Arcelor Olaberriako Enpresa Batzordeak deituta egun osoko greba egin dute langileek. Jarraipen zabala izan du deialdi honek. Mobilizazio hauen bidez langileek enpresako hitzarmena bete eta ordezko langileak Olaberrian sartzea eskatzen dute, baita etorkizunean izango diren errelebo kontratuak ere Olaberrian ematea ere, horrela enplegu suntsiketa eragotziz.
Gatazka Enpresako Zuzendaritzak enpresako aurrejubilazioen inguruko akordioa ez betetzeagatik dator. 2016 urtean, 7 langile aurrejubilatuko dira eta beraien ordez sartuko diren langileak Olaberriatik kanpoko beste lantegi batean kolokatu nahi ditu enpresak.