![[url]https://alexistadavidlibre.wordpress.com/[/url]](https://www.lab.eus/wp-content/uploads/2016/10/materiala_argazkiak_ekintzaSindikala_jazarpenSindikala_16_10_19TMA_tma.jpg "[url]https://alexistadavidlibre.wordpress.com/[/url]")
Etxebarriko Talleres Mecánicos Arakistain enpresako langileek 2013an egindako mobilizazio eta salaketen harira, enpresariak salaketa jarri eta kartzela zigorra eskatzen du bi langileentzat, baita kalte ordain altuak ere. Honen aurrean, TMAko langile ohiek atxikipen kanpaina bat hasi dute “Barriro be eingo geunke. Alexis eta David libre!” lemapean.
2013 urte bukaeran, zortzi hilabeteko greba baten ondoren itxi zen TMA. Baina ez dute borrokarako griña galdu, borrokatzen jarraitzeko asmoa erakutsi dute. Lanpostuen defentsan egin zuten borrokaren aldeko atxikimenduak eta auziperatuak babesteko dinamika da hasiko dutena. Badakite arrazoia dutela eta langileok gure eskubideon defentsan lan egiten jarraitu behar dugula.
Langileen kontrako eraso honen aurrean langile, langabetu, ikasle, pentsiodun, eragile sozial, alderdi, sindikatu eta gainerakoei kanpainarekin bat egiteaz gain azaroaren 27an 13:00etan Markina-Xemeinen egingo duten manifestazioan parte hartzeko gonbitea egin diete.
