benetazko aldaketa izan dadin, Vascuenceren legea derogatzearekin batera, euskarari Ofizialtasuna aitortzea Nafarroa osoan.

 

 

 

30 dira jadanik Euskal Herrian lan istripuan bizia galdu duten langileen kopurua

admin
-
0
30 dira jadanik Euskal Herrian lan istripuan bizia galdu duten langileen kopurua

Elorrioko Metal Smelting empresan —lehen San Eloy Fundaciones zena— izandako laneko heriotz istripuaren aurrean gure solidaritate eta sostengu guztia adierazten diegu familia eta lagunei, baita enpresa honetako langileei ere. Honekin batera dei egiten diegu langileek deitutako mobilizazio guztietan parte hartzera.

Laneko heriotz istripu hau ekidin zitekeen dudarik gabe. Eszenatoki hau da, non langileen lan baldintzak prekarioak diren, soldatak behera doazen eta langileen segurtasuna eta osasuna ziurtatzeko enpresek egiten duten inbertsioa falta nabarmenak den, ondorio larri hauek ekarri dituena.

Ezin dugu ahaztu 2012an sartu zela Fundaciones San Eloy enpresa hartzekodunen konkurtsoan gestio txarraren ondorioz eta 2013ko uztailean honen likidazioaren ostean Metal Smelting enpresak erosi zuela. Enpresaren bideragarritasuna bilakatzen denean prioritate eta hau ekonomikoa eta enpresaren benefizioen arabera bakarrik neurtzen bada langileen eskubideak eta segurtasun eta osasun neurriak zein izango diren bermatu gabe; garrantzitsuena bada kostu minimo batekin aktibitate produktiboa martxan jartzea aldez aurretik enpresa honetako aktibitateen, automoziorako fundizioa, prebentziorako planifikaziorik egin gabe, ezin da esan honelako heriotz istripuak gerta ezin zirenik. Langileen artean dagon kaleratu izan edo lanpostua galtzeko beldurrak edozein motako salaketak egitea, kejak plazaratzea edo lanketa sindikala burutzea oztopatzen duenean, emaitza honako hau da.

Ardura guztiak argitu daitezela exijitzen du LABek eta arduradunei eskatzen diegu prebentziozko neurriak jar ditzatela martxan hau berriro ere gerta ez dadin. Horrez gain, gai honen inguruan eskumenak dituzten administrazio publikoei eskatzen diegu ezer egin gabe gera ez daitezen. Hare larriagoa dena, badirudi zeozertan ari direla baina ez dute deus ere egiten.

Ez da adierazpenak eta elkarrizketa sozialerako momentua, lan istripuak eta bestelako heriotzak ekiditeko neurriak hartzeko garaia da. Eta lan harremanetarako eredu estatal honetan enpresa eta makroan hartzen ari diren neurriak langileen eskubideen aurka doaz, eta lan baldintzei eragiten die zuzenean, honi gehitzen badiogu enpresetan dagoen prebentzio eza, istripu eta gaixotasunak gertatzen dira.

Horregatik, berriro ere prebentzio eredu aldaketaren beharra azpimarratzen dugu, lege berri batena, hemen egina eta honerako, langileen osasun eta bizi eskubidea bermatuko duena.
 

 

 

Osasun publikoaren defentsaren aldeko martxak urriaren 4an

admin
-
0

Satse, ELA, LAB, SME,FFHE, CCOO, UGT eta ESK Osakidetzan ematen ari diren murrizketen kontrako martxak antolatu dituzten datorren urriaren 4rako. Ekimen honekin Osasungintza Publikoaren defentsa irudikatu nahi dute.

Eusko Jaurlaritzak gastu publikoaren murrizketen politikarekin aurrera darrai, oraindik ere aurrekontu nahikoa ez duen osasun publikoa dugu eta aurkezten dizkiguten ustezko hobekuntza proposamenak, kasurik onenean, langile zein gizartearen aurkako irainak besterik ez dira.

Kalitatezko osasun publiko sistema indartsu bat nahi dugunoi bereziki arduratzen gaituzte Osakidetzak suntsitutako 3.000 lanpostuak. Enplegu suntsiketa honek ondorio larriak izan ditu bai lan-kargetan bai eskaintzen dugun zerbitzuaren kalitatean. Tamaina horretako erasoaren aurrean hipotesirik onenean urtero 60 lanpostutako LPE bat eskaintzea probokazio hutsa da. 

Ekainetik Osakidetzako langileak mobilizazio dinamika batean erabat barneratuta gaude, jadanik manifestazioak, kontzentrazioak eta itxialdiak burutu ditugu. Mobilizaziotan beste urrats bat eman nahirik osasun publikoaren defentsarako martxak burutzera deitzen dugu. 
Osakidetzako langileak eta gizartea orokorrean martxa hauetan parte hartzera deitzen ditugu eta bertara bere aldarrikapen edo kexak ekartzera animatzen dugu. 

Martxak Gurutzetako, Donostiako eta Txagorritxuko Ospitalean hasiko dira urriak 4an, goizeko 10:30etan. 

HORA LUGAR Y RECORRIDO DE LAS MARCHAS
• BIZKAIA (hospital de CRUCES a el ARENAL – bilbo)
Comienza el recorrido en Hospital Universitario Cruces y siguiendo la carretera se va a C/ Fray Juan, C/ Montevideo hasta Hospital Universitario Basurto, bajando hasta Termibus hacia el Sagrado Corazón, pasando al paseo de Abandoibarra a lo largo de la ría y acabando en la Plaza del Arenal.
Hora salida: 10.30 Hora estimada llegada 12.30

• ARABA (hospital Txagorritxu a Plaza elizaola –Gasteiz)
Comienza el recorrido en Hospital Universitario Txagorritxu C/ José Antonio Achotegui, C/ Mexico, C/ Chile, Av/ Gasteiz, C/ Sancho el Sabio, Plaza Lovaina, C/ Magdalena, C/ El Prado, C/ Postas, C/ La Paz, C/ Olaguibel, Plaza Jesús Mª Leizaola, acabando en la Plaza Elizaola.
Hora salida: 10. 30 

• GIPUZKOA (HOSPITAL Donostia a Plaza Pio XII –Donostia)
Hospital Donosti, Avenida Madrid y llegada hasta la plaza Pio XII.
Hora salida: 10.30
 

 

 


LABek dei egiten die Bizkaibus-eko langile guztiei planteatutako lanuzte eta greben bitartez erantzun irmoa eman dezaten

admin
-
0

LABek gaur Bizkaiko Diputazioarekin izandako batzarraren balorazio negatiboa egiten du. Diputazioak ez du sartu nahi izan Bizkaibusen dagoen sakoneko arazoan, ezta beraiek sortutako konfliktoari irtenbideak bilatu, batzar guztian konfliktoa konpontzeko sindikatuak exigitzen ditugun puntuen dokumentua baino ez baitu eskatu.

Urte bat geroago Diputazioak arazoari irtenbidea aurkitzeko duen ezgaitasun eta borondate politiko ezak bizirk dirau. Diputazioak hartu duen konpromezu bakarra aurkeztuko zaien idatzia aztertzean datza.

Diputazioak erakutsitako pasibitatearen aurrean, LABek dei egiten die Bizkaibus-eko langile guztiei sindikatu guztiek planteatutako lanuzte eta greben bitartez erantzun irmoa eman dezaten, ostiral honetarako planteatutako 2 orduko lanuztean (07:30tatik 09:30tara; 18:00tatik 20:00tara; 22:30tatik 00:30tara) eta 24 orduko grebetan: 6, 9, 13, 15, 17, 20, 21, 23, 24 eta 27tik aurrera mugagabeki.
 

 

 


LABek Eusko Jaurlaritzari larrialdietarako diru-laguntzak bermatu ahal izateko partida ekonomikoa zabaltzea exijitzen dio

admin
-
0

Prekarietatea eta pobrezia zabaldu baino ez dira egiten euskal herritarren artean. Kalitateko eskaseko enplegua %25koa da, egiturazko langabezia %15en bueltan, 10 langiletik 4-k bi urte baino gehiago darama langabezian, etxe kaleratzeak egunero gertatzen ari dira,… Bistan da gure herrian bizitza duin bat eramatea ezinezko dela milaka eta milaka pertsonentzako.

Gauzak horrela, Eusko Jaurlaritzak, beste behin ere, onartzen du larrialdietarako diru-laguntzen partida agortu egin zaiola. Eta horren aurrean, beldur gara Eusko Jaurlaritzak, beste behin ere, uko eginen diola diru gehiago jartzeari larrialdi sozialetarako kasuak atenditzeko. Joan zen urtean gauza bera egin zuen, eta berriki ikusi dugu kontziliazio laguntzekin gertatu dena.

Erabat onartezina da Eusko Jaurlaritzak bere burua ezkutatzea esanez ez dagoela derrigortuta laguntza hauek ematera, eskubide subjektiboak eta galdagarriak ez direlakoan. Onartezina oinarrizko beharraz ari garelako (alokairua, hipotekak, elektrotresnak,…), jendea bete ezin dituztenak diru-sarrerak ez edukitzeagatik.

Enpleguaren suntsiketa, zerbitzu publikoen eraispena, berrordainketa, etxebizitza eskubidearen ukazioa sustatzen duenak, aldi berean, uko egiten badio baliabide ekonomikoak jartzeari beharrizan oinarrizkoenak atenditzeko, ozen eta argi esan beharra dago: soberan dago. Bai, Eusko Jaurlaritza honen politika soziala soberan dago.

LAB-ek exigitzen du lehentasuna pertsonentzat, eta beraz, Eusko Jaurlaritzari berehala larrialdi sozialetarako partida ekonomikoa zabaltzea eskatzen diogu. Eta horrekin batera, mobilizazioaren beharra aldarrikatzen dugu prestazio sozial duinen eta politika koherente baten alde, pobreziaren ondorio lazgarrienak gainditu ahal izateko eskubide sozialen onarpena, kalitateko enpleguaren sortzea eta fiskalitate justu baten eskutik.

 

 

 

Konponbidea exijitzeko lanuzteak Condesa Taldean

admin
-
0

Egun, Condesa Taldeko lan zentro guztiak pasa den uztailetik hartzekodunen aurrekonkurtsoan daude. Ondorioz, 800 langiletik gora ziurgabetasun handiko egoera baten aurrean aurkitzen dira. Egoera salazeko eta Autonomi Erkidego ezberdinetako Gobernuei dagokien erantzunkizuna asumitzeko eskatzeko mobilizazio ezberdinak iragarri dituzte.

Condesa Taldeko Enpresa Batzordearen irakurketa
 CONDESA TALDEA, KONPONBIDEA ORAIN!
«Gaur, urriak 1, Condesa Taldeko enpresa batzorde guztien ordezkaritza bat komunikabideen aurrean azaltzen gara pairatzen dugun egoera zuekin partekatzeko eta egoera honi aurre egiteko antolatu diren mobilizazioak jakinarazteko.

Egun, Condesa Taldeko lan zentro guztiak, sei orotara, bi Legutio-Gasteizen, eta bana Lesaka, Berrioplano, Mieres eta Sagunton, pasa den uztailetik hartzekodunen aurrekonkurtsoan daude. Ondorioz, 800 langiletik gora eta gure senideak ziurgabetasun handiko egoera baten aurrean aurkitzen gara.

Hasieratik, bai aurrekonkurtsoan sartu aurretik zein gerora ere, Condesaren jabeen aldetik jasotako informazio eza erabatekoa izan da, enpresa batzordeek behin eta berriro informazioa eskatu diegun arren.

Gardetasun eta informazio eza dira Condesako Zuzendaritzaren aldetik jasotzen duguna. Zuzendaritza berak langileak beldurtzeko eta banatzeko ongi diseinatutako estrategia da. Baina ez gaude hau gehiago jasaten jarraitzeko prest.

Hemen ordezkatuta gauden Condesa Taldeko enpresa batzordeek enpresa erabat bideragarria dela deritzogu. Zuzendaritzak egindako kudeaketa txarraren ondorioz soilik, gaude egoera honetan. Beraz, Zuzendaritzari Condesa Taldeko lantoki guztietarako enplegua eta lan baldintzak bermatuko dituen bideragarritasun plan bat, alegia, industria plan bat, aurkezteko exijitzen diogu.

Condesako langileak informazioa eta etorkizunerako plan bat aldarrikatuz mobilizatzen jarraituko dugu. Condesako Zuzendaritzak jakin behar du ez garela geldirik egongo, 800 familia baino gehiago kale gorrian utzi nahi dituzten bitartean eta merkatua daukan enpresa bideragarri bat itxi nahi duten bitartean.

Honela, Autonomi Erkidego ezberdinetako Gobernuei deia egiten diegu bere erantzunkizuna asumitzeko eta ez dezatela baimendu, zuzendaritzak egindako kudeaketa txar baten ondorioz bideragarria den enpresa bat ixtea, horrek ekarriko duen enplegu suntsiketarekin . Gure aldarria haiei ere helaraziko diegu.

Hau guztiagatik, Condesako enpresa batzordeak Zuzendaritzari konponbide bat exijitzen diogu orain.

Hauek dira datozen egunetan lantoki guztietan “Condesa solución ahora, konponbidea orain” lelopean egingo ditugun mobilizazioak:

– Urriaren 3an lantoki guztietan batzar informatiboak.
– Urriaren 8an 13:00tatik-15:00tara bi orduko lanuztea eta lantoki guztietan konzentrazioak.
– Urriaren 15ean egun osoko greba eta lantoki guztietako langileekin manifestazioa Gasteizen enpresak dituen bulego nagusien aurrean amaituz.

Gasteizen, 2014ko urriaren 1ean»
 

MOBILIZAZIOAK

Urriaren 3an lantoki guztietan batzar informatiboak.

Urriaren 8an 13:00tatik-15:00tara bi orduko lanuztea eta lantoki guztietan konzentrazioak.

Urriaren 15ean egun osoko greba eta lantoki guztietako langileekin manifestazioa Gasteizen enpresak dituen bulego nagusien aurrean amaituz.

 

FSMko metalgintzako saila Donostian elkartu da Europa mailan sindikalgintza alternatibo bat nola artikulatu aztertzeko

admin
-
0
FSMko metalgintzako saila Donostian elkartu da Europa mailan sindikalgintza alternatibo bat nola artikulatu aztertzeko

Munduko Sindikatuen Federazioko (FSM) hainbat kide Euskal Herrian dira metalgintzako langileak batzen dituen UISMMa Europa mailan nola artikulatu aztertzeko. Bilera hauen zergaitiak zehazteko prentsaurrekoa eskaini dute LABek Donostian duen egoitzan.

2008an sortu zen UISMM Donostian, orduan LABeko Nazioarteko Idazkari zen Jesus Maria Getek hartu zuen Idazkaritza Nagusia. Rion egin zen UISMMaren II kongresuan, estruktura erregioten banatzea erabaki zen eta Euskal Herrian burutu den bilera europako taldeak egiten duen lehenengoa da.

Elkarrizketa hauen helburua FSMko Metaleko saila indartzea dela adierazi dute prentsaurrean. Honetarako metaleko langileen arteko elkarlana bultzatzea eta metaleko sindikatuen arteko aliantzak indartu behar direla proposatu dute. Beti ere sindikalgintza alternatibo bat eraikitzeko bidean urratsak emanez.

 

 

 

LAB: «Espainiar Gobernuak kontsulta prozesuaren aurrean hartu duen erabakia Kataluniaren eta Euskal Herriaren aurkako eraso argia da»

admin
-
0
LAB: «Espainiar Gobernuak kontsulta prozesuaren aurrean hartu duen erabakia Kataluniaren eta Euskal Herriaren aurkako eraso argia da»

LABen adierazpena Kataluniako Gobernuak azaroaren 9ko galdeketarako egindako deialdiaren aurrean, deialdiaren dekretua eta Kataluniako Kontsulta Legea baliorik gabe uzteko Espainiako Auzitegi Konstituzionalak hartu duen erabakiaren aurrean.

Galdeketa prozesuaren aurrean Espainiako Gobernuak hartu duen jarrera eta erabakia Kataluniaren aurkako eraso zuzena da eta aldi berean, Euskal Herriaren kontrako eraso argia ere bada, euskal jendartearen gehiengoak egiten duen erabakitzeko eskubidearen aldarriaren aurrean Estatuaren jarrera berresten duen neurrian.

Estatu erreforma baten testuinguruan eman da erabakia; Espainiar Gobernuak egin duen hautuaren adierazle da Kataluniari emandako ezezkoa, herrien erabakitzeko eskubidearen egikaritzari bizkar emanez, oinarri adostua duen prozesu orori ateak ixten dizkiona. Estatu erreformaren nolakotasuna definituz Madrilgo Gobernuak egiten duen dekantazioa agerian geratzen da erabaki honekin: prozesu demokratiko baten baitan erabakitzeko eskubidearen aitortza eta egikaritza adostutako bideorri baten gainean eraikitzeko aukerak baztertuz.

Momentua da euskal eragileon aldetik erantzun bateratu bat emateko, eremu politiko, sozial nahiz sindikaletik onarrizko eskubide zibil eta politikoen aurkako eraso honi aurre egiteko eman beharreko urratsak eztabaidatu eta adostuz. Euskal Herriak behar eta eskatzen duen neurriko erantzuna hor kokatzen dugu; erantzun hori emateko adostasunik ez badugu nekez kokatuko gara herri honek eskatzen duen mailan. Zentzu honetan, EAJk argitu beharko du non kokatzen duen estatus politikoaren eztabaida eta non kokatzen duen bidelaguna, Madrilgo Gobernuaren kudeaketa antidemokratikoan, ala euskal eragileon arteko adostasunean.

LAB sindikatutik erantzun bateratuaren mesedetan adostasunak eraikitzeko gure prestutasuna adierazi nahi dugu. Honez gain, Kataluniaren eta Euskal Herriaren aurkako azken eraso honen salaketa eta erabakitzeko eskubidearen aldeko borroka lantokietara eramango du LABek. Dei egiten diegu gure afiliatu eta militante guztiei lantokietan, eta lan zentruetatik kanpo, erabakitzeko eskubidearen aldeko borrokarekin bat egiteko.
 

 

 
1...1,1881,1891,190...1,583Page 1,189 of 1,583

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus