2025-02-12
InicioServicios PúblicosAdministración Municipal y ForalBenetan negoziatua eta adostua izango den lan hitzarmen baten alde irten dira...

Benetan negoziatua eta adostua izango den lan hitzarmen baten alde irten dira kalera Gipuzkoako Foru Aldundiko langileak

Ostegunean udaberriarekin batera jakinarazi zieten: asteartean, martxoak 26, aldebakarrez onartuko dutela langileen lan baldintzak arautzen duen testu bategina. Horrenbestez, gobernu honek inposaketa erabiliko du Gipuzkoako Foru Aldundiko langileen lan baldintzak aplikatzeko. Ez dute langileen adostasunik behar. Ez dute nahi negoziazio kolektiborik egon dadin. Gaurko mobilizazioekin bat egin dute ere Eibarko Egogain helduen egoitzako langileek, asteak baitira borrokan daudela hitzarmen duin baten alde.

Hauxe da Gipuzkoako Aldundiko Langile Batzordearen oharra, gaurko mobilizazio egunaren harira:

Ostegunean udaberriarekin batera jakinarazi ziguten: Asteartean, bihar martxoak 26 ALDEBAKARREZ onartuko dutela langileen lan baldintzak arautzen duen testu bategina. Gobernu honek, INPOSAKETA erabiliko du Gipuzkoako Foru Aldundiko langileen lan baldintzak aplikatzeko. Ez dute langileen ADOSTASUNIK behar. Ez dute nahi negoziazio kolektiborik egon dadin

Asteazkenean Batzar Nagusitan egon ginen bigarren aldiz, arrazoia berdina bazen ere.

Langileen lan baldintzak. Gipuzkoako Foru Aldundiko gobernu honek langileen lan baldintzak aldebakarrez onartu nahi ditu eta hori zen Batzar Nagusitan berriz ere salatu genuena. Azken Bi urte hauetan agerian geratu den bezala ez da benetako negoziatzeko borondaterik egon eta ez dugu horrelako erabakirik onartzen, ez dugu inposaketarik nahi

Ikusi dugun moduan sasi negoziazioa izan den prozesu honi hasiera emateko Aldundiak langileen jarduna arautzen duten araudi guztiak testu bateratu batean jaso zituen, eta negoziazioaren oinarritzat testu hori hartzea erabaki zen. Abiatzeko ez zen proposamen desegokia izan baina, gerora ikusi dugun moduan gobernu honentzat helburua ez zen benetako langileen lan baldintzak negoziatzea helburua beste bat zen araudiaren eguneraketa.

Sindikatuok 2017. urteko urtarrilean gure plataformak aurkeztu genituen, ez horrela Aldundiak.Bileretako dinamika ere oso nekagarria izan zen. Sindikatuok egindako proposamenak ez ziren nahikoak izaten, ez zituzten gustukoak izaten eta beste proposamen bat eta beste proposamen batzuk eskatzen zizkiguten. Onartu, zer onartu zuten? Oso aldaketa gutxi jaso ziren, eta Langileen ordezkaritzak eskatutako proposamen oso onak aldebakarrez onartu zituzten. Beraien aldetik jasotako proposamen bakanak murrizketa gogorrak ekartzen zituztenak izan ziren.

Langileekin asanbladak egin genituen egoera nola zegoen azalduz, mobilizazioak egin genituen eta egun horretan dihardugu. Langileek ere ez dute horrelako egoerarekin bat egiten. Benetan negoziatua eta adostua izan den Lan Hitzarmen baten alde borrokatzen jarraitzen dugu, kalean gaude borrokan eta borrokatzen jarraituko dugu. Ez dugu inposaketarik onartuko, ez eta aldebakarreko erabakirik ere.

Langileen ordezkariak hitzarmena adosteko gure gutxienekoak jakinarazi genizkien. Gai horien artean, sindikatu bakoitzaren ñabardurekin, hurrengo proposamenak mahai-gainean jarri ziren, eta berriz ere jakinarazten ditugu:

1-Zerbitzu publikoak bermatu eta lan baldintzak hobetu behar dira: Gipuzkoako Foru Aldundiak hurrengo konpromisoak hartuko ditu: bitarteko propioekin ematen den zerbitzurik ez du azpikontratatuko eta egitura ez du gutxituko. Era berean akordio berriak aurrekoetan adostutako lan baldintzak eta bermeak (subrrogazioa, eskubide sindikalak…) mantendu eta hobetuko ditu.

2-Enplegu eskaintzak Momentu honetan langileen bitartekotasun tasa % 35ekoa da. EPE bat onartuta dago,baina, langileen ordezkariak egiten ditugun proposamenak ez dituzte aintzat hartzen. Hiru EPE egon dira legealdi honetan, eta hirurak porrota izan dira. Gaiak, bai orokorrak eta baita espezifikoak bilatzeko erraztasunak eskatzen dira. Azterketak egokiak izan behar dira, eta EZ orain arte bezalakoak….

3- Soldata igoera Galdutako ero-ahalmenaren errekuperatze eta nominetan kontsolidatzea eskatzen dugu. Soldataren igoera urte bakoitzeko zenbatekoak KPIa baino handiagoak izatea bermatu beharko litzateke.

4-Aurre erretiroa Aurre erretiroko eta uko egite sarituko neurriak hobetzea. Batez ere enplegu publikoari eragin zuzena izango lukeelako. Langile guztiok 61 urterekin etxera joateko aukera izan beharko genuke.

5- Euskara Zerbitzu publikoak euskaraz ere ematea eta langileek euskaraz lan egiteko duten eskubidea bermatzeko beharrezkoak diren neurriak hartuko ditu Gipuzkoako Foru Aldundiak herritarren hizkuntza hautua errespetatzeko.

6-Berdintasuna Berdintasun batzordea berraktibatuko da, eta Aldundiko langileek benetako, aplikagarria izango den berdintasun plan bat izango dugu.

Kalean uxo eta etxean otso
Esaldi hau orain dela urte bete ere esan genuen: Gardentasuna, Parte-hartzea, kontziliazio neurriak, berdintasun zuria, Etika Batzordea, Telelana hauek dira gobernu honek saltzeko erakusleihoan jarri dituen titularrak baina ez da hau bere langileekin erabiltzen dituenak. Honek gure ustez gabezia demokratiko izugarria adierazten du.

2011.urtean, garai haietan izan genuen zuzendariak esan zuen ez zuela hitzarmenik sinatuko langileen ordezkaritzaren gehiengo absolutuak bat egingo zuela bermatzen ez bazen eta oraingo gobernu honek aldiz esan duena da aldebakarrez egingo duela.

Beraz lehen esan dugun bezala:Benetan negoziatua eta adostua izan den Lan Hitzarmen baten alde borrokatzen jarraituko dugu, kalean gaude borrokan eta borrokatzen jarraituko dugu. Eta Ez dugu inposaketarik onartuko, ez eta aldebakarreko erabakirik ere.

 

 

 

AZKEN ALBISTEAK | ÚLTIMAS NOTICIAS

Las y los trabajadores de DBIZI secundan por segundo día paros de 2 horas para denunciar la precaria situación que viven

Tras dos reuniones con la empresa, no ven voluntad para solucionar el conflicto. Por su parte, las empresas que forman parte de la Unión Temporal de Empresas señalan que la responsabilidad principal es del Ayuntamiento, y que si éste no hace nada no será posible dar una solución.

7 paros en 7 días en la enseñanza pública de Nafarroa

Ante el inmovilismo del Departamento de Educación la mayoría sindical convoca nuevas jornadas de movilización para las próximas semanas.

Los empresarios de la CEN y los sindicatos UGT y CCOO provocan la suspensión de la reunión para negociar un salario mínimo en Nafarroa

Hoy se tenía que celebrar en el Iruñea una reunión para constituir la mesa de negociación para la consecución de un acuerdo interprofesional sobre un salario o retribución mínima para las personas trabajadoras que prestan servicios en el ámbito territorial de Nafarroa. Los empresarios de la CEN y los sindicatos UGT y CCOO que habían confirmado su asistencia tras ser convocados conforme a Derecho, finalmente no han acudido a la reunión poniendo como excusa los términos en los que se había realizado el llamamiento a los medios de comunicación. Así, cinco minutos antes del comienzo de la reunión han comunicado su inasistencia.