2025-06-18
InicioNo a fiestas impuestasGure herriaren etorkizuna erabakitzea galarazten digun espainiar konstituzioarena ez da ospakizun eguna...

Gure herriaren etorkizuna erabakitzea galarazten digun espainiar konstituzioarena ez da ospakizun eguna Euskal Herriarentzat

Gaur, abenduak 6, lan egutegi propioa aldarrikatzeko eguna dugu Euskal Herrian, eta horretarako deia egiten du LAB sindikatuak. Espainiar konstituzioaren eguna inposatuz irain egiten digute euskal langileoi, irain euskal jendarteari, jai egun hori Espainian indarrean den legediaren ezarpenaren adierazle baita, herri honen burujabetza eskubideen ukazioaren adierazle. Espainiar Estatua nazio bailitzan aurkezteko baliatzen dute urteko lan egutegia, asimilazioaren bidean sakontzeko, espainiar "batasuna" bermatu nahian.
Abenduaren 6a ez da jai eguna Euskal Herriarentzat. Espainiar konstituzioaren eguna jai egun gisa inposatzeak ez dio erantzuten Euskal Herriak gaur bizi duen eskenatoki politikoari, kontrakoa baizik, urteetan gure herriak sufritu eta salatu duen ukazio eta inposaketa bere gordintasunean azaleratzen du.

Espainiar Konstituzioa herrien, nazioen eskubideak urratzeko sortua da, euskal herritarron eskubideak zapaltzen eta ukatzen ditu. Euskal herria nazioa da eta euskal jendarteak libre eta demokratikoki bere etorkizun insituzionala, ekonomikoa, eta soziala erabakitzeko eskubide osoa du.

Egun bizi dugun krisi testuinguru latzaren aurrean, Estatu espainiarra ekonomikoki hondoratzen ari den honetan, Euskal Herriak independentzia inoiz baino premiazkoagoa du, berarekin batera hondaratuko ez bada. Konstituzioa gure herriari aukera honi indarrez galarazten dion marko legala da. Beraz, gaur ez da ezer ospatzeko eguna, gure herriak duen erabakitzeko eskubidearen alde eta burujabetza politiko eta ekonomikoaren alde lan egiteko baizik.

Lan egutegiaren gainean, espainiar Estatuan, besteak beste patronalaren eskutik eta honen interesen arabera ezarri nahian dabiltzan aldaketa berrien aurrean, LABetik argi eta garbi diogu, euskal langileok geure egutegiaren gaineko eztabaida hemen, Euskal Herrian egin behar dugula. Urteko lan egutegia herri moduan eztabaidatu eta erabaki behar dugu.

Berton bizi gara, berton egiten dugu lan, eta gure lan egutegia berton erabakitzeko eskubidea dugu. Hori dela eta, gaur normaltasunez izango ditugu zabalik gure egoitzak, beste edozein lanegunetan bezala.

Euskal Herrian, 2011ko abenduaren 6an

AZKEN ALBISTEAK | ÚLTIMAS NOTICIAS

Con el objetivo de conseguir un sistema público de cuidados, las y los trabajadores de intervención social de Araba reclaman la mejora de condiciones...

Hoy se han concentrado en Gasteiz, ante la sede de la Diputación Foral de Araba. Desde hace ya más de medio año, los sindicatos LAB,...

Primer día de paro en Ramondín Cápsulas, ante la intención de la dirección de congelar salarios y no aplicar las subidas recogidas en el...

Hoy, la empresa Ramondín Cápsulas ha vivido su primer día de paro total, marcando el inicio de un conflicto laboral significativo. La jornada ha...

Comunicado conjunto de LAB, EH BILDU, SUMAR-IU, SATSE, CCOO, UGT y los Colegios Oficiales de Trabajo Social de Araba, Bizkaia y Gipuzkoa sobre los...

Ayer se reunió el grupo de trabajo “Colaboración Público-Privada” del Pacto de Salud, a petición de sus integrantes, tras el intento del Departamento de...