2024-07-14
InicioIndustriaMetalCondesako lanpostuen defentsan eta lantegiaren bideragarritasunaren alde mobilizazioak

Condesako lanpostuen defentsan eta lantegiaren bideragarritasunaren alde mobilizazioak

LAB eta ELAk mobilizazioak iragarri ditugu Condesa lantegian 800 lanpostu arriskuan daudela salatzeko eta egoerari irtenbide bat topatzeko intentzioarekin. Mobilizazioak datozen lau astetan luzatuko dira eta bitartean bilerak eskatuko dira hainbat eragileekin (Diputazioa, Udaletxeak…) enpresa eta langileen egoera azaldu eta babesa jasotzeko helburuarekin.

LAB eta ELAren irakurketa
CONDESA. KONPONBIDEA ORAIN!

«Jadanik 2 hilabete eta erdi igaro dira, zehazki azaroaren 12an, Condesa enpresak jakinarazi zigunetik Bankuekin nahiz Arcelor Mittal enpresarekin hitzartu zuela hartzekodunen konkurtsoa ekiditeko.

Akordio honi esker, esan ziguten, ez zen inolako arazorik Bankak enpresa finantzatzeko eta Arcelor Mittalek lehen gaiez hornitzeko, jabetzaz aldatzeko unean.

Halaber, dirudienez, hiru lantoki, zehaztearren, Lesakako Zalain Transformados, Berriobeitiko Perfil en Frío eta Legutioko Condesa Fabril Arcelor Mittalen eskura igaroko lirateke. Condesaren beste hiru lantokiek, Saguntoko, Miereseko eta Legutioko Condesa Inox Condesaren esku iraungo lukete.

Dirudienez esan dugu, guri behintzat, Condesak inoiz ez digulako erakutsi aipatu akordioaren edukia zertan den. Hortaz, haien hitzaz eta enpresaz langileek baino gehiago omen dakiten hedabideez fidatu behar dugu.

Jabetzaz aldatzeko data ere eman ziguten: urtarrilak 15.
Bada, enpresak orduan agindu zuenetik ez da ezertxo ere bete. Abenduko aparteko saria kobratu ahal izateko zailtasunak jasan ditugu, enpresak Enplegua Erregulatzeko Espediente berriak eskatu ditu Legutioko lantegientzat. Horren zoragarria izango zen iragarpena, jadanik ez da; begi-bistakoa da urtarrilaren 15a igaro dela eta hemen jarraitzen dugula oraindik. Eta okerrena zera da: enpresa noraezean dabilela iruditzen zaigu. Gure galderei, “ez dakigu” batez erantzuten digute.

Condesak adarra jo digu, eta horretan dirau. Baina tamalez, ez da bakarra.

Duela bi hilabete baino gehiago bilera egitea eskatu genien Eusko Jaurlaritzari nahiz Nafarroako Gobernuari. Oraindik haien erantzunaren zain gaude. Eusko Jaurlaritzak e-mail batez erantzun zigun, ez zuela akordioaren berri eta Condesaren deiaren zain zeudela, jakinaren gainean jartzeko. Dirudienez, oraindik orain deiaren zain daude. Aldiz, Nafarroako gobernua “deituko zaituztegu” esatera mugatu zen. Gaur egun arte.

Horrela jokatuz, langileei, zergen bidez gobernu hauek mantentzen dituzten langileei, izugarrizko begirune eza adierazten diete. Hori eginez, argi eta garbi adierazten digute bost axola diegula. Baina hala ere, ez dira konturatzen argi eta garbi erakutsi digutela herri honetako langileei irtenbideak eskaintzeko asmo politikorik ez dutela, ez dutela alternatibarik, ez eta inolako industria politikarik ere. Eta hori bai da, ELAren eta LABen ustez, benetan larria.

ELA eta LAB ez gaude 800 lanpostu baino gehiago galtzeko arriskuaren aurrean geldirik egoteko prest, 800 familietako bizitzarekin horrela joka dadin. Erantzunak behar ditugu eta eskatzen ditugu. Gure etorkizuna zein izango den ezagutu nahi dugu. Condesa eta erakundeak isilik badaude ere, merezi dugu. ELAk eta LABek, aurrerantzean ere, defendatzen jarraituko dugu Condesaren bideragarritasuna.

ELAk eta LABek, aurrerantzean ere, babestuko ditugu Condesako langileen enplegua eta lan baldintzak. ELAk eta LABek mezu argia bidaliko diegu Condesari, Bankari, Arcelor Mittali zein erakundeei: aurrerantzean ere mobilizatuko gara, enplegua ez dela suntsituko eta gure eskubideak ez direla murriztuko bermatu arte. Gure etorkizunaren defentsan.

Hau guztia dela eta, Condesako lantegietan langileen elkarretaratzeak antolatu ditugu datozen 4 asteetarako. Aste bakoitzean lantoki ezberdin baten mobilizazio bat burutuko dugu. Halaber, hainbat erakundeei (diputazioak, udaletxeak…) bilerak eskatuko dizkiegu egoera azaltzeko eta euren babesa jasotzeko helburuarekin. Ez dugu baztertzen Nafarroako zein Eusko Legelbiltzarreraino gure aldarria eramatea.

Ez bagenu erantzunik jasoko edota jasotakoa langileentzat kaltegarria izango balitz, ez dugu baztertzen mantentzea edota areagotzea mobilizazioen maiztasuna zein euren intentsitatea.

 

 

 

AZKEN ALBISTEAK | ÚLTIMAS NOTICIAS

Hemos pedido a los partidos políticos que no aprueben el decreto del Gobierno español que impone el salario a las y los trabajadores públicos...

Los sindicatos nos hemos puesto en contacto con las fuerzas políticas que van a votar el Real Decreto con el fin de transmitirles esta demanda.

Hemos firmado un acuerdo de empresa en Niessen #LortuDugu

Gracias a la lucha de las trabajadoras y trabajadores, hemos logrado firmar un nuevo pacto en la empresa ABB Niessen ubicada en Oiartzun, con el total apoyo del comité de empresa, donde LAB tiene 4 representantes, ELA 3 y UGT 2. El convenio ha sido aprobado por mayoría absoluta en la asamblea de trabajadores y trabajadoras celebrada el 10 de julio, con 119 votos a favor de los 120 trabajadores y trabajadoras que han votado.

Hemos alcanzado un acuerdo histórico para el personal de limpieza de la Diputación Foral de Bizkaia #LortuDugu

Hemos firmado un convenio con la subcontrata Optima para los trabajadores que limpian los edificios de la Diputación. Además de los importantes incrementos salariales, para poner la vida en el centro, hemos conseguido condiciones laborales importantes en un sector feminizado, como el sistema de vacantes para poder dejar atrás las jornadas parciales y mejores licencias para el cuidado.