Etiqueta: Ipar Euskal Herria

Antolakuntza, borroka eta ekintza juridikoari esker lortu dugu langilearen aldeko epaia. Tamalez, ez da lehen aldia Sokoa enpresa zigortzen dutela. Jazarpen sindikalarengatik, lan kodea ez errespetatzeagatik edo hitzarmen kolektiboa ez aplikatzeagatik ere bukatu du epaitegietan.

Ipar Euskal Herriko hainbat norbanakok eta eragilek, LABek barne, Baionan azaroaren 20an izango den manifestaziorarekin egin dugu bat. 15:00etan abiatuko da, “Vivre et se loger au pays. Espekulazioari ez!” leloarekin, Euskal Herrian bizi eta etxebizitza izateko eskubidea aldarrikatzeko eta espekulazioa salatzeko.

Lapurdi, Nafarroa Beherea eta Zuberoako hainbat eragilek, LABek barne, agerraldia egin dugu, Euskal Herrian bizi eta etxebizitza izateko eskubidea aldarrikatzeko eta espekulazioa salatzeko.

Urriaren 5aren etorrerarekin, greba eta mobilizazio eguna antolatu dute Ipar Euskal Herrian eta Frantziako Estatuan, eta LAB sindikatuak sektore pribatu eta publikoko langileak deitu ditu mobilizatzera.

Ekainaren 26an egingo duten akziodunen biltzarraren atarian, akziodunak eurak eta oro har jendartea sentsibilizatu nahi ditugu enpresan ematen den akziodunen interesen zein soldata politikaren arteko oreka nola hautsi eta okertu den ikustarazteko.

Erabakitzeko eskubidea berreskuratzeko eta tokiko alternatiba baten alde egiteko, Enpresa Oso Txikietako (TPE) hauteskundeetan izango da LAB Ipar Euskal Herrian, martxoaren 22tik apirilaren 6a bitartean. Hain zuzen ere, enpresa oso txikietako langileak nahi duten sindikatuarentzat bozkatzera deituak daude datozen asteetan. Bada, egunerokotasunean, LABek tokiko errealitatea, bertako beharrak eta langileen kezkak kontutan hartzen ditu. Hala, gure iritziz, enpresa oso txikietako langileetatik hurbilago dauden erabakiguneak sortzea beharrezkoa da, eta hori izango da gure helburuetako bat.

Greba eguna deituta dago Frantziako Estatuan, Macronen Gobernuak pandemia egoera dela-eta hartutako neurriek dituzten ondorioak salatzeko; enpleguan, soldatetan, babes sozialean zein lan eta bizi baldintzetan eragindakoak. Sistemaren eraso berri honen aurrean, LABek argi du inoiz baino beharrezkoa dela Ipar Euskal Herrian bertan erabakitzea; tokiko negoziazio mahai bat sortzea, lurraldeko eragileekin benetako tokiko alternatibak eraikitzeko. Halaxe aldarrikatu dugu Baionako kaleetan, Lapurdiko hiriburuan deitutako mobilizazio bateratuan, non hainbat sektoretako langileak bildu diren: osasungintza, irakaskuntza, kultura eta funtzio publikokoak, besteren artean.