2025-05-21
InicioServicios PúblicosTransporteLABek asanblea bidez berretsiko du edo ez aurreakordioa

LABek asanblea bidez berretsiko du edo ez aurreakordioa

LABek Bizkaibuseko pantilla eta bizkaiako herritarrak zoriondu nahi ditu, eta batez ere UPVko ikasleak beren laguntza eta borrokagatik, guztion artean lortu baitugu Aldundiak zerbitzua hobetu eta 2013ko urriaren 4ean zeuden lanpostuak mantentzeko konpromisoa hartzea, aurreko urteko akordioa blindatzen duena.

LABek aurreakordioaren balorazio positiboa egiten du, aurreko urteko akordioa blindatzen duelako, akordioa blindatzea ez egotea izan zen 2013an LABek ez sinatzearen arrazoia.

Aurreakordioak, hasiera batean, linea batzuen hobetzea eta berri batzuen sorrera jasotzen du, baita bilera gehiago egiteko konpromisoa ere mapa osatzeko lineak hobetuz eta berriak sortuz, baita Alduandiak gizarteari inposatu nahi zion proiektuan okertu nahi ziren frekuentzien hobetzea.

Abenduaren 22an izango da hobekuntzen mapa hori marraztuta uzteko azken bilera eta 2015eko apirilaren 15ean martxan jarriko dena eta 2013ko urriaren 4ean zeuden lanpostuak bermatuko dituena.

LABek gizarteari, eragile sozialei eta udalei dei egiten die, bere momentuan proiektuari egin zizkioten alegazioak ondoko helbide elektronikora helarazi ditzaten, bizkaibuslab@gmail.com. Jasotako guztia azaroaren 7an egingo den lehen bileran aurkeztuko da, aurreakordioa berresten bada.

Amaitzeko, Itziar Garamendiren ahaldunaren rol kaltegarria agerian utzi nahi dugu, gatazkaren hsieran hau lan gatazka bat zela ziurtatu zuen eta enpresetara desbideratzen saiatu zen, eta gaur onartu du ez dela lan gatazka bat. Prozesu guztian gezurretan ibili da, eta kezkagarria iruditzen zaigu gezurretan jarraituko duela dirudiela. Gauz abatean arrazoia du “lortu den akordioa posible zen bakarra da”, sindikatuok eskatzen duguna jasotzen duen dokumentu bat sinatu dute eta orain azaldu behar zergatik itxaron dute horrebeste denbora sinatu aurretik, jendartea %30eko zerbitzua izatera zigortu ditu eta plantilla 13 egun greba egitera. Azken batean egoera honetara iritxi aurretik konpon zezaketen eta orain akordioa hainbeste atzeratu izanaren errua beste batzuen gain jarri nahhi dute.

 

 

 

AZKEN ALBISTEAK | ÚLTIMAS NOTICIAS

67 urte betetzear zituen garraiolari bat hil da Irunen

LABek jakin duenez, herenegun, goizaldeko 6:30ean, TRANSDIPE S.L. enpresako S.S. garraiolaria hilik agertu zen Irunen, lanerako prestatzen ari zen kamioiaren aldamenean. Kamioia martxan zegoen, atea irekita eta zantzu guztien arabera, heriotza ez traumatiko baten aurrean gaude. Azken honekin, gutxienez 20 langile hil dira urte hasieratik Euskal Herrian, hauetariko 9 garraiolariak.

Pribatizatutako zaintzako langileak mobilizazio nazionalera deitu ditu LABek, haien izaera publikoa aldarrikatzeko

Langile horiek zerbitzu publiko bat eskaintzen duten heinean, administrazioaren zuzeneko langile izan behar dutela defendatuko du LABek Donostian, eta, norabide horretan, lan baldintzen ekiparazioa aldarrikatuko du.

LABek CENi exijitu dio bertan behera utz dezan lan osasunaren prebentzioaren ardura langileei egozten dien kanpaina, diru publikoarekin ordaindu dutena

LAB sindikatuak arriskutsutzat, iraingarritzat eta mingarritzat jo du CENeko enpresariek diru publikoa erabiltzea (60.000 euro) modu seguruan lan egitea langilearen esku dagoela sinetsarazi nahi duten ideiak zabaltzen dituen kanpaina egiteko. Enpresarien kanpainak prebentzioaren berezko printzipioen aurka egiten du, eta enpresariek arlo horretan dituzten legezko betebeharrak hankaz gora jartzen ditu. Nafarroako lan heriotzen agertoki tragiko honetan, prebentzio legea ez betetzeko orduan erakusten duen lotsagabekeriaren bertze erakusgarri bat da kanpaina.