Dumboa eraikuntza enpresako langile ohiek elkarretaratzea egin zuten ostiralean Donostian esku artean duten arazoa salatzeko. Enpresak bere momentuan, azpikontratazioaren aldeko apustua egin eta bere langile ia guztiak kaleratu zituen, kalteordaina eta lan egindako azken bi hilabeteak ordaindu gabe. Langabezia saria jasotzen hasi ziren orduan, eta era berean, epaitegietako bideari ekin zioten, kaleratzeen aurka.
7 hilabe langabezia saria jasotzen pasa eta gero iritsi zen sententzia, kaleratzeak baliogabetzen zituena: ondorioz, hilabete haietan ordaindu gabe izandako soldatak kitatzera behartzen zuten epaitegiek enpresa.
Sententziaren berri izatean, enplegu zerbitzuek langileei jakinarazi zieten, jasotako diru saria itzuli egin beharko zutela, kaleratzea baliogabea izan zelako. Eta hor arazoa, Fogasak oraindik ez dizkie ordaindu gabe geratu ziren soldatak ordaindu, baina langileak jasotako langabezia saria itzultzera behartuak daude.