2024-02-27
HomeZerbitzu PublikoakOsasungintzaUrdulizko Ospitalea %100 publiko izatearen aldeko kontzentrazioa

Urdulizko Ospitalea %100 publiko izatearen aldeko kontzentrazioa


Osakidetzako sindikatuok Alango-Getxoko CS-n, OSI Uribeko gerentziaren egoitzan, kontzentrazioa burutu dugu irekiko den Urdulizko Ospitalean eskainiko diren zerbitzuak erabat publikoak izan daitezen eskatzeko.

Ospitale berriaren inaugurazioa 2016ko urtarrilerako dago aurreikusita. Baina PNVk darabilen gardentasun faltaren ondorioz, oraindik orain ez sindikatuok, ez langileok, ezta erabiltzaileok ere ez dakigu zehatz-mehatz zein zerbitzu emango diren eta zelan kudeatuko den. PNVren osasun publikoa pribatizatzeko grinaz jabe garenez, gaurtik bertatik exijitu nahi dugu ospitale berria %100 publiko eta Osakidetzako langileek kudeaturik izatea, hauxe baita kalitatezko arreta emateko berme bakarra.

Era berean, LAB sindikatutik zera eskatzen dugu: bertoko herritarrok eskatzen ditugun zerbitzuak hasieratik eskainiak izatea, besteak beste, urgentzia pediatrikoak, erditzeak, onkologia eta hemodinamika. Azkenik, zentro berrirako langileen kudeaketari buruzko informazioa ere jaso nahi dugu.

{linkr:related;keywords:osakidetza;limit:5;title:Albiste+gehiago}
 

 

 

AZKEN ALBISTEAK | ÚLTIMAS NOTICIAS

Martxoaren 3ko ekintza bateratuak aurkeztu ditugu

Datorren igandean betetzen dira 48 urte martxoaren 3ko sarraskitik. Eta gaur, agerraldia egin dugu LAB, ELA, ESK eta STEILAS sindikatuok, Martxoak 3 elkartearekin batera, igandean egingo ditugun ekintzak aurkezteko. 12:00etan, ekitaldia egingo dugu Plazan, monolitoaren ondoran, eta 12:30ean, bertatik abiatuko da Gasteizko kaleak zeharkatuko dituen manifestazioa.

Osakidetza eta garbiketa enpresa esleipendunei eskatzen diegu uztailean sinatutako aurreakordioa bete dezatela

Joan den udan, Osakidetzak azpikontratatutako garbiketa-zerbitzuko langileek egindako borroka eredugarri eta duinaren ondoren, enpresa esleipendunak eta gehiengo sindikala aurreakordio batera iritsi ginen. Bertan, sektoreak hitzarmena berritzeko egin zituen aldarrikapen nagusiak jaso genituen: bertako langileen baldintzen homologazioa blindatzea, karrera profesionala eskuratzea, txanda-kontratua eskuratzea, bakanteen arautzea…

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.