2024-02-26
InicioAcción PolíticaGaizka Uharte: «Nafarroako Gobernuak Sakana bazter utzi du, ez da inplikatu»

Gaizka Uharte: «Nafarroako Gobernuak Sakana bazter utzi du, ez da inplikatu»


 Iraia OIARZABAL | ALTSASU
Hamarka eragile sindikal, sozial, politiko eta instituzionalekin batera, greba orokorra deitu du LABek gaur Sakanan. Eskualdearen desindustrializazioak eta Nafarroako Gobernuaren konpromiso faltak langabeziara kondenatzen ditu gero eta herritar gehiago eta belaunaldi berriek esperantzarako arrazoi gutxi dituzte. Horregatik, Sakana ez dela ixten aldarrikatuko dute Iruñean.

Gamesa, Arfe, Isphording Hispania, Refinsa, Inasa, Ufesa… Azken urteetan Sakanan itxitako eta, zenbait kasutan, deslokalizatutako enpresen izenak dira. Ondorioz, langabeziak nabarmen egin du gora eta paisaian ugariak dira abandonatutako lantegiak. «Sakana ez da ixten» lema Iruñera eramango dute gaur eskualdeko herritarrek, 12.00etan egingo duten mobilizazioan. Arratsaldean, manifestazioa egingo dute Altsasun. Helburu nagusia: Nafarroako Gobernuari «ahaztuta» daukan eskualde hau berpizteko benetako konpromisoa har dezala eskatzea.

Sakanako langabezia tasa altuaz eta desindustrializazioaz hitz egiten da. Zein da egoeraren argazki orokorra?
Sakanan, 2008an krisia hasi zenean, 708 langabe zeuden eta 2012an 1.972 langabe daude. Industria eta zerbitzuak izan dira sektore kaltetuenak, hirukoiztu egin da langabezia tasa sektore horietan. Gaur egun gazteen erdiak langabezian daude, eta emakume langabeak gehiago dira.

Zein da gainbehera horren iturburua?
Sakana beti izan da industria arloko eskualdea. Aspalditik, Nafarroako Gobernua eredu aldaketa bat egiten ari da, non Sakana zerbitzu gune bilakatu nahi izan duen, Iruñean kontzentratzen den garapen hori indartzeko edo zerbitzatzeko.

Eredu aldaketa horrek eragin handia izan du, batez ere, krisiak eztanda egin duenean. Ehun industriala nahiko ahula zen eta ez da inongo apusturik egin beste industriarik sartzeko edo inbertsiorik egiteko. Enpresek irabaziak etxera eraman dituzte eta ehun industriala zaharkitua geratu da; garapen eredu horrek porrot egin du. Ondorioz, Iruñetik kanpoko eremu asko hutsik geratzen ari dira, langabezia tasa altuekin.

Zerk bultzatu zaituzte greba deialdia egitera?
Greba 2010ean abiatu genuen bide baten baitan kokatzen da. Urte horretan bi orduko lanuztea egin zen orduan zeuden enpresa itxien aurrean: Arfe, Gamesa, eta abar. Deialdi nahiko zabala izan zen eta inoiz izan den mobilizazio handienetakoa egitea lortu zen.

Horren ondorioz, Krisi Mahai bat martxan jarri zen, non adostasunak sortu ziren eragile sindikal, sozial eta politiko guztiekin. Esanguratsua da ere UPNren abstentzioa. Krisi mahai horretan sei puntu onartu ziren, horietako bi Nafarroako Gobernuari zuzenean eragiten ziotenak. Batetik, Sakana berrindustrializaziorako zona izendatzea eta, bestetik, hemen sartzen diren proiektuetarako finantziazio partida bat ezartzea 2012ko aurrekontuetan.

Nafarroako Gobernuak bete al du bere konpromisoa?
Oraingoz, partida hori ez da inondik ageri, ez dute dirurik eman hemengo proiekturik egiteko eta ez zaio eman lehentasunik Sakanari mesede egiteari.

Orain, gainera, egoera larritu egin da. Joan den udan Inasak itxi egin zuen, momentu honetan Sunsudegik arriskuan dauzka 427 lanpostu zuzen eta azpikontratazioan eta tailerretan beste 100 lanpostu.

Enpresen itxierak arrazoi objektiboek eragindakoak dira?
Kasu batzuetan deslokalizazioak izan dira, Gamesa eta Refinsa esaterako. Gamesaren kasuan gainera, Nafarroako Gobernuak parte-hartzea zuen eta, hala ere, nahiz eta ezagutu eskualde honetan zegoen egoera, hemen zegoen produkzioa deslokalizatu egin zuten.

Beste batzuetan- Inasarena da kasu esanguratsuena- arrisku-kapital entitate batek hartu zituen bere gain eta Nafarroatik urrun zeuden interes espekulatibo batzuen baitan ixtea erabaki zen. Nafarroako Gobernuak ez zuen izan gaitasunik ezer planteatzeko, nahiz eta ikusten zen enpresak produktua eta merkatua zuela.

Sunsudegirena da azkeneko kasua. Produktua eta merkatua baditu, eta, arazo ekonomikoak izan dituen arren, Nafarroako Gobernua berau kudeatzen ari denetik zuloa handiagoa izan da. Hartzekodunen lehiaketa aurkeztu eta produkzioa gelditu denetik gainera, lan karga galdu du eta ez dakigu zer gertatuko den aurrerantzean.

Argi dago Sakanarekin ez dutela inplikatu nahi izan eta ez dela babestu inongo apusturik. Esanguratsua da enpresek hazkunde garaietan diru asko irabazi dutela, baina diru hori enpresarien poltsikoetara joan da, ez da produkzioa hobetu, ez da inbertsiorik egin, ez da berrikuntza eta ikerketaren aldeko apusturik egin… eta Nafarroako Gobernuak beste alde batera begiratu du.

Herritarren artean zer sumatzen da egoera honetan?
Hemen dagoen sentipena da, baita UPNren oinarriena ere, Nafarroako Gobernuak bazterrean utzi gaituela, ez duela apusturik egin, eta hori argi ageri da Krisi Mahaiaren ondorioetan.

Ze erantzun espero duzue gaurko greba egunean?
Nahiz eta sindikatu guztiek ez duten babestu, instituzio eta alderdi politikoen aldetik babes handia jaso du eta eskualde osoa kalera aterako gara. Ez dugu zalantzarik aurrera begira ere babes zabala izaten jarraituko duela egitasmoak Sakanari alternatiba bat emateko.
 

LAB SAREAN
{module[111]}

    


AZKEN ALBISTEAK | ÚLTIMAS NOTICIAS

LAB consigue en 2023 los mejores resultados de su historia en las elecciones sindicales de Nafarroa: tiene 1.223 delegados y delegadas y está cerca...

Según los resultados oficiales que por fin ha difundido el Gobierno de Nafarroa, el sindicato LAB alcanzó máximos históricos en las elecciones sindicales de 2023. Según esos últimos datos, LAB tiene en estos momentos 1.223 delegados y delegadas en Nafarroa y ostenta una representación del 17,96%. Entre los cuatro sindicatos mayoritarios, LAB ha sido el que más representantes sindicales ha obtenido en el último año, y el único que ha conseguido aumentar el porcentaje.

La patronal de artes gráficas de Bizkaia hace una nueva propuesta con más retrocesos

El 22 de febrero se celebró la novena reunión del Convenio de Artes Gráficas de Bizkaia. La patronal ha presentado una nueva propuesta con peores condiciones que las presentadas con anterioridad en materias como vigencia, incremento salarial, y vacaciones. Asimismo, siguen manteniendo retrocesos en materias como distribución irregular de la jornada, antigüedad, complementos IT etc.

Hemos presentado el plan para la transición ecosocial de Mecaner

LAB y ESK, que contamos con la mayoría del comité de empresa, hemos realizado una presentación pública del plan de transición de la empresa en la Kultur Etxea de Urduliz. Así, hemos dado a conocer el informe y las propuestas de transición ecosocial para evitar el cierre de la empresa y asegurar su futuro. El plan ha sido realizado por el comité de empresa de la mano de Cooperativa Garua, y ha contado con la ayuda del Ayuntamiento de Urduliz.