2025-05-21
InicioIndustriaMetalCANDYko langileek lantokiaren bideragarritasunean sinisten jarraitzen dute

CANDYko langileek lantokiaren bideragarritasunean sinisten jarraitzen dute

Candy enpresa ixteko martxan dagoen prozedurari astebete geratzen zaionean, langileek prentsaurrekoa eskaini dute egoeraren berri emateko eta Bergarako lantokiaren bideragarritasunean sinistun, zuzendaritzari bideragarritasun plan bat aurkezteko eskatzeko. Bihar, hilak 11, manifestazioa deitu dute "guztion artean CANDY EZ ITXI!" esateko.

CANDYko langileek iritzi publikoari:
«Enpresa ixteko martxan dagoen prozeduran astebete baino ez da gelditzen. Abenduaren 12an negoziazio epea amaituko da, eta enpresak epe hori luzatzeko erabakirik hartuko ez balu, orduan bukatuko litzateke negoziazioa. 

Langileok produkzioa Bergaran mantentzeko bideragarritasun plan bat aurkezteko eskatzen jarraitzen dugu. Bergarako lantokiaren bideragarritasunean sinesten dugu, eta ziur gaude garbigailuak Bergaran egiten jarraitzeko aukera dagoela. 

Enpresaren borondatea da gakoa, eta hori da oraindik somatzen ez duguna. Gure azterketen arabera enpresa errentagarria da, eta bileretan argi gelditzen ari da. Besteak beste, enpresak hainbat datu emateari uko egin dio. Beste biderik uzten ez badigu hori epaiketa baten frogatu beharko dugu, eta horrertarako prest gaude.

Diru eskaintza baxu bat egin digute, urteko 30 egunekoa, eta 6 lanpostu salbatuko lituzketela jakinarazi digute langileak banatzeko helburuarekin, baino ez diote mamiari heltzen, hau da, deslokalizazio prozesua gelditzeko eztabaidari, Bergaran enpresa bat gehiago ixtea eragozteko eztabaidari. 
Geroz eta ziurrago gaude guztion artean Candy ez ixtea lortuko dugula. 

Orain arte hainbat kolektibo, enpresa batzorde, kultur nahiz gastronomia elkarte, enpresa batzorde, talde politiko. merkataritza elkarte, etab.ek elkartasuna adierazi digute. Eskerrak eman nahi dizkiegu eta ostegun honetan Bergarako Herriko plazatik 18tan egingo den manifestaziora etortzeko deialdia egin nahi dugu. 

Guztion artean CANDY EZ ITXI! Lortuko dugu!»
 

 

 

AZKEN ALBISTEAK | ÚLTIMAS NOTICIAS

LABek CENi exijitu dio bertan behera utz dezan lan osasunaren prebentzioaren ardura langileei egozten dien kanpaina, diru publikoarekin ordaindu dutena

LAB sindikatuak arriskutsutzat, iraingarritzat eta mingarritzat jo du CENeko enpresariek diru publikoa erabiltzea (60.000 euro) modu seguruan lan egitea langilearen esku dagoela sinetsarazi nahi duten ideiak zabaltzen dituen kanpaina egiteko. Enpresarien kanpainak prebentzioaren berezko printzipioen aurka egiten du, eta enpresariek arlo horretan dituzten legezko betebeharrak hankaz gora jartzen ditu. Nafarroako lan heriotzen agertoki tragiko honetan, prebentzio legea ez betetzeko orduan erakusten duen lotsagabekeriaren bertze erakusgarri bat da kanpaina.

LABek patronalen arduragabekeria salatu nahi du, berriz ere, Enplegu Zentro Berezien EAEko lehen lan hitzarmena lortzeko mahaiari uko egin diotelako

LAB sindikatuak irmoki salatu nahi du, hirugarren aldiz, Enplegu Zentro Berezietako patronalek uko egin diotela sektoreko EAEko lehen lan hitzarmena negoziatzeko mahai negoziatzailea eratzeari. BEREZILAN, CONNACE eta EHLABE aniztasun funtzionala duten 13.000 langile baino gehiagoren patronalak dira, izan ere, sektoreko langileon aniztasun funtzionalaz baliatzen dira etekin ekonomikoak lortzeko, hauek esplotatuz.

Zuzena da egungo aldaketa gainerako kakoetan eteteko Volkswagen Nafarroako zuzendaritzak hartutako erabakia

Lan-baldintzak defendatzeko konpromisoa hartu duten langileen garaipentzat hartzen dute LAB, ELA eta CGT sindikatuek.