Goizean 46 urteko U.A.A. langilea istripuz hil da Piergburg S.A enpresan Abadiñon. Electricidad Anboto enpresaren langilea izanik azpikontratatuta ziharduen aipaturiko enpresa nagusian.
LAB sindikatuak elkartasuna eta samina adierazi nahi izan die senide, lagun eta lankideei.
Enpresetan, neurri prebentiboen ez-betetze orokortua salatu du berriro ere sindikatuak, eta Osalani eta Lan Ikuskaritzari eskatu die behingoz patronalari araudia betearazteko.
Erandioko lan-heriotza salatu dugu
Azken heriotza honen albistea etorri da, hain zuzen ere, berriki gertatutako beste lan-heriotza bat salatzeko elkarretaratzea egin dugun egun berean. LAB-ESK-STEILAS-HIRU intersindikalak deituta, altuerako lanetan zebilen bitartean istripua izan eta egun batzuk geroago hil zen langilea gogoan izan dugu, eta halakorik ez errepikatzeko neurri zehatzak egon badaudela gogorarazi dugu. Beraz, horiek betetzea eta betearaztea dagokie patronalari eta erakundeei.
