EAEko gizarte ekimeneko ikastetxeetako langileak borrokan dira, hitzarmen berriaren negoziazioaren blokeoa dela eta. Martxoaren 20an greba egingo dutela jakinarazi dute aste honetan, eta, bitartean, mobilizazioekin aurrera jarraitzen dute. Atzo, esaterako, elkarretaratzeak egin zituzten Santutxun, Santurtzin eta Zornotzan.
Gizarte Ekimeneko sektoreak EAEko ikastetxe itunduen %70a hartzen ditu gutxi gora behera, eta 9.000 lagunetik gora egiten dute lan bertan. Hitzarmen berria adosteko negoziazioak azaroan eten ziren, eta, orduz geroztik, mobilizazioak hasi dituzte. Mobilizazio horien harira egin zituzten atzoko elkarretaratzeak Santutxun, Santurtzin eta Zornotzan.
Datozen asteetarako aurreikusitako egitarauari dagokionez, otsailaren 22an, Bilbon, manifestazioa egingo dute. 19,00etan, Eskolapios ikastetxearen aurretik abiatuko dira (Erekalde EAE osoko langileak. Era berean, martxoaren 20an, ikastetxeak gelditzeko deia egiten dute, greba deialdi baten bitartez.