2024-04-16
InicioAcción PolíticaEPPKren urratsek konponbide prozesuari egiten dioten ekarpenaren garrantzia azpimarratzen du LABek

EPPKren urratsek konponbide prozesuari egiten dioten ekarpenaren garrantzia azpimarratzen du LABek

«Sindikatuak 2014an dispertsioaren amaitzea helburu, mobilizazietan sakontzeko deia luzatzen dio euskal jendarteari»

EPPK, euskal presoen politikoen kolektiboko kideek, Euskal Herrira ekartzeko eskaerak aurkeztuz abiatu duten dinamikaren aurrean LAB sindikatuaren adierazpena.

LABen adierazpena


EPPKren urratsek konponbide prozesuari egiten dioten ekarpenaren garrantzia azpimarratzen du LABek eta 2014an dispertsioaren amaitzea helburu, mobilizazietan sakontzeko deia luzatzen dio euskal jendarteari

EPPK, euskal presoen politikoen kolektiboko kideek, Euskal Herrira ekartzeko eskaerak aurkeztuz abiatu duten dinamikaren aurrean LAB sindikatutik honakoa adierazi nahi dugu:

-Euskal Herrian abian dugun aro berri honetan, bake eta konponbide prozesuaren alde Euskal Preso Politikoen Kolektiboak hartutako jarrera politikoaren ondotik dator urratsa. Pauso garrantzitsua da, gatazkaren konponbidean euskal preso politikoen parte hartzea ezinbestekoa dela ulertuta, norabide horretan kokatzen delako. Hartutako erabaki eta konpromisoetan bidea egiten ari da kolektiboa, bere ekarpenekin prozesuak aurrera egin dezan ateak irekiz.

-Ez Euskal Herrian, ez beste ezein herritan, ez dago normalizazio politiko posiblerik ehunka preso politiko espetxean mantenduz. Gatazkaren konponbide prozesuan aurrera egingo bada presoen afera askatu beharra dago. Euskal Herrian une honetan lehentasunezko gaien artean dugu honakoa, horrela erakutsi du euskal jendartearen gehiengoak, eta horrela adierazi, egindako mobilizazioetan, urtarrilaren 11koa kasu. Euskal eragileon, euskal alderdi politiko eta instituzioen erantzukizuna da herriaren nahia eta aldarria bakoitzak berera ekarri, konpromisoak hartu eta urratsak egitea, espainiar Gobernuari prozesua bloketatzeko giltza kenduz.

-2014. urteko lehentasunen artean daude gaixo diren presoen kaleratzea eta dispertsioarekin amaitzea. Espetxe politika honekin amaitzea lortu behar dugu eta lortuko da, euskal jendarteak horrela nahi eta babesten badu. Hala, euskal langileei zehazki eta jendarteari orohar, mobilizazioetan sakontzeko deia egiten diegu. LABek bere egiten du konpromiso hori, eta lantokiz lantoki, EPPKren erabaki eta urratsen garrantzia ezagutarazi eta presoen eskubideen aldeko borroka indartzen jarraituko dugu.

Euskal Herrian, 2014ko martxoaren 12an

 

 

 

AZKEN ALBISTEAK | ÚLTIMAS NOTICIAS

Ernai conformará el bloque juvenil en la manifestación del Primero de Mayo en Iruñea

La organización juvenil Ernai reivindicará el Primero de Mayo unas condiciones de vida dignas para las y los jóvenes y se sumará a la movilización nacional que hemos convocado desde LAB. Animan a los y las jóvenes a participar en el bloque que partirá a las 11:00 horas desde la plaza Trinitarios. Dicha movilización se unirá con la manifestación de LAB en el paseo de Sarasate.

En la empresa Envases Metalúrgicos de Álava se ha despedido a dos trabajadoras en menos de seis meses

El último de estos despidos de la planta de Laudio se produjo el pasado 27 de marzo.

Concentración delante de la patronal del sector de Artes Gráficas de Bizkaia

Los sindicatos LAB-ELA-CCOO-UGT hemos convocado huelga para los próximos dias 29 y 30 de abril y 22 y 23 de mayo, y exigimos a CEBEK que de respuesta positiva en la reunión del próximo jueves a la plataforma conjunta sindical.