Nafarroako Pentsionistak Martxan plataformak pentsio duinak bermatzeko Herri Ekimen Legegile bat nafar Parlamentuan tramitatzeko sinadura bilketari ekin dio. 7.000 sinadura behar dituzte eta sei hilabete dituzte guztiak jasotzeko. Herri Ekimen Legegile honekin pentsio baxuenak 1.080€taraino osatu daitezen lortu nahi dute.
Nafarroako pentsiodunek bizi duten egoera kezkagarriari buelta emateko pentsio eta babes sozialerako sistema propioa aldarrikatzen du Pentsionistak Martxan plataformak. Bide honetan, nafar guztiei eta pentsiodunei bereziki, sinadura bilketa honetan parte hartzeko deia luzatu die.