LAB SINDIKATUA

2017/10/23 :: 6:24

Última actualización:2017/10/21 :: 14:45

IDIOMA
Estas aquí: ÁREAS MEDIO AMBIENTE TAV Gasteizko Legebiltzarrean erregistratu dugu AHTri buruzko txostena

Gasteizko Legebiltzarrean erregistratu dugu AHTri buruzko txostena

Email Imprimir PDF
Partekatu albistea



EKOPOLek, EHUko Ekonomia Ekologiko eta Ekologia Politikorako Ikerketa taldeak, AHTri buruzko lan bat egin du, LABek eta ELAk eskatuta. “Euskal Y-a: irtenbide gabeko atakan” da txostenaren izenburua, eta gaur jarri dugu Legebiltzarreko taldeen eskura, LABeko Urtzi Ostolozagak eta ELAko Nora Onaindiak Gasteizen erregistratu eta gero.

EKOPOLek egindako txostena joan den otsailean aurkeztu genuen komunikabideen aurrean. Orduan esandakoa berretsi du gaur Urtzi Ostolozagak.

Hain zuzen ere, gogoratu du langileok hasieratik egon garela Abiadura Handiko Trenaren proiektuaren aurka, langileon eta euskal jendartearen interesen aurkakoa delako. "Lan hau jasota, urteetan zehar esaten egon garenean berresten gara, proiektuaren alde daudenen aurrean. AHTk ez ditu euskal herritarron mobilizazio arazoak konpontzen, eta beraz, ez da beharrezkoa", adierazi du. "Izugarrizko kalte ekonomiko, sozial eta ingurumenekoak eragin ditu AHTren proiektuak, eta aurrerantzean eragiten jarraitzea ekidin behar dugu. Langileontzat onura sozial bakarra ez du ekarriko, bai irabazi itzelak enpresa gutxi batzuentzat, hori da justifikazio bakarra", erantsi du.



Txosten honekin diskurtso ofiziala desmuntatu eta borrokarako tresna berriak sortu nahi izan ditugula jakinarazi du, alternatibak badaudelako; "merkeagoak dira gainera, gaur egun martxan dagoenaren gainean inbertsioa egitea delako", berretsi du.
 
 

No hay comentarios


Para hacer comentarios debes estar registrado.¿Todavía no tiene una cuenta? Regístrate