Bestelakoak dira gatazkaren konponbidean aurrera egiteko beharrezkoak zaizkigun urratsak. Estatuaren oldarraldiaren aurrean mobilizazioa ezinbestekoa da, baita gainerako korapiloek askatzeko ere. Korapilo horietan lehentasunezkoa dugu presoen afera.
Espainiar eta Frantziar Estatuetako espetxeetan 450 preso politiko daude, eta horiei guztie aplikatzen ari zaizkien salbuespenezko politikekin amaitu beharra dago. Eta zentzu honetan, presoen egoerari aterabidea ematea lehentasunetariko bat da euskal langileontzat ere.
Ostiral honetan, hilak 25, Entzutegi Nazionalak bilkura egingo du euskal preso politikoek banaka egindako Euskal Herriratze eskaerei erantzuteko. Erabaki horren atarian ostegunean, irailak 24, “Euskal preso eta iheslariak etxera” lelopean deituak izan diren mobilizazioekin bat egiten du LABek eta euskal langile eta herritarrei bertan parte hartzeko deia luzatzen die.