Nahiz eta kaleratze behartuak ezabatu, LABen eta ELAren iritziz Enplegu Erregulazio Espedientea inmorala da.
Enpresak 4.786 milioi euroko irabaziak izan ditu urteko lehen hiruhilekoan. Goirigolzarri presidenteak hirukoiztu egin du bere soldata. Eta akziodunen batzar orokorrean gai zerrendako zenbait puntu pertsona batzuen ordainsarien igoerei buruz ari ziren.
Eta, aldi berean, 123 enplegu baino gehiago suntsitu dira Euskal Herrian (52 Nafarroan, 18 Bizkaian, 18 Araban eta 15 Gipuzkoan). Estatu mailan, 6.452.
EEE horren bidez, enpresak landa-eremuetan presentzia gero eta txikiagoa izango du, eremu horietan finantza-bazterketan urratsak emanez. Bulegoen itxierarik ez badago ere, ordutegiak eta irekiera-egunak mugatuta egongo dira. Beste kasu batzuetan, pertsona erdiak egongo dira bulegoetan lanean. Koktel horrek bezeroentzat eta ingurukoentzat gero eta erabilgarritasun txikiagoa izatea ekarriko du.
Apirilean sindikatu guztiak bat etorri ginen EEEari ezetz esatean. LABek eta ELAk gauza bera pentsatzen jarraitzen dugu. EEE honek ez du inolako justifikaziorik eta inmorala da.