Atzo, 2013ko urtarrilaren 11an CFDT, CFTC eta CGC sindikata eta patronalaren artean adostu ANI akordioaren kontrako manifestazioa egin zen Baionan. Frantses gobernuak enpleguaren flexibiltatea helburu duen akordioa datozen asteetan lege bilakarazi nahi du.
Lansariaren apaltzea onartu beharra edo/eta lanaldiaren luzatzea, trukean diru ordainik jaso gabe : BESTELA KANPORAKETA
Langileari mugikortasuna inposatzen ahalko zaio, distantzian mugarik ezarri gabe eta ukatzeko aukerarik izan gabe: BESTELA KANPORAKETA
Lanaldi erdien aldeko apostua egiten da lanaldi osoen kalterako: PREKARITATE GEHIAGO
Kausa errealik gabeko kanporatzeetan ere, kanporatze indemnizazio penagarriak jasoko ditu langileak :
KANPORATZEKO ERREXTASUNA
Kanporaketa prozedurari dagokionez, legeak dituen berme gutxiak ez aplikatzeko ateen idekitzea: KANPORATZEKO ERREXTASUNA
CDI kontratua kolokan ezarriko da, egitasmo batek irauten duen bitartean aplikatzen ahalko den sasi «CDI»arekin :
MUGAGABEKO PREKARITATEA
Frantses gobernuak hartu neurrien ondorioak :
Gobernuak 2013 bukaerarako langabezi tasa apaltzeko helburua omen du : LANGILEENTZAKO INONGO BABESIK GABEKO LAN KONTRATUAK SORTUZ ?
Gobernuak erretretei begirako neurriak hartu nahi ditu : 65 URTE ARTE LAN EGINEZ SOILIK ESKUBIDE HORI IZATEKO ?
Gobernuak erosteko ahalmenari bultzada bat eman nahi omen dio : FUNTZIONARIOEI SOLDATAK IZOZTUZ/ FUNTZIO PUBLIKOA SUNTSITUZ ?
{module[111]}