Urtarrilean, Papresa enpresako zuzendaritzak, aldebakarrez eta inposaketaz, langileon soldatak jeistea erabaki zuen, KPIaren negatibotasuna aitzaki gisa hartuz. Enpresa batzorde osoaren aurka, Gipuzkoako Lan harremanen kontseiluaren iritziaren kontra eta patronalaren informe juridikoen aurkakotasunarekin burutu zuen jetsiera.
Hori dela eta, enpresa batzordeak epaitegietara eraman zuen gaia zuzendaritzak erabakia hartu zuelako, hau da, hitzarmena ez betetzeaz gain murrizketa aplikatu zuelako inolako adostasunetara iristeko borondaterik gabe. Ez genuen epaiaren beharrik langileok arrazoi genuela jakiteko, argi genuen hitzarmenaren funtsa soldata igoera zela, hori baino ez. Soldata murrizketa bat ematea zuzendaritzaren erabaki hutsa da eta halaxe adierazi dute epaileek.
Papresako zuzendaritzak hausnartu beharko luke zein den langileokin izan nahi duen harremana. LABetik beti egon gara adostasunetara iristeko prest, jakin badakigulako hori dela biderik onena guztientzako ondorio onuragarrienak lortzeko. Baina argi diogu ere, enpresak inposaketa eta mehatxuaren bidea hautatuz gero parean izango gaituela.
Atzoko epaia ez da garaipen bat, gure eskubideen aitzortza juridiko hutsa baizik. Gure eskubideetan ez dugu atzeraparusorik onartuko. Hemendik aurrera ere, LABetik akordioen beharra eta garrantzia defendatzen jarraituko dugu.