Gaur LAB, ELA, STEE-EILAS, EHNE eta ESK sindikatuek martxoaren 29rako Greba deialdia aurkeztu dute Eusko Jaurlaritzan eta Iruñeako Lan Departamentuan.
Ainhoa Etxaide, LABeko idazkari nagusia, Bilbon izan da, eta bertan, gogor salatu du Espainiatik inposatutako lan erreforma. "Ez da erreforma orekatu bat, gaur ez dagoelako oreka posiblerik elite ekonomikoaren eskakizunen eta gehiengo sozialaren eskubideen artean" adierazi du. Grebarekin bat egiteko deia egin du Etxaidek, "Euskal Herrian alternatibaren bide egitea" erabaki behar dugula gaineratuz. "Demokrazia eta justizia soziala" aldarrikatu ditu.