Atzo, maiatzak 6, Elorrioko Transportes Nanuk enpresako langileek zuzendaritzak soldatak jeisteko hartutako alde bakarreko erabakiaren aurkako mobilizazioei hasiera eman zieten Elorrion egin zen elkarretaratzearekin. Transportes Nanuk enpresan (100 langiletik gorakoa) %5,5eko soldata jeitsiera ezarri nahi du zuzendaritzak eta horretarako 15 egunetako kontsulta epea ireki dute.
Enpresa honek, ordea, badauzka hainbat berezitasun:
1. Galerak dituzteko planteatzen dute %5,5eko soldata jaitsiera:
– Azken bi urteotan, NANUKeko jabeek 2 enpresa erosi dituzte (Pegaso eta Izarzugaza); beraz, inbertsioetarako dirua badute. Baina soldatetarako ez?
– Urtez urte, Negozio Zifra hasiz joan da eman dizkiguten datu ekonomikoen arabera; hau da NANUK enpresa ondo doa. Hala ere, kudeaketa eredua dela eta, (enpresa honetan beti funtzionatu dute urteko kredituen arabera) aurten likidezia faltan aurkitu dira eta errazena erabaki dute, alegia, langileei kentzea. Euren kudeaketa txar edo erabaki okerren errudun ez gara langileak, beraz ez dugu zertan zuzendaritzaren akatsak ordaindu.
– Urtez urte, Negozio Zifra hasiz joan da eman dizkiguten datu ekonomikoen arabera; hau da NANUK enpresa ondo doa. Hala ere, kudeaketa eredua dela eta, (enpresa honetan beti funtzionatu dute urteko kredituen arabera) aurten likidezia faltan aurkitu dira eta errazena erabaki dute, alegia, langileei kentzea. Euren kudeaketa txar edo erabaki okerren errudun ez gara langileak, beraz ez dugu zertan zuzendaritzaren akatsak ordaindu.
2. NANUKeko gerentea ASETRAVIko presidentea da. ERREFORMA APLIKATZEA DA BERE HELBURUA, horrela ASETRAVIko kideen aurrean "domina" lortu nahi du; berak bere enpresan egindakoa besteentzako eredu bihurtuz.
Langileek ez dute enpresaren erabakia onartzen. Erreformaren aplikazioaren aurka borrokatzea erabaki dute. Borrokarako deia egin du komiteak eta langile asanbladetan langileek komiteari babes osoa eskaini diote.