Maiatzak 12,13,14,15, eta 16rako deitutako Gipuzkoako Garbitasuneko grebaren balorazio positiboa egiten dute ELA eta LAB sindikatuek. Duintasunaren alde eta lan prekaritatearen aurka egindako lanagatik lurralde osoan izandako mobilizazioetan parte hartu duten langile guztiak zoriondu dituzte. Datorren maiatzaren 27an bilera dute patronalarekin eta egindako borrokak hitzarmen duin bat negoziatzeko aukerak emango dituenaren esperantzarekin azaldu dira.
ELA eta LAB SINDIKATUOK MAIATZAK 12,13,14,15, eta 16rako DEITUTAKO GREBA DEIALDIA POSITIBOTZAT BALORATZEN DUGU
ELA eta LABek aste honetan lurralde osoan deitutako mobilizaziotan parte hartu duzuen guztiak zoriondu nahi zaituztegu.
1.- Duintasunaren alde eta lan prekaritatearen aurkako borroka garbitasunean.
Gipuzkoa garbitasuneko alorra emakumez osatutako alorretan jasaten diren lan baldintzen adibide argia da: sozialki baloratzen ez den lana eta gaizki ordaindua. Hau da emakumeak gizartean eta lan merkatuan jasandako desberdintasunaren zergaitia.
ELA eta LABek zera azpimarratu nahi dugu: Langile hauek, gehienak emakumeak izanik, dauden egoera zailetik lan baldintza eta bizitza hobeago baten alde egin duten borroka.
2.- Grebaren jarraipena:
Grebaren jarraipena udaletxeetako eraikinetan handia izan da Eibar, Soraluze, Azkoita, Ordizia, Tolosa, Urnieta, Gabiria, legazpia o lazkaon, baita ere estadu ko administrazioko eraikinetan: Gizarte segurantza edo zerga agentzian.
Grebak jarraipena izan du kursaal, Eitb, Miramar jauregia ,INE, Habe, Ficoba, pisu tuteladoak ,Once,OTA, oncologikoan.
Eskoletan jarraipena izan du Donostiako Jesuitak, Marianistak, Santa Teresa, Tolosako hirukiden, Beasaingo Murumendi Beasain edo Aspazen besteak beste.
Garbitasuna azpikontratuta duten enpresa handitan grebaren jarraipena altua izan da: ibermatica, inasmet, nieseen, tekniker, Ampo, Gkn,Rodisa, Ulma, CAF, Cie, Orkli edo indarren.
Urbil, bretxa eta carrefourren ere geldialdiakin bat egin dute.
Zentru txikitan: portalak , ofizina edo bankutan jarraipena txikia izan da.
Langile hauek ISS, EULEN, PILSA, GARBIALDI, ONE, AUZOLAN CLECE, GARNICA, INITIAL enpresetakoak dira.
3.- Greban izan diren inzidentziak:
ELA eta LAB sindikatuok bigarren egunetik, greban zeunden langileak ordezkatu dituztela salatzen dugu.
SUMAN ALDAPETA, SANTA TERESA Donostian, HIRUKIDE Tolosan, eta ULMA FORJAS, INDAR edo CAFen.
Era berean Eibarko udaletxeko bost eskoletan greba eskubidearen aurka egin dute. (Beste enpresa batek garbitusuneko lanak egin ditu) eta HABEko zentroan ere.
Langile hauek EULEN, 1NE eta AUSOLAN enpresetakoak dira.
ELA eta LABek salatu nahi dugu greba eskubidea oinarrizko eskubidea dela eta enpresa hauek grebaren eragina gutxitzeko bertan behera uzten saiatu direla. ELA eta LABek salaketa aurkeztu ditugu inspekzioan eta zigortze neurriak hartzea eskatzen diogu.
4.- Hitzarmenaren negoziaketa.
Garbitasuneko enpresek ez dute inongo proposamenik egin aste honetan.
ASPEL patronala EULEN, PILSA, SAMSIC IBERIA edo CLECE moduko estadu mailako enpresaz osatua dago. Gipuzkoan presentzia handia dutenak dira.
Enpresa hauek irabaziak izan dituzte azken urteetan. Hala ere soldatak orain bost urtera jaitsi nahi dituzte eta garbitasuneko hitzarmenean dituzten eskubide batzu kendu.
ELA eta LABek benetazko negoziaketa eskatzen diegu: lan erreforma alde batera utzi eta KPIra lotutako soldata igoerak. Era berean Gipuzkoako hitzarmenari dagozkion erabakiak Gipuzkoan hartzea eta ez Madriden.
Langileak borrokan daude beraien lan baldintzak hobetzeko eta patronalak ezin du jarraitu aldarrikapen justu hauek entzun gabe.
Datorren maiatzak 27an bilera dugu patronalarekin. Espero dugu patronalak aste honetako borroka gogoan hartu eta garbitasuneko alorra arautuko duen hitzarmen bat negoziatzea.