EAEko unibertsitatez kanpoko hezkuntza publikoko sektore ezberdinetan eta haurreskoletan piztutako mobilizazioen dinamikak jarraipena izango du aste honetan, egunotan egingo ditugun itxialdiekin: gaur, Gasteizko Adurtza ikastolan; eta bihar, Hernaniko Atsegindegi plazan eta Santikurutze Kanpezuko Mendialdea ikastetxean.
LAB, ELA eta STEILAS sindikatuetako ordezkariok agerraldi bat egin genuen irailean, ikasturte hasiera honetarako aurreikusitako mobilizazioen berri emateko. Urrian itxialdiak egingo genituela iragarri genuen, eta horietako batzuk aste honetan bertan izango dira: Gasteizen, Hernanin eta Santikurutze Kanpezun, hain zuzen ere.
