2023-12-03
HomeJai inposaturik ez!Gure herriaren etorkizuna erabakitzea galarazten digun espainiar konstituzioarena ez da ospakizun eguna...

Gure herriaren etorkizuna erabakitzea galarazten digun espainiar konstituzioarena ez da ospakizun eguna Euskal Herriarentzat

Gaur, abenduak 6, lan egutegi propioa aldarrikatzeko eguna dugu Euskal Herrian, eta horretarako deia egiten du LAB sindikatuak. Espainiar konstituzioaren eguna inposatuz irain egiten digute euskal langileoi, irain euskal jendarteari, jai egun hori Espainian indarrean den legediaren ezarpenaren adierazle baita, herri honen burujabetza eskubideen ukazioaren adierazle. Espainiar Estatua nazio bailitzan aurkezteko baliatzen dute urteko lan egutegia, asimilazioaren bidean sakontzeko, espainiar "batasuna" bermatu nahian.
Abenduaren 6a ez da jai eguna Euskal Herriarentzat. Espainiar konstituzioaren eguna jai egun gisa inposatzeak ez dio erantzuten Euskal Herriak gaur bizi duen eskenatoki politikoari, kontrakoa baizik, urteetan gure herriak sufritu eta salatu duen ukazio eta inposaketa bere gordintasunean azaleratzen du.

Espainiar Konstituzioa herrien, nazioen eskubideak urratzeko sortua da, euskal herritarron eskubideak zapaltzen eta ukatzen ditu. Euskal herria nazioa da eta euskal jendarteak libre eta demokratikoki bere etorkizun insituzionala, ekonomikoa, eta soziala erabakitzeko eskubide osoa du.

Egun bizi dugun krisi testuinguru latzaren aurrean, Estatu espainiarra ekonomikoki hondoratzen ari den honetan, Euskal Herriak independentzia inoiz baino premiazkoagoa du, berarekin batera hondaratuko ez bada. Konstituzioa gure herriari aukera honi indarrez galarazten dion marko legala da. Beraz, gaur ez da ezer ospatzeko eguna, gure herriak duen erabakitzeko eskubidearen alde eta burujabetza politiko eta ekonomikoaren alde lan egiteko baizik.

Lan egutegiaren gainean, espainiar Estatuan, besteak beste patronalaren eskutik eta honen interesen arabera ezarri nahian dabiltzan aldaketa berrien aurrean, LABetik argi eta garbi diogu, euskal langileok geure egutegiaren gaineko eztabaida hemen, Euskal Herrian egin behar dugula. Urteko lan egutegia herri moduan eztabaidatu eta erabaki behar dugu.

Berton bizi gara, berton egiten dugu lan, eta gure lan egutegia berton erabakitzeko eskubidea dugu. Hori dela eta, gaur normaltasunez izango ditugu zabalik gure egoitzak, beste edozein lanegunetan bezala.

Euskal Herrian, 2011ko abenduaren 6an

AZKEN ALBISTEAK | ÚLTIMAS NOTICIAS

Prozesu historiko baten emaitza izan den atzoko egunaren arrakastaren ondoren, erantzukizunen ordua heldu da: zaintza sistema publikoa, orain!

Atzoko Greba Feminista Orokorraren ondoren, agerraldi bana egin dugu Gasteizen (EAEko Lehendakaritzan) eta Iruñean (Nafarroako Gobernuan), atzoko egunaren balorazioa egin eta hemendik aurrerako bidearen berri emateko. Zaintzaren inguruko Herri Akordioa lantzeko bidean, bilera bana eskatu diegu Hego Euskal Herriko instituzio nagusiei.

GREBA FEMINISTA OROKORRA HERRIZ-HERRI

Greba Feminista Orokorrean egindako ekimen ezberdinen argazki galeria herriz-herri.

Zaintzaren iraultza martxan da

“Zorionak Euskal Herria!” hitz horiexekin hasi dute mugimendu feministako ordezkariek hainbat eta hainbat hiri eta herritan arratsaldean egin diren mobilizazioen osteko manifestua. Goizean goizetik jo eta sua aritu dira milaka grebalari lurralde osoan barrena, zaintza sistema publiko komunitarioa aldarri eta kaleak astintzen. Oraindik amaitu ez den prozesu baten mugarri historikoa izan da gaurkoa.